1 Падишалар 2:28 - Мукъаддес Китап

²⁸ Эписи Исраиль къабилелеринден Озюме руханий оларакъ къурбан ерине якъынлашмагъа, къокъулы отларны якъмагъа, Меним огюмде эфод кийип юрмек ичюн, деденъни сайлап алдым. Исраиль огъуллары чалгъан ве якъкъан къурбанларнынъ къысмыны да деденънинъ эвине бердим.

1 Падишалар 2:28 ပူးပေါင်းရင်းမြစ်များ

2 Падишалар 12:7

Натан исе Давуткъа: – Шу адам – сенсинъ, – деди. – РАББИ, Исраильнинъ Алласы бойле дей: Мен сени ягънен сюртип, Исраильнинъ падишасы эттим. Мен сени Шаулдан къорчаладым.

2 Падишалар 6:14

Давут, кетен эфод кийип, бар кучюнен РАББИнинъ огюнде ойнай эди.

Чыкъыш 28:1

Исраиль огъулларындан олгъан Харун агъанъны ве огъланларыны озюнъе чагъыр. Харун ве онынъ Надав, Авиху, Элазар ве Итамар деген огъуллары Меним руханийлерим олсунлар.

Чыкъыш 28:4

Олар тикеджек урбалар булардыр: кокректеки торба, эфод, усть урба, нагъышлангъан тюп урба, чалма ве бель къушагъы. Агъанъ Харун ве онынъ огъуллары Меним руханийлерим олсун деп, оларгъа азиз урбалар тиксинлер.

Чыкъыш 30:7

Эр саба лампатларны азырлагъанда, Харун онынъ устюнде къокъулы отларны якъсын.

Чыкъыш 30:8

Акъшам да, лампатларны якъкъанда, оларны якъсын. Къокъулы отлар РАББИнинъ огюнде несильден несильге якъылсынлар.

Левийлилер 2:10

Ашлыкъ бахшышындан къалгъаны Харунгъа ве огъулларына олсун. Бу – атеште якъыладжакъ РАББИнинъ бахшышларындан улу азизликтир.

Левийлилер 2:3

Ашлыкъ бахшышындан къалгъаны Харунгъа ве огъулларына олсун: бу – атеште якъыладжакъ РАББИнинъ бахшышларындан улу азизликтир.

Левийлилер 6:16

Къалгъаныны Харун ве онынъ огъуллары ашасынлар. Оны азиз ерде, Корюшюв Чадырынынъ азбарында такос пите киби ашамакъ керек.

Левийлилер 7:32

Айваннынъ онъ аягъыны, котериледжек бахшыш оларакъ, руханийге беринъиз.

Левийлилер 7:36

Олар Исраиль огъулларындан айырылгъан ве вазифеге ягънен сюртюльген куню РАББИ бу пайларны оларгъа бермеге буюрды. Бу – несиллеринъиз ичюн эбедий низамнамедир.

Сайылар 16:5

Къорахкъа ве эписи аркъадашларына: – Ярын РАББИ ким Онынъки олгъаныны, ким азиз олгъаныны косьтереджек ве о адамны Озюне якъын япаджакъ. РАББИ сайлайджакъ адамны Озюне якъын япаджакъ.

Сайылар 18:19

Исраиль огъулларынынъ РАББИ ичюн котериледжек азиз башлыкъларнынъ эписини Мен санъа, огъулларынъа ве къызларынъа берем. Бу – эбедий низамнамедир, РАББИнинъ огюнде санъа ве сенинъ эвлятларынъа берильген эбедий туз васиетидир.

1 Падишалар 14:3

Анда эфод кийип юрген Ахия да бар эди. Онынъ бабасы Ахитув, эмджеси Икъавод, къартбабасы Пинехас эди. Пинехаснынъ бабасы исе Элий, Шилода РАББИге руханийлик япкъан адам эди. Халкъ Ёнатаннынъ кеткенини бильмей къалды.

1 Падишалар 2:18

Генч Смаил, кетен эфод кийип, РАББИге хызмет эте башлады.