1 Падишалар 17:50 - Мукъаддес Китап

⁵⁰ Бойле этип, Давут фелестинлини таш сапанынен ве ташнен енъди, урды да, ольдюрди. Къолунда къылычы биле ёкъ эди.

1 Падишалар 17:50 ပူးပေါင်းရင်းမြစ်များ

Къадылар 15:15

Шимшон эшекнинъ даа къурумагъан ченге кемигини тапты. Къолуны узатып, оны алды ве бинъ дане фелестинлини урып ольдюрди.

Къадылар 3:31

Эхуддан сонъ Анат огълу Шамгъар кельди. О, 600 фелестинлини сюйрю таякънен ольдюрди. О да Исраильни къуртара эди.

1 Падишалар 13:22

Шу себептен дженк вакътында Шаул ве огълу Ёнатандан гъайры, оларнынъ янында олгъан кимсенинъ не къылычы, не мызрагъы бар эди.

1 Падишалар 17:39

Давут урбасынынъ устюнден онынъ къылычыны белине такъты ве юрип башлады, амма бойле силягъа ич алышмагъан эди. Сонъ Шаулгъа: – Мен бойле юрип оламам, чюнки алышмадым, – деди ве бутюн шейлерни устюнден чыкъарды.

1 Падишалар 17:49

Къолуны чантасынынъ ичине тыкъып, андан таш алды да, ташны сапанындан атты. Таш фелестинлининъ манълайына урды да, анда санчылды. Фелестинли бет устюне йыкъылды.

1 Падишалар 17:51

Сонъ фелестинлининъ янына чапып келип, устюне басты, фелестинлининъ къылычыны къынындан чыкъарып, оны ольдюрди ве башыны кесип ташлады. Фелестинлилер, батырлары ольгенини корип, къачтылар.

1 Падишалар 19:5

О, фелестинлилерни енъмек ичюн, озь джаныны аямады, ве РАББИ бутюн Исраильге буюк къуртулыш багъышлады. Сен буны корип, къувана эдинъ. Шимди исе не ичюн къабаатсыз къанны тёкип, гуна ишлеп, Давутны себепсиз ольдюрмек истейсинъ я? – деди.

1 Падишалар 21:9

Руханий исе: – Мына сен Эла вадийинде ольдюрген фелестинли Гольятнынъ къылычы бар, эфоднынъ артында, кийимге сарылгъандыр. Истесенъ, шуны ал, мында башкъасы ёкъ, – деди. Давут онъа: – Онъа етерли сою ёкътыр, оны манъа бер, – деди.

1 Падишалар 23:21

Шаул оларгъа: – Мени аджыгъанынъыз ичюн РАББИ сизге мерамет этсин.