1 Падишалар 17:43 - Мукъаддес Китап

⁴³ – Сен манъа не таякъ котерип чыкътынъ: мен санъа копекми ёкъса? – деди фелестинли ве, озь аллаларыны чагъырып, Давутны къаргъады.

1 Падишалар 17:43 ပူးပေါင်းရင်းမြစ်များ

Башланув 27:29

Санъа халкълар хызмет этсинлер, миллетлер бель буксюнлер. Агъаларынъа акимдарлыкъ эт, ананънынъ огъуллары санъа бель буксюнлер. Сени къаргъагъан адамлар къаргъышлы олсун, сени багъышлагъан адамлар багъышлангъан олсунлар!

2 Падишалар 16:5

Давут падиша Бахуримге келип еткенде, андан Шаулнынъ союндан олгъан бир адам чыкъты, онынъ ады Шимий, Геранынъ огълу. О сёгюне-сёгюне чыкъты.

2 Падишалар 16:9

Церуя огълу Авишай падишагъа: – Бу еберген копек эфендим падишаны не ичюн сёге? Барып, онынъ башыны кесип алайым, – деди.

2 Падишалар 3:8

Авнер Иш-Бошетнинъ сёзлерине пек ачувланды ве: – Мен санъа не – Ехуданынъ копегими ёкъса? Мен бугунь бабанъ Шаулнынъ эвине, онынъ агъаларына, достларына садыкъ эдим, сени Давутнынъ къолуна бермедим. Сен исе бир апай ичюн мени къабаатлайсынъ!

2 Падишалар 9:8

– Мен ким олгъаным? Не ичюн манъа, еберген копекке, дикъкъат эттинъ? – деди, урьметини бильдирип Мефивошет.

3 Падишалар 20:10

Бен-Хадад даа бир хабер ёллап: – Мен Самарие шеэрининъ кулюни кокке савурарым. Джаяв аскерлериме бирер авуч куль биле тийсе, аллалар бойнумны урып, мени пек къатты джезаласынлар! – деди.

4 Падишалар 8:13

Хазаэл: – Мен, къулунъ, бир копек, бойле буюк шейни насыл япа биледжегим? – деп сорады. Эль-Яса онъа джевап берип: – РАББИ манъа сенинъ Арамнынъ падишасы оладжагъынъны косьтерди, – деди.

Икметли сёзлер 26:2

Къуш учар, къарылгъач кетер, акъсыз къаргъыш да тиймейип кечер.

Сайылар 22:6

Ялварам, кель де, менден кучьлю олгъан бу халкъны къаргъа. Бельки о заман оларны енъмеге ве топрагъымдан къуваламагъа кучюм етер. Билем ки, сен яхшылыкъ тилеген адамгъа яхшылыкъ япыладжакъ, сен къаргъагъан адам исе къаргъыш тюбюнде оладжакъ, – деди.

Къадылар 9:27

Юзюм багъчаларына кетип, махсулларыны джыйдылар, юзюмни юзюм сыкъкъан ерде сыкътылар, байрам яптылар. Сонъ озь аллаларынынъ эвине кетип, ашады-ичти ве Авимелекни сёгдилер.

1 Падишалар 14:12

Отряддакилер Ёнатан ве силя ташыйыджысына: – Бизге котерилинъиз, сизге бир шей айтаджакъмыз, – деп къычырдылар. Ёнатан силя ташыйыджысына: – Айды, кеттик, РАББИ оларны Исраиль къолуна теслим этти, – деди.

1 Падишалар 24:14

Къадимий айтымда айтылгъандыр: «Яман адамлар яманлыкъ япалар». Мен исе санъа тиймем.

1 Падишалар 24:15

Исраиль падишасы кимге къаршы чыкъты? Кимнинъ артындан къуваладынъ? Ольген копекнинъ артындан, бир битнинъ пешинден.