1 Падишалар 14:47 - Мукъаддес Китап

⁴⁷ Шаул Исраильнинъ падишасы олгъан сонъ, эр тарафтаки душманларынен дженклешти: Моавнен, аммонлыларнен, Эдомнен, Цова падишаларынен, фелестинлилернен де дженклешти. Кимге къаршы чыкъмасын, эписини енъди.

1 Падишалар 14:47 ပူးပေါင်းရင်းမြစ်များ

Башланув 19:37

Буюги огълан бала тапты ве онынъ адыны Моав къойды. О, бу куньгедже моавлыларнынъ бабасы-дедесидир.

Башланув 19:38

Кичиги де огълан бала тапты ве онынъ адыны Бен-Амми къойды. О, бу куньгедже аммонлыларнынъ бабасы-дедесидир.

Башланув 36:1

Мына Исав, я да Эдом, ве онынъ эвлятлары акъкъында ривает.

Башланув 36:19

Будыр Исавнынъ, я да Эдомнынъ, огъуллары ве будыр – оларнынъ къабилелери.

Башланув 36:8

Исав яшамакъ ичюн Сеир деген дагълы топрагъында ерлешти. Исав – бу Эдом.

2 Падишалар 1:22

Ёнатан яйындан атып, джесюр аскерлернинъ къаныны тёкти, оларнынъ къанынен окъларыны алгъа боялады. Шаулнынъ къылычы душманларыны кесе-парчалай эди.

2 Падишалар 10:6

Аммонлылар, Давутнынъ оларгъа къан душманы олгъаныны корип, Бет-Рехов шеэринден арамлыларны ве Цова шеэринден арамлыларнынъ 20 000 джаяв аскерини, Маакъа топрагъы падишанынъ 1 000 адамыны ве Тов еринден 12 000 адамны парагъа тутмагъа адамлар йибердилер.

2 Падишалар 8:15

Давут бутюн Исраильге падишалыкъ япты, озюнинъ бутюн халкъыны акълы суд этти.

2 Падишалар 8:3

Сонъ Давут Реховнынъ огълу Хададезерни – Цова падишасыны – енъди. О заман Хададезер Фират дерьясындаки укюмдарлыгъыны гъайрыдан тиклемеге кете эди.

3 Падишалар 11:23

Алла Сулеймангъа къаршы даа бир душманны чыкъарды. Бу – Эльяда огълу Резон эди. О, озюнинъ эфендиси Цова падишасы Хададезерден къачкъан эди.

4 Падишалар 14:27

РАББИ исраиллилернинъ адыны ер юзюнден сильмеге истемеди ве оларны Ёаш огълу Еровоамнынъ къолунен къуртарды.

1 Падишалар 12:2

Энди падишанъыз бар. Мен исе къарт олдым, сачларым агъарды, огъулларым да сизинъ аранъызда. Мен яшлыгъымдан бугуньге къадар огюнъизде юрдим.

1 Падишалар 13:1

Шаулнынъ падишалыкъ эткенине бир йыл толды. Экинджи йылы Исраильге падишалыкъ эткенде, о, озюне 3 000 исраилли сайлап алды.

1 Падишалар 14:46

Сонъ Шаул фелестинлилернинъ пешинден къувмады, ве фелестинлилер озь ерлерине къайттылар.

1 Падишалар 14:52

Шаулнынъ бутюн падишалыгъы заманында фелестинлилерге къаршы токътамадан дженк кетти. Шаул бирде-бир къараман ве джесаретли адам корьсе, оны озюне алды.

1 Падишалар 21:7

Шу куню о ерде РАББИнинъ огюнде олгъан эдомлы Доэг адлы Шаулнынъ бир хызметчиси, чобанларнынъ башлыгъы бар эди.