1 Падишалар 14:39 - Мукъаддес Китап

³⁹ Исраильни къуртаргъан Алланен ант этем! Гуна огълум Ёнатаннынъ устюнде олса биле, о да мытлакъа олер, – деди. Лякин халкънынъ арасындан онъа кимсе джевап бермеди.

1 Падишалар 14:39 ပူးပေါင်းရင်းမြစ်များ

2 Падишалар 12:5

Давут шу байгъа пек ачувланды ве Натангъа: – РАББИ тёпеде бар! Буны япкъан адам ольмеге ляйыкъ!

2 Падишалар 14:21

Сонъ падиша Ёавгъа: – Айды, сенинъ дегенинъ олсун. Энди бар, Авишаломны къайтар, – деди.

Джемаат башы 9:2

Эр кеснинъ: инсафлынынъ ве инсафсызнынъ, яхшы, элял ве арам олгъаннынъ, къурбан чалгъан ве къурбан чалмагъаннынъ башына тюшеджеги бирдир. Догъру яшагъангъа гунакяр олгъангъа киби олур. Емин эткен ве еминден къоркъкъаннынъ оладжагъы бир.

1 Падишалар 14:24

Исраиль халкъы о куню пек ёрулды. Шаул исе: – Ким бугунь кунеш батмаздан эвель ве мен душманларымдан акъкъымны алмаздан эвель бир шей ашаса, лянет олсун, – деп, халкъны емин эттирди. Ве кимсе бир шей ашамады.

1 Падишалар 14:40

Сонъ Шаул бутюн исраиллилерге: – Сизлер бир тарафта тизилинъиз, мен ве огълум Ёнатан исе дигер тарафта турайыкъ, – деди. Халкъ онъа: – Санъа не догъру олып корюнсе, шуны яп, – деди.

1 Падишалар 14:44

Шаул: – Ёнатан, эгер сен бугунь ольмесенъ, Алла бойнумны урсун, – деди.

1 Падишалар 19:6

Шаул Ёнатаннынъ сёзлерини динъледи ве: – Тири Алланен ант этем! Давут ольмез, – деди.

1 Падишалар 20:31

Йишай огълу бу дюньяда тири олгъандже, не сен, не падишалыгъынъ турып оламайджакъ! Деръал адам йибер де, оны манъа кетирт. О, мытлакъа оледжек! – деди.

1 Падишалар 22:16

Падиша исе: – Ахимелек, мытлакъа сен оледжексинъ, сен де, бутюн бабанънынъ эви де, – деди.

1 Падишалар 28:10

Шаул РАББИнинъ огюнде сёз берип: – Алла тёпеде бар! Бу ишинъ ичюн санъа бир джеза олмаз, – деди.