1 Падишалар 13:11 - Мукъаддес Китап

¹¹ Амма Смаил онъа: – Сен не яптынъ? – деди. Шаул: – Мен халкънынъ къачкъаныны, сен исе бельгиленген вакъытта кельмегенинъни, фелестинлилернинъ Микмаста топлангъаныны корьдим де:

1 Падишалар 13:11 ပူးပေါင်းရင်းမြစ်များ

Башланув 3:13

РАББИ-Тааля апайдан: – Не яптынъ сен?! – деп сорады. – Мени йылан алдатып ёлдан урды, ве мен ашадым, – деп джевап къайтарды апай.

Башланув 4:10

Сонъ РАББИ: – Не яптынъ сен? Къардашынъ къанынынъ сеси Манъа топракътан къыямет къопара.

2 Падишалар 3:24

Ёав, падишагъа келип: – Сен не яптынъ? Мына санъа Авнер кельген, сен не ичюн оны йибердинъ? Энди о бизден къачып кетти! – деди.

4 Падишалар 5:25

Гехазий эфендисине къайтып кельгенде, Эль-Яса ондан: – Гехазий, къайдан келесинъ? – деп сорады. Гехазий исе: – Ёкъ-ёкъ, къулунъ бир якъкъа бармады, – деди.

Ешая 10:28

Олар Айят шеэрине кельдилер, Мигрондан кечтилер, Микмаста аш-сув запасларыны къалдырдылар.

Нун огълу Ехошуа 7:19

– Огълум! – деди Ехошуа Акъангъа. – Исраильнинъ Алласы олгъан РАББИни шуретле, Онъа шукюр эт! Бир шей гизлемейип, япкъанынъны манъа айт.

1 Падишалар 13:12

«Шимди фелестинлилер Гилгалгъа уджюм этеджек, мен исе РАББИге мураджаат этмедим», – деп тюшюндим. Шунынъ ичюн къурбан чалып якъмагъа къарар эттим, – деди.

1 Падишалар 13:16

Ёнатан адлы огълунен ве янында олгъан адамларнен Биньяминнинъ Гевасында ерлештилер. Фелестинлилернинъ ордусы исе Микмаста ерлешкен эди.

1 Падишалар 13:2

Микмаста ве Бет-Эль дагъында Шаулнен берабер 2 000 адам, Биньямин топракъларында олгъан Гивада Ёнатаннен берабер даа 1 000 адам бар эди. Къалгъанларны исе о, озь эвлерине йиберди.

1 Падишалар 13:23

Фелестинлилернинъ бир болюги Микмаснынъ кечювине кетти.

1 Падишалар 13:5

Фелестинлилер Исраильге къаршы дженк этмеге топландылар: 30 000 дженк арабасы ве 6 000 атлы, денъиз ялысындаки къум киби чокъ адам топланды. Келип, Микмаста, Бет-Авеннинъ шаркъ тарафында, ордунен ерлештилер.

1 Падишалар 14:5

Бир къая шимальден Микмас тарафкъа, экинджиси дженюптен Гевагъа бакъа эди.