1 Падишалар 12:11 - Мукъаддес Китап

¹¹ О заман РАББИ Еруббаалны, Беданны, Йифтахны ве Смаилни ёллап, сизни эписи душманларынъыздан къуртарды. Сиз раат-раат яшап башладынъыз.

1 Падишалар 12:11 ပူးပေါင်းရင်းမြစ်များ

4 Падишалар 13:5

РАББИ исраиллилерге бир къуртарыджы йиберди, исраиллилер арамлыларнынъ укюминден къуртулды, ве эвелькиси киби озь эвлеринде хавфсыз яшап башладылар.

1 Тарих вакъиалары 7:17

Уламнынъ огълу: Бедан. Менашше огълу Макир огълу Гиладнынъ огъуллары булар эди.

Къадылар 4:6

Девора Кедеш-Нафталийден Авиноам огълу Баракъны чагъырып, онъа: – Исраильнинъ Алласы РАББИ санъа бойле буюра: бар, Тавор дагъына котериль, озюнънен берабер Нафталий ве Зевулун огъулларындан 10 000 киши ал.

Къадылар 6:14

РАББИ онъа бакъты да: – Къудретинънен бар да, Исраильни мидьянлылардан азат эт! Мен сени ёллайым, – деди.

Къадылар 6:31

Лякин Ёаш чевре-четинде тургъанларгъа: – Сизлер Баал ичюн давалашаджакъсынъызмы? Сизлер оны къорчалайджакъсынъызмы? Эгер кимде-ким оны къорчаласа, бу сабасы ольдюриледжек! Эгер Баал алла олса, онынъ къурбан ери бозулгъаны ичюн, о озю ичюн давалашсын! – деди.

Къадылар 6:32

Гидон Баалнынъ къурбан ерини бозгъаны ве: «Баал озю ичюн давалашсын», дегени ичюн, шу куню онъа Еруббаал адыны къойдылар.

Къадылар 7:1

Саба эрте Еруббаал (яни Гидон) ордусынен кетип, ордусыны Харод чокърагъы янында ерлештирди. Мидьянлыларнынъ ордусы шималь тарафында, Морэ дагъынынъ янындаки вадийде эди.

Къадылар 8:29

Ёаш огълу Еруббаал къайтып кельди ве эвинде яшады.

Къадылар 8:35

Еруббаалнынъ, яни Гидоннынъ союна да, Гидон Исраильге япкъан эйиликлери ичюн, мерамет эйлемедилер.

1 Падишалар 3:20

Дандан Беэр-Шевагъа къадар яшагъан эписи исраиллилер, Смаил РАББИнинъ пейгъамбери олмагъа ляйыкъ олгъаны акъкъында бильдилер.

1 Падишалар 7:13

Бойле этип, фелестинлилер токътатылды ве Исраиль сынъырларыны бозмакътан вазгечтилер. РАББИ Смаилнинъ бутюн яшайышы девамында фелестинлилерни токътатып тура эди.