1 Падишалар 10:11 - Мукъаддес Китап

¹¹ Оны эвельден бильген адамлар, онынъ пейгъамберлер сырасында Алланынъ шейлерини айтып юргенини корип, бири-бирлерине: – Киш огълу Шаулгъа не олды? Шаул да пейгъамберлерденми? – дедилер.

1 Падишалар 10:11 ပူးပေါင်းရင်းမြစ်များ

Амос 7:14

Амос Амацьягъа бойле джевап берди: – Мен пейгъамбер дегилим, пейгъамберлик япмагъа да – меним зенаатым дегиль. Мен айванасравджым ве хурма тереклерини осьтюрем.

Амос 7:15

Лякин РАББИ мени къой-эчкилерден алды ве манъа: «Бар, Меним халкъыма Исраильге пейгъамберлик эт», – деди.

Юхан 7:15

О вакъыт еудийлернинъ башлыкълары: – Бу адам бир ерде окъумагъан олса, Мукъаддес Языларны о къадар яхшы къайдан бильди? – деп, шаша эдилер. Иса оларгъа джевап берип, шойле деди:

Фаалиет 3:10

Сарайнынъ «Гузель» деген къапусы янында садакъа тилеп отургъан адамнынъ озю олгъаныны анълагъан сонъ, онен олгъан шейни корип, эписи тааджипленди ве пек шашып къалдылар.

Фаалиет 4:13

Руханийлер, Пётр ве Юханнынъ джесаретини корип, олар окъумагъан, адий адамлар олгъаныны билип, пек тааджиплендилер. Сонъ оларнынъ Исанен олгъанларыны анъладылар.

Фаалиет 9:21

Оны эшиткенлер шашып: – Ерусалимде шу Адгъа инанып чагъыргъанларны къырып ташлай эди. Бу ерде де оларны якъалап, баш руханийлерге алып бармакъ ичюн, мында кельмедими? – дей эдилер.

1 Падишалар 19:24

Сонъ урбаларыны чыкъарып, Смаил огюнде пейгъамберлик япты, бутюн кунь ве геджеси чыплакъ ятты. Шунынъ ичюн: «Шаул да пейгъамберлерденми?» деген айтым пейда олды.