1 Коринтлилерге 9:22 - Мукъаддес Китап

²² Къуветсиз адамларны Аллагъа алып кельмек ичюн, мен къуветсиз олдым. Мумкюн олгъаны къадар базыларны къуртармакъ ичюн, эр кеске эр шей олдым.

1 Коринтлилерге 9:22 ပူးပေါင်းရင်းမြစ်များ

Римлилерге 11:14

Бельки, сойдашларымнынъ куньджюлигини къозгъайджагъым ве олардан базыларыны къуртараджагъым.

Римлилерге 14:1

Фикирлери акъкъында давалашмайып, иманы кучьсюз олгъан адамны къабул этинъиз.

Римлилерге 14:2

Кимдир эр шейни ашамагъа мумкюн олгъанына эмин. Иманы кучьсюз адам исе тек себзе ашай.

Римлилерге 15:1

Бизге, иманы кучьлю олгъанларгъа, файдамызны къыдырмагъа дегиль, иманы кучьсюз олгъанларгъа ярдым этмеге керек.

Римлилерге 15:2

Эр биримиз агъа-къардашымызнынъ эйи файдасыны къыдырмагъа ве иманыны къавийлештирмеге керекмиз.

1 Коринтлилерге 10:33

Мен эр бир шейни, адамлар разы олсун деп, япмагъа тырышам. Озь файдамны къыдырмайым, лякин, олар къуртулсын деп, чокъусынынъ файдасыны къыдырам.

1 Коринтлилерге 7:16

Эй, апайлар ве акъайлар, сиз бильмейсинъиз, бельки акъайынъызны я да апайынъызны къуртараджакъсынъыз!

1 Коринтлилерге 8:13

Онынъ ичюн, эгер ашагъан ашым дин къардашларымны ёлдан урса, ич бир гунагъа себеп олмайым деп, омюрбилля эт ашамам.

1 Коринтлилерге 9:19

Мен эписинден азат олсам да, чокъ адамны Аллагъа алып кельмек ичюн, озюмни эписине къул эттим.

1 Коринтлилерге 9:23

Буларнынъ эписини Къуванчлы Хабер ичюн япам, онда меним къысметим де олсун.

2 Коринтлилерге 11:29

Эгер бир адам такъаттан тюшсе, мен де такъаттан тюшем! Бирев ёлдан урулса, юрегим яна!

Галатиядакилерге 6:1

Агъа-къардашлар, эгер бир адамнынъ гуна япкъаны белли олса, сизлер, рухий олып, оны йымшакълыкънен тюзетинъиз ве, ёлдан урулмамакъ ичюн, озюнъизге сакът олунъыз.