1 Коринтлилерге 7:2 - Мукъаддес Китап

² Амма ороспулыкъкъа ёл бермемек ичюн, эр бир акъайнынъ озь апайы олсун, ве эр бир апайнынъ озь акъайы олсун.

1 Коринтлилерге 7:2 ပူးပေါင်းရင်းမြစ်များ

Икметли сёзлер 18:22

Эм олюм, эм яшайыш тильге бойсуныр, оны севген махсулындан ашар.

Икметли сёзлер 19:14

Эв ве байлыкъ – ана-бабадан мирастыр, акъыл-ферасетли апай исе – РАББИдендир.

Малакий 2:14

«Не ичюн?» – деп сорайсынъыз. Чюнки сен яш олгъанда апайынъа эвленген вакъытта РАББИ бунынъ шааты эди. Шимди сен апайынъа хаинлик яптынъ. О исе сенинъ ёлдашынъ ве къанун боюнджа апайынъдыр.

Матта 5:32

Лякин Мен сизге айтам: ким апайындан, аиле садыкълыгъы бозувындан башкъа себеп тапып, айырылса, онынъ апайы исе башкъасына акъайгъа чыкъса, о, апайыны аиле садыкълыгъыны бозув гунасына ёллай. Айырылгъан къадынгъа эвленген адам да шу гунагъа огърай.

1 Коринтлилерге 6:18

Ороспулыкътан къачынъыз! Адамнынъ япкъан эр бир гунасы беденинден тышарыдадыр. Ороспу исе озь шахсий беденине къаршы гуна япа.

1 Коринтлилерге 7:1

Энди сизлер манъа язгъан шейлерге кечейик: «Къадыннен ятмамакъ адам ичюн яхшыдыр».

1 Коринтлилерге 7:3

Эр бир акъай озь апайына нисбетен ве апай озь акъайына нисбетен акъай-апай вазифесини беджерсин.

1 Коринтлилерге 7:9

Амма озюни тутып оламасалар, эвленсинлер. Джошкъун атеште янмакътан эвленмек яхшыдыр.

Эфеслилерге 5:28

Акъайларгъа апайларыны, озь беденлерини киби, севмеге керек. Озь апайыны севген озь озюни севе.

Эфеслилерге 5:33

Бойлеликнен, эр биринъиз озь апайларынъызны, озюнъизни киби, севинъиз. Апай исе озь акъайыны урьмет этсин.

1 Тессалоникелилерге 4:4

эр биринъиз озь беденини азизликте ве намуслыкъта тутунъыз,

1 Тимотейге 4:3

Олар эвленмеге ве базы ашларны ашамагъа ёл бермейлер. Лякин Алла эр бир ашларны, инангъан ве акъикъатны бильген адамлар шукюр этсинлер ве оларны ашасынлар деп, яраткъандыр.

Къадылар 21:22

Къызларнынъ баба я да агъалары бизге шикяет этип кельселер, биз оларгъа: «Бизни аджынъыз, къызларынъызны бизде къалдырынъыз! Эр биримиз дженкте озюне апай алып оламадыкъ! Бундан да гъайры, сиз оларгъа апай бермединъиз, демек, сизде къабаат ёкъ!» – дермиз.