1 Коринтлилерге 7:18 - Мукъаддес Китап

¹⁸ Бириси сюннетли олып чагъырылгъанда, сюннетини сакъламасын. Башкъасы сюннетсиз олып чагъырылгъанда, сюннет япмасын.

1 Коринтлилерге 7:18 ပူးပေါင်းရင်းမြစ်များ

Фаалиет 15:19

Онынъ ичюн мен бойле къараргъа кельдим: башкъа миллетлерден Аллагъа иман эткенлерини зорламайыкъ.

Фаалиет 15:24

Эшиткенимизге коре, бизден чыкъкъан базы адамлар озьлерининъ лафларынен башынъызны айландырып, гонълюнъизни бозгъанлар. Биз исе буны буюрмагъан эдик.

Фаалиет 15:28

Мукъаддес Рух ве бизлер, сизинъ бойнунъызгъа беджермеге зарур олгъан шейлерден башкъа ич бир шей юклемеге керекмей, деп саямыз, яни:

Фаалиет 15:5

Лякин ферисе фыркъасындан имангъа кельген базылары оларгъа къаршы чыкъып: – Оларны сюннет этмек ве Мусанынъ Къанунына бойсундырмакъ керек, – дедилер.

Фаалиет 21:21

Олар эшиткен сёзлерге коре, сен башкъа миллетлер арасында яшагъан еудийлерге: огъулларынъызны сюннет этменъиз, урф-адетлерни кутьменъиз, Мусанынъ Къанунындан чыкъынъыз, деп огреткенсинъ.

Колоссайлыларгъа 3:11

Мында шимди не юнан бар не еудий, не сюннетли бар не сюннетсиз, не варвар бар не скиф, не къул бар не азат, лякин тек Месих бар. О – эр шей ве эр шейдедир.