1 Коринтлилерге 3:5 - Мукъаддес Китап

⁵ Аполлос ким? Павел де ким? Олар тек хызметчилердир. Сизлер бу хызметчилернинъ ярдымынен имангъа кельдинъиз. Рабби эр биримизге айры хызметни берди.

1 Коринтлилерге 3:5 ပူးပေါင်းရင်းမြစ်များ

Матта 25:15

Бирисине беш, башкъасына эки, учюнджисине бир бинъ алтын бере – эр бирине къабилиетине коре. Озю исе кете.

Лука 1:2

Бизлер исе эр шейни озь козюнен корьген адамлардан, Сёзнинъ хызметчилеринден билип,

Юхан 3:27

Ягъя джевап берип: – Эгер коктен берильмесе, адам ич бир шей алып оламай.

Фаалиет 18:24

Шу арада Эфес шеэрине Эскендериеде догъгъан Аполлос адлы бир адам кельди. О, лафкъа уста, Мукъаддес Языларны яхшы бильген бир еудий эди.

Фаалиет 19:1

Аполлос Коринт шеэринде олгъанда, Павел дагълы виляетлерден кечип, Эфес шеэрине кельди. О ерде бир къач Исанынъ шегиртлерини тапып, олардан:

Римлилерге 15:16

Алланынъ эйилигинен Иса Месих мени халкъларгъа хызмет этмеге ёллады, ве, Мукъаддес Рух халкъларны азиз этсин ве Алла оларны, истегенине бахшыш киби, къабул этсин деп, мен руханийге ошап, Алланынъ Къуванчлы Хаберини бильдирем.

1 Коринтлилерге 12:28

Алла иманлылар джемиетине биринджиден эльчилерни сайлады, экинджиден пейгъамберлерни, учюнджиден оджаларны сайлап къойды. Сонъ базыларгъа аджайип ишлер япмакъ, хасталарны тедавийлемек, ярдым этмек, башлыкъ этмек, чешит тиллерде лаф этмек къабилиетини багъышлады.

1 Коринтлилерге 16:12

Дин къардашымыз Аполлоскъа, озь достларынен берабер сизге кельмеге ялвардым, амма шимди бармагъа ич истеги ёкъ. Къолай бир вакъыт тапса келеджек.

1 Коринтлилерге 3:10

Алланынъ эйилигинен мен, акъыллы къуруджы киби, темель къойдым. Башкъа адам исе онынъ устюнде бир шейлер къура. Эр кес насыл къургъанына дикъкъат этсин.

1 Коринтлилерге 3:22

Эм Павел, эм Аполлос, эм Кифа, эм дюнья, эм аят ве олюм, эм шимдики ве келеджек заман – эписи сизинъкидир.

1 Коринтлилерге 3:7

Шунынъ ичюн не сачкъан, не суваргъан адамнынъ эмиети ёкъ. Тек эр шейни осьтюрген Алланынъ эмиети бар.

1 Коринтлилерге 9:17

Бу ишни озь истегимнен япсам, мукяфат алырым. Амма буны истексиз япсам, демек, мен тек берильген вазифени япам.

2 Коринтлилерге 11:23

Олар Месихнинъ хызметчилерими? Мен акълымны джойгъан киби айтам: мен олардан буюгим! Иш десенъиз, мен олардан чокъ чалыштым. Зиндан десенъиз, олардан чокъ зинданда яттым. Котек десенъиз, мен олардан чокъ котек ашадым, атта чокъ кере олюмге якъын олдым.

2 Коринтлилерге 3:3

Ачыкътан корюнип тура ки, сизлер – бизим хызметимиз аркъалы язылгъан Месихнинъ мектюбисинъиз. Бу мектюп къалемнен дегиль, Тири Алланынъ Рухунен язылгъан, тегиз ташларда дегиль, адамларнынъ юреклеринде язылгъандыр.

2 Коринтлилерге 3:6

О, бизге янъы васиетнинъ хызметчилери олмагъа къабилиетини берди. Бу васиет язылгъан къанунларгъа дегиль, лякин Алланынъ Рухуна таяна, чюнки язылгъан къанунлар адамларны олюмге алып келе, Рух исе омюр багъышлай.

2 Коринтлилерге 4:1

Бойлеликнен, Алланынъ мераметинен бойле хызметте булунып, рухтан тюшмеймиз.

2 Коринтлилерге 4:5

ве биз озюмиз акъкъында дегиль, Иса Месих Рабби олгъаны акъкъында хабер этемиз, озюмиз исе Иса ичюн сизинъ къулларынъыз оламыз.

2 Коринтлилерге 4:7

Бу къыйметли ярыкъны биз озь къуветсиз беденлеримизде, балчыкъ савутларда киби, алып юремиз, чюнки аджайип къудретимиз бизден дегиль, лякин Алладан келе.

2 Коринтлилерге 5:18

Эр шей Алладандыр. О, Месихнинъ ярдымынен бизни Озюнен барыштырды ве бизге барышыкъ хызметини берди.

2 Коринтлилерге 6:1

Алланынъ ишдешлери олып, сизге Онынъ эйилигини бошуна къабул этмемеге ялварамыз.

2 Коринтлилерге 6:4

ве эр бир алда Алланынъ хызметчилери олгъанымызны косьтеремиз: беляларда, хор-факъыр олгъанымызда, къыйын вакъытта чокъ сабыр этемиз,

Эфеслилерге 3:7

Мен бу Къуванчлы Хабернинъ хызметчиси олдым, чюнки Алланынъ эйилик бахшышы манъа Онынъ къудрети ярдымынен берильди.

Колоссайлыларгъа 1:23

эгер сиз иманынъызда къатты ве темелли олсанъыз ве Къуванчлы Хабердеки умюттен юзь чевирмесенъиз. Бу Къуванчлы Хаберни сиз эшиттинъиз; о, коклер астындаки яратылгъан эр бир шейге бильдирильди. Мен, Павел, онынъ хызметчиси олдым.

Колоссайлыларгъа 1:25

Алла манъа сизни бакъмагъа буюрды, ве мен иманлылар джемиетининъ хызметчиси олдым. Меним ишим Алланынъ Сёзюни бутюнлей бильдирмек олды.

1 Тимотейге 1:12

Манъа къувет берген Раббимиз Иса Месихке шукюр этем, чюнки О, мени ишанчлы адам деп сайып, манъа бу хызметни авале этти.

1 Пётр 4:10

Алла сизлерге эр тюрлю къабилиетлерни багъышлады. Эр биринъиз оларны ишлетип, Алла эйилигининъ яхшы хызметчилери киби бири-биринъизге хызмет этинъиз.