1 Коринтлилерге 3:19 - Мукъаддес Китап

¹⁹ Бу дюньянынъ икмети Алланынъ огюнде акъылсызлыкътыр. Язылгъан: «О, акъыллы адамларны оларнынъ айнеджилигинен тутып алыр».

1 Коринтлилерге 3:19 ပူးပေါင်းရင်းမြစ်များ

2 Падишалар 15:31

Давуткъа: – Ахитофел Авишаломнен берабер санъа къаршы анълашма япты, – дедилер. Давут: – РАББИ! Ахитофелнинъ огреткен шейни ахмакълыкъкъа чевир! – деди.

2 Падишалар 16:23

Ахитофел берген насиатлар о вакъытларда РАББИ берген насиат киби деп сайыла эди. Ахитофелнинъ Давуткъа да, Авишаломгъа да берген эр бир насиаты бойле эди.

2 Падишалар 17:14

Авишалом ве бутюн Исраиль: – Аркълы Хушайнынъ насиаты Ахитофел берген насиатындан яхшы, – дедилер. Мына бойле этип, РАББИ, Авишаломгъа беля кетирмек ичюн, Ахитофелнинъ яхшы насиатыны бозмагъа ниет этти.

2 Падишалар 17:23

Ахитофел, насиаты беджерильмегенини корип, эшегини екти, азырланып ёлгъа чыкъты, шеэрине, эвине кельди, къорантасына сонъки эмирлерини берди, сонъ озь-озюни асып ольдюрди. Оны бабасынынъ къабринде дефн эттилер.

Эстер 7:10

Бойледже, Хаманны дирекке астылар. Хаман исе оны Мордекъайгъа азырлагъан эди. Сонъ падишанынъ гъазабы ятышты.

Эюп акъкъында китап 5:13

О, акъыллы адамларны оларнынъ айнеджилигинен тутып алыр, яланджыларнынъ планлары да бошуна олур.

Чыкъыш 1:10

Айдынъыз, оларнен япаджакъ ишимизни акъылнен япайыкъ. Ёкъса, олар даа чокълашырлар ве, дженк башласа, олар бизим душманларымызгъа къошулыр, бизге къаршы дженк этер ве топрагъымыздан чыкъып кетерлер, – деди.

Чыкъыш 18:11

Шимди мен билем ки, РАББИ эписи аллалардан буюк; О, бойле шейлер япып, исраиллилерни гъурурлы мысырлыларнынъ аллаларындан къуртарды, – деди.

Икметли сёзлер 14:8

Зекялы адамнынъ икмети – ёлуны анъламакътыр, акъылсызларнынъ ахмакълыгъы исе – алданмакътыр.

Икметли сёзлер 21:30

Адамларнынъ икмети, анълайышы, насиаты – РАББИнинъ огюнде бош шей.

Ешая 44:25

Яланджы пейгъамберлернинъ бельгилерини бош шейлерге чевирем, фалджыларны акъылсыз этем, акъыллы адамларны арткъа къувам, бильгилерини ахмакълыкъкъа чевирем.

1 Коринтлилерге 2:6

Биз анълагъан адамлар арасында икметли сёзлерни айтамыз, амма бу икмет – дюньянынъ икмети дегиль, дюньядаки кечиджи акимлернинъ икмети де дегиль.

1 Коринтлилерге 4:6

Дин къардашлар, мен айткъан шейлерни сизинъ файданъыз ичюн биринджиден озюм акъкъында, эм де Аполлос акъкъында айттым. Шунынъ ичюн сизлер «язылгъан шейлерден гъайры ич бир шей уйдурмагъа» бизден огренинъиз ве ич бир адамнен башкъасынынъ зарарына макътанманъыз.

Эфеслилерге 4:14

Сонъ бизлер сабийлер киби олмайыкъ, эр тюрлю огретювлерге берильмейик, далгъалар киби, анда-мында атылмайыкъ, адамларнынъ айнеджилигине ве оларнынъ бизни ёлдан урмагъа ялан ниетлерине де берильмейик,

Якъуп 3:15

Бойле икмет юкъарыдан дегиль, дюньядан, адамлардан ве шейтандан келе.