1 Коринтлилерге 16:6 - Мукъаддес Китап

⁶ Бельки янынъызда бираз вакъыткъа къалырым, я да къышны кечиририм, сонъ сизлерге мени кетеджек ериме озгъармакъ мумкюн олур.

1 Коринтлилерге 16:6 ပူးပေါင်းရင်းမြစ်များ

Фаалиет 15:3

Олар топлашув тарафындан ёлланылгъан сонъ, Фенике ве Самариеден кечип, о ердеки дин къардашларына башкъа халкъларнынъ Аллагъа иман эткенлерини айтып берип, эписине буюк севинч багъышладылар.

Фаалиет 17:15

Павелни озгъаргъанлар оны Афина шеэринедже алып бардылар, Павелден, Силанен Тимотей янына тездже кельсинлер, деген эмирни алгъандан сонъ, кери къайтып кельдилер.

Фаалиет 20:38

Павелнинъ: «Меним юзюмни бир даа корьмейджексиз», – деген сёзлери оларны хусусан гъам-къасеветке кетирди. Ниает, оны гемиге озгъарып бардылар.

Фаалиет 21:5

Бу куньлер кечкен сонъ, биз кене ёлгъа чыкътыкъ. Иманлылар апайлары ве бала-чагъаларынен берабер шеэрден чыкъып бизнен бардылар. Ялыда тиз чёкип, дува окъудыкъ.

Фаалиет 27:12

Лиман къышны кечирмеге келишмегени ичюн, чокъусы ёлджулар о ерден тездже денъизге чыкъып, мумкюн олса, Критнинъ Фойникс лиманына барып, къышны анда кечирмеге истедилер. Фойникс дженюбий-гъарп ве шималий-гъарп тарафларда ачылгъан эди.

Фаалиет 28:11

Учь айдан сонъ, Эскендериеден кельген, шу адада къышны кечирген Эгизлер адлы бир гемиде ёлгъа чыкътыкъ.

Римлилерге 15:24

Испаниягъа кетсем, кечип кеткенде сизнен корюшмеге ве сизнен бираз субетлешип, ёлумны девам этмеге ишанам.

1 Коринтлилерге 16:11

Кимсе онъа юкъарыдан бакъмасын. О, манъа кельсин деп, оны аманлыкънен озгъарынъыз; мен оны дин къардашларнен берабер беклейим.

2 Коринтлилерге 1:16

Сизден сонъ Македониягъа кечмеге ве Македониядан кене сизге къайтмагъа истей эдим. О вакъыт сизлер бизни Еудиеге ёллар эдинъиз.

Титке 3:12

Артемасны я да Тихикни сенинъ янынъа ёллагъанымдан сонъ, сен меним яныма Никополь шеэрине кельмеге ашыкъ, чюнки мен къышны о ерде кечирмеге къарар эттим.