1 Коринтлилерге 16:16 - Мукъаддес Китап

¹⁶ бойле адамларгъа, оларнынъ ярдымджыларына ве чокъ чалышкъан эр бир инсангъа бойсунынъыз.

1 Коринтлилерге 16:16 ပူးပေါင်းရင်းမြစ်များ

1 Тарих вакъиалары 12:18

Алланынъ Руху Отуз Аскернинъ башлыгъы Амасайгъа энди, ве о: – Сагълыкъ-селяметлик сенде ве сеннен олсун, Йишайнынъ огълу Давут. Биз сеннен. Сагълыкъ-селяметлик сенинъ ярдымджыларынънен де олсун, чюнки санъа Алланъ ярдым эте, – деди. Бундан сонъ Давут оларны къабул этти ве ордусынынъ башлыкълары этип къойды.

Джемаат башы 1:3

Ер юзюнде япкъан ишлеринден адамгъа не файда?

Римлилерге 16:12

Раббиге чокъ хызмет эткен Трифена ве Трифосагъа селям этинъиз. Раббиге пек чокъ хызмет эткен севимли Персидагъа да селям этинъиз.

Римлилерге 16:3

Меннен берабер Иса Месихке хызмет эткен Приска ве Акилагъа селям этинъиз.

Римлилерге 16:6

Сизлер ичюн чокъ чалышкъан Мерьемге селям этинъиз.

Римлилерге 16:9

Бизнен берабер Иса Месихке хызмет эткен Урбангъа ве севимли Стахиске селям этинъиз.

1 Коринтлилерге 12:28

Алла иманлылар джемиетине биринджиден эльчилерни сайлады, экинджиден пейгъамберлерни, учюнджиден оджаларны сайлап къойды. Сонъ базыларгъа аджайип ишлер япмакъ, хасталарны тедавийлемек, ярдым этмек, башлыкъ этмек, чешит тиллерде лаф этмек къабилиетини багъышлады.

1 Коринтлилерге 3:9

Биз Алланен берабер чалышамыз, сизлер исе – Алланынъ тарласы, Алла къураяткъан бинасынъыз.

Эфеслилерге 5:21

Месихтен къоркъып, бири-биринъизге бойсунынъыз.

Филиплердекилерге 4:3

Эбет, ишанчлы ёлдашым, санъа да ялварам, о къадынларгъа ярдым эт. Олар меннен, ве Клементнен, ве меннен берабер башкъа чалышкъанларнен Къуванчлы Хаберни даркъатмакъ ичюн арекет этелер. Оларнынъ адлары яшайыш китабында язылгъандыр.

1 Тессалоникелилерге 1:3

сизинъ иманнен ишлеринъизни, севгинен арекетлеринъизни ве Раббимиз Иса Месихке умютнен олгъан сабырынъызны Алланынъ ве Бабамызнынъ огюнде эр заман акъылда тутамыз.

1 Тессалоникелилерге 2:9

Агъа-къардашлар, сиз бизим агъыр ишимизни ве къыйынлыкъларымызны мытлакъа унутмадынъыз: сизинъ ич биринъизге агъыр кельмесин деп, биз гедже-куньдюз чалышып, сизге Алланынъ Къуванчлы Хаберини бильдире эдик.

1 Тессалоникелилерге 5:12

Агъа-къардашлар, сизге ялварамыз: аранъызда чалышкъанларны, Раббиде сизлерге ёлбашчылыкъ япкъанларны ве огют бергенлерни урьмет этинъиз,

1 Тимотейге 5:17

Иманлылар джемиетине яхшы башлыкъ олгъан адамлар, хусусан Сёзни даркъаткъан ве огреткен акъсакъаллар эки къат урьметке ляйыкъ олсунлар.

Еудийлерге 13:17

Озь башлыкъларынъызгъа бойсунынъыз ве оларнынъ сёзюни динъленъиз. Олар юкъламайып джанларынъызны бакъалар ве бунынъ акъкъында джевап береджеклер. Эгер оларны динълесенъиз, олар озь ишини инъильдеп дегиль, къуванчнен беджереджек. Ёкъса, сизлерге файдасы олмаз.

Еудийлерге 13:24

Джемиет башлыкъларынъызнынъ эписине ве бутюн азизлерге селям этинъиз. Италиядан олгъанлар сизлерге селям ёллайлар.

Еудийлерге 6:10

Алла адалетсиз дегиль. О, сизинъ ишинъизни, Онынъ Адына косьтерген севгинъизни унутмаз, азизлерге насыл хызмет эткенинъизни ве шимди де япкъанынъызны акълында тутар.

1 Пётр 5:5

Яшлар, акъсакъалларны динъленъиз. Эпинъиз бири-биринъизге алчакъгонъюллик косьтеринъиз. Алла къопайларгъа къаршы чыкъа, алчакъгонъюллилерге исе эйилик япа.

3 Юхан 1:8

Бойлеликнен, бизим борджумыз – акъикъат ёлунда хызмет эткенлернинъ ишине къол тутмакъ ичюн, бойле адамларгъа ярдым этмектир.

Сырларнынъ ачылувы 2:3

Сен чокъ сабырлысынъ. Меним Адым ичюн башынъдан чокъ шей кечирдинъ ве болдурмадынъ.