1 Коринтлилерге 15:57 - Мукъаддес Китап

⁵⁷ Амма Аллагъа шукюр! О, Раббимиз Иса Месихнен бизге гъалебени багъышлады.

1 Коринтлилерге 15:57 ပူးပေါင်းရင်းမြစ်များ

4 Падишалар 5:1

Арам мемлекети падишасынынъ Нааман адлы орду башлыгъы бар эди. О, буюк адам эди ве эфендисининъ козюнде урьмет къазангъан, чюнки онынъ ярдымынен РАББИ арамлыларгъа дженклерде гъалебелер берген эди. Лякин бу къуветли къараманнынъ тери хасталыгъы бар эди.

1 Тарих вакъиалары 22:11

Шимди, огълум, РАББИ сеннен олсун! РАББИнинъ сёзлерине коре, Алланъа РАББИге эв къурмакъ ичюн, сенинъ ишлеринъ онъундан кельсин.

Зебур 98:1

РАББИ – Падишадыр, титресин халкълар! Керувлар устюнде отура О, ер юзю къалтырасын!

Икметли сёзлер 21:31

Атны дженк ичюн азырларлар, гъалебе исе РАББИдендир.

Юхан 16:33

Сиз Менде барышыкъ тапмакъ ичюн буларны сизге айттым. Дюньяда къаза-беля ичинде яшарсынъыз. Лякин джесюр олунъыз: Мен бу дюньяны енъдим.

Фаалиет 27:35

Бу сёзлерни айткъан сонъ, Павел отьмек алды да, эписининъ алдында Аллагъа шукюр этип, оны болип ашамагъа башлады.

Римлилерге 7:25

Раббимиз Иса Месих ярдымынен Алла къуртараджакъ! Онъа шукюрлер олсун! Бойлеликнен, бир тарафтан, акъылым Алланынъ Къанунына къул олып, арекет эте, башкъа тарафтан исе, беденим гуна къанунынынъ къулу олып къала.

Римлилерге 8:37

Амма бизни Севгеннинъ къуветинен биз эр шейни бутюнлей енъемиз.

1 Коринтлилерге 15:51

Мына, мен сизлерге бир сыр айтайым: эпимиз ольмемиз, амма эпимиз денъиширмиз.

2 Коринтлилерге 1:11

Сизлер де биз ичюн дува окъусанъыз, ярдым этерсиз, ве о вакъыт чокъ адамнынъ ярдым сорагъаны себебинден Алла бизге эйилик косьтереджек ве чокъ адам Онъа шукюр этеджек.

2 Коринтлилерге 2:14

Аллагъа шукюрлер олсун! О, бизни эр вакъыт Месихнинъ тантаналы юрюшинде алып бараята ве эр ерде бизим ярдымымызнен Озь акъкъындаки бильгини, хош къокъуны киби, даркъата.

2 Коринтлилерге 9:15

Анълатылмаз бахшышы ичюн Аллагъа шукюр!

Эфеслилерге 5:20

ве эр вакъыт, эр бир шей ичюн Раббимиз Иса Месихнинъ Адынен Алла Бабагъа шукюр этинъиз.

Еудийлерге 2:14

Балаларнынъ беденлери олгъанлары ичюн, О, Озю оларгъа ошап, бойле бир беденде кельди. Олюм ярдымынен ольдюрмеге кучю олгъан Шейтанны кучьсюз япты

Сырларнынъ ачылувы 12:11

Олар оны Къозунынъ къанынен ве Онынъ акъкъында хаберинен енъдилер. Олар озь джанларыны аджымадылар ве ольмеге азыр олдылар.

Сырларнынъ ачылувы 21:4

Алла оларнынъ козюндеки эр бир козьяшны силеджек, ве энди олюм олмайджакъ. Гъам да, агълав да, агъры да олмаз. Эвельки шейлер кечип кетти.