1 Коринтлилерге 15:2 - Мукъаддес Китап

² ве, эгер меним сёзлеримни бутюнлей тутсанъыз, оларнынъ ярдымынен къуртулыш тапарсыз. Акис алда иманынъыз бошуна олур.

1 Коринтлилерге 15:2 ပူးပေါင်းရင်းမြစ်များ

Икметли сёзлер 23:23

Акъикъатны сатын ал да, икметни, огютни, акъылны сатма.

Икметли сёзлер 3:1

Огълум, огреткенлеримни унутма, эмирлеримни юрегинъде сакъла.

Икметли сёзлер 4:13

Огютни яхшы тут, оны йиберме, сакъла оны, о – сенинъ яшайышынъ.

Лука 8:13

Ташлар арасында олгъанлар – сёзни эшитип къуванчнен къабул эткен адамлар. Лякин олар тамыр атмагъанлары ичюн, бир вакъыткъа къадар инаналар, сынав куньлеринде исе ёлундан къайталар.

Фаалиет 2:47

ве Аллагъа шукюр эте эдилер. Оларны бутюн халкъ севе эди. Алла кунь сайын иманлылар сырасына къуртарылгъанларны къоша эди.

Фаалиет 8:13

Симоннынъ озю де инанып, сувгъа батырылып чыкъты. О, Филип косьтерген бельгилерини ве къудретнен япкъан аджайип шейлерини корьген сайын шашып, Филипнинъ янындан кетмей эди.

Римлилерге 1:16

Мен Къуванчлы Хаберден утанмайым. О – Алланынъ къудретидир, онынъ ярдымынен эписи инангъанлар: биринджиден еудийлер, сонъ башкъа халкълар, – къуртулышны тапалар.

Римлилерге 11:22

Эм Алланынъ мераметини, эм де сертлигини акъылынъда тут. Йыкъылгъанларгъа О, серт бакъа, санъа исе мераметини косьтере. Лякин эгер Онынъ мераметинде булунмасанъ, сен де кесилип ташланырсынъ.

1 Коринтлилерге 1:18

Гъайып олаяткъанлар ичюн хач акъкъындаки хабер акъылсызлыкътыр. Амма къуртулышны алаяткъан бизге бу хабер – Алланынъ къудретидир.

1 Коринтлилерге 1:21

Алланынъ истегине коре, дюнья озь акъылынен Оны анълап оламады, ве шунынъ ичюн Алла имангъа кельген адамларны «акъылсыз» хабер ярдымынен къуртармагъа къарар этти.

1 Коринтлилерге 11:2

Сизлер мени эр вакъыт хатырлагъанынъыз ичюн ве мен берген огретювимни туткъанынъыз ичюн сизлерни макътайым.

1 Коринтлилерге 15:14

Сонъ эгер Месих тирильмеген олса, бизим хаберимиз боштыр, сизинъ иманынъыз да бошуна.

2 Коринтлилерге 2:15

Базы адамлар къуртулышкъа, башкъалары олюмге кетелер, биз исе оларнынъ арасында Месихнинъ Аллагъа бахшышы оларакъ кетирильген хош къокъусы оламыз.

2 Коринтлилерге 6:1

Алланынъ ишдешлери олып, сизге Онынъ эйилигини бошуна къабул этмемеге ялварамыз.

Галатиядакилерге 3:4

Сизлер о къадар чокъ бошуна къыйналдынъызмы? Шу бошуна олмакъ мумкюнми?

Эфеслилерге 2:8

Алла сизни Озь эйилигинен, иман ярдымынен къуртарды. Бу – сизинъ япкъанынъыз дегиль, Алланынъ бахшышыдыр.

Колоссайлыларгъа 1:23

эгер сиз иманынъызда къатты ве темелли олсанъыз ве Къуванчлы Хабердеки умюттен юзь чевирмесенъиз. Бу Къуванчлы Хаберни сиз эшиттинъиз; о, коклер астындаки яратылгъан эр бир шейге бильдирильди. Мен, Павел, онынъ хызметчиси олдым.

2 Тессалоникелилерге 2:15

Шунынъ ичюн, агъа-къардашлар, къатты турунъыз ве я агъыздан, я мектюпнен бизден алгъан огретювлерни тутунъыз.

2 Тимотейге 1:9

Алла бизлерни къуртарды ве азиз даветнен чагъырды. Буны биз ишлеримизнен къазанмадыкъ. Аксине, Алла буны Озь истегинен, къадимий вакъытлардан эвель Иса Месихте бизге берильген Озь эйилигинен япты.

Еудийлерге 10:23

Биз инангъан умютимизни йыкъылмайып къатты тутайыкъ, чюнки сёз берген Алла ишанчлыдыр.

Еудийлерге 2:1

Шунынъ ичюн, имандан къайтмамакъ ичюн, биз эшиткен шейлеримизге чокъ дикъкъат олмакъ керекмиз.

Еудийлерге 3:14

Биз Месихнинъ аркъадашлары олдыкъ ве, эгер баштаки ишанчымызны сонъунадже сакъласакъ, ойле де къалырмыз.

Еудийлерге 3:6

Месих исе, Огъул олып, Алланынъ Эвинде башлыкъ эте. Онынъ Эви исе – бизмиз. Лякин бизге ишанчымызны ве биз макътангъан умютимизни сонъунадже къатты тутмакъ керек.

Еудийлерге 4:14

Коклерден Аллагъа кечип кеткен Иса, Алланынъ Огълу, бизим буюк баш руханийимиз олгъаны ичюн, иманымызны къатты тутайыкъ.

Якъуп 2:14

Агъа-къардашларым, эгер бир адам иманы акъкъында айтса, амма хайырлы ишлер япмаса, бунынъ не файдасы бар? Бойле иман оны къуртарып олурмы?

Якъуп 2:17

Бойле де иман: эгер иман эткен адам хайырлы ишлерни япмаса, онынъ иманы озю олюдир.

Якъуп 2:26

Джансыз беден олю олгъаны киби, хайырлы ишлерсиз иман да олюдир.