1 Коринтлилерге 12:10 - Мукъаддес Китап

¹⁰ Биревге аджайип ишлер этмеге, башкъасына пейгъамберлик япмагъа, даа башкъасына рухларнынъ фаркъына бармагъа, бирине чешит тиллерде лаф этмеге, башкъасына бу тиллерни терджиме этмеге къабилиетини бере.

1 Коринтлилерге 12:10 ပူးပေါင်းရင်းမြစ်များ

Ёэль 2:28

– Ондан сонъ Мен эр бир джангъа Рухумны береджегим, ве огъулларынъызнен къызларынъыз пейгъамберлик этеджек, сизинъ къартларынъыз тюшлер кореджек, ве йигитлеринъиз руялар кореджек.

Марк 16:17

Къайда инангъанлар олса, анда бойле бельгилер оладжакъ: Меним Адымдан олар джинлерни къувып чыкъараджакълар, эвель бильмеген тиллерде лаф этеджеклер,

Марк 16:20

Шегиртлер исе кетип, эр ерде Алланынъ шейлерини анълатып юре эдилер. Рабби оларнен берабер олып, эписи ишлерни япа эди ве бельгилернен Алланынъ Сёзюни тасдыкълай эди.

Лука 24:49

Мен сизге Бабам ваде эткен шейни берейим. Лякин юкъарыдан келеджек къудреттен кучь алмагъандже, шеэрде къалынъыз, – деди.

Юхан 14:12

Сизге керчектен догърусыны айтам: Манъа иман эткен адам Мен япкъан ишлеримни озю япаджакъ ве атта бундан буюк ишлер де япаджакъ, чюнки Мен Бабанынъ янына кетеятам.

Юхан 16:13

Амма Акъикъат Руху кельгенде, О, сизни бутюн акъикъат ёлуна алып бараджакъ. О, Озюнден айтмайджакъ. Не эшитсе, шуны айтаджакъ ве келеджекте оладжакъларны ачыкъ-айдын этеджек.

Фаалиет 1:8

Мукъаддес Рух устюнъизге тюшкен сонъ, сиз кучь-къувет аладжакъсыз, Ерусалимде, бутюн Еудиеде, Самариеде ве дюньянынъ кенарынадже Меним шаатларым оладжакъсыз, – деди.

Фаалиет 11:27

О куньлерде Антиохиягъа Ерусалимден базы пейгъамберлер кельди.

Фаалиет 11:28

Олардан Хагъап дегени Мукъаддес Рухтан ильхамланып, бутюн дюньяда буюк ачлыкъ оладжагъыны бильдирди. Сонъ бу ачлыкъ император Клавдийнинъ девринде олды.

Фаалиет 19:6

Павел оларнынъ башына къолларыны къойгъанынен, оларнынъ устюне Мукъаддес Рух келип энди. Олар башкъа тиллерде лаф этип, пейгъамберлик этип башладылар.

Фаалиет 5:3

Пётр онъа: – Эй, Анания, насыл олды да, сен юрегинъни Шейтангъа берип, Мукъаддес Рухкъа ялан айттынъ ве тарланынъ акъчасындан бир къысмыны алып сакъладынъ?

Римлилерге 12:6

Бизге Алланынъ эйилигинен берильген къабилиетлер де башкъа-башкъадыр. Биревнинъ къабилиети пейгъамберлик этмек олса, иманына коре пейгъамберлик япсын.

1 Коринтлилерге 11:4

Башыны къапатып дува окъугъан я да пейгъамберлик япкъан эр бир акъай озь Башлыгъыны масхара эте.

1 Коринтлилерге 13:8

Пейгъамберликлер битеджек, тиллер токътайджакъ, бильги ёкъ оладжакъ, севги исе ич бир вакъыт гъайып олмаз.

1 Коринтлилерге 14:13

Шунынъ ичюн, белли олмагъан тильде лаф эткен адам оны анълатмакъ къабилиетини алмакъ ичюн дува окъусын.

1 Коринтлилерге 14:39

Бойлеликнен, дин къардашлар, пейгъамберлик япмагъа ынтылынъыз, амма башкъа тиллерде лаф этмеге де ясакъ этменъиз.

Галатиядакилерге 3:5

Сизлерге Рухны багъышлагъан ве аранъызда аджайип шейлер япкъан Алла шуны не ичюн япа? Чюнки сиз Къанунны беджересиз я да чюнки сиз эшиткенлеринъизге инанасызмы?

1 Тессалоникелилерге 5:20

пейгъамберлик сёзлерине сайгъысызлыкъ косьтерменъиз,

1 Юхан 4:1

Севгили достларым, эр бир рухкъа инанманъыз. Лякин, Алладан олгъаны я да олмагъаныны бильмек ичюн, рухларны сынавдан кечиринъиз. Дюньяда чокъ яланджы пейгъамберлер пейда олды.

Сырларнынъ ачылувы 2:2

Сенинъ ишлеринъ, эмегинъ ве сабырынъны билем, яман адамларгъа къатланмагъанынъны да билем. Эльчи олмагъан, лякин озьлерине эльчи дегенлерни сен сынадынъ ве олар яланджы олгъанларыны ачтынъ.