1 Коринтлилерге 11:24 - Мукъаддес Китап

²⁴ шукюр этип, оны парчалады ве: «Бу – сизлер ичюн берильген Меним беденимдир. Акълынъызда Мени тутып, отьмекни ашанъыз», – деди.

1 Коринтлилерге 11:24 ပူးပေါင်းရင်းမြစ်များ

Зебур 111:4

Догъруларгъа къаранлыкъта да нур сачылыр, мераметли, шефкъатлы ве адалетли о.

Чыкъыш 12:14

Бу кунь сиз ичюн хатырлаткъан кунь олсун: оны РАББИге байрам оларакъ несильден несильге япынъыз. Сиз ичюн бу эбедий эмирдир.

Чыкъыш 28:12

Бу эки ташны эфоднынъ къушачыкъларына къой: бу ташлар Исраиль огъулларына хатырлатма олсун. Бу адларны, хатырлатма олсун деп, Харун РАББИнинъ огюнде эки омузындаки къушачыкъларда ташыр.

Икметли сёзлер 9:5

«Келинъиз, ашымдан ашанъыз, мен азырлагъан къокъулы шарапны ичинъиз.

Энъ яхшы йыр 1:4

Эй, Ерусалимнинъ къызлары! Теним къара, лякин мен гузелим. Кедар огъулларынынъ чадырлары киби къарам, Сулейманнынъ перделери киби гузелим!

Энъ яхшы йыр 5:1

– Къызкъардашым, келиним! Мен багъчама кирдим, мюрюмни къокъулы отларымнен топладым, солакъ балымны ашадым, шарабымны сютюмнен ичтим. – Эй, достлар! Ашанъ, ичинъ! Эй, севгилилер! Севгиден сархош олунъ!

Ешая 25:6

Ордуларнынъ РАББИси бу дагъда бутюн халкълар ичюн семиз ашларнен, темиз шарапнен, энъ гузель этнен, буллюр киби темиз шарапнен софра донатаджакъ.

Ешая 26:8

Я РАББИ! Къарарларынъ ёлунда кетип, Санъа ишанамыз! Адынъны чагъырмагъа, Сени тюшюнмеге – джанларымызнынъ истегидир!

Матта 26:13

Сизге догърусыны айтам: Къуванчлы Хаберни дюньянынъ къайсы еринде илян этселер, бу къадыннынъ япкъан ишини де икяе этип, оны хатырлатаджакълар, – деди.

1 Коринтлилерге 11:23

Мен Раббининъ Озюнден алгъан ве сизлерге эткен хабер бойле: Рабби Иса хаинликнен сатылмаздан эвель, геджеде отьмекни алды,

1 Коринтлилерге 11:25

Эм де акъшам ашындан сонъ къадени алып: «Бу къаде – къанымнен кучьке кирген янъы васиеттир. Ондан эр кере ичкенинъизде, акълынъызда Мени тутып, ичинъиз», – деди.

Нун огълу Ехошуа 4:7

оларгъа: «Манасы будыр: Иордан озенининъ сувлары РАББИнинъ Васиет Сандыгъы огюнде экиге болюнди. Сандыкъ озенден кечеяткъан вакъытта, Иорданнынъ сувлары экиге болюнди. Бойлеликнен, бу ташлар эр вакъыт Исраиль огъуллары ичюн хатыра оладжакълар», – айтынъыз.