1 Коринтлилерге 10:22 - Мукъаддес Китап

²² Биз Раббининъ гъазабыны къозгъамагъа истеймизми? Я да биз Ондан къуветлимизми?

1 Коринтлилерге 10:22 ပူးပေါင်းရင်းမြစ်များ

3 Падишалар 14:22

Ехуда РАББИнинъ огюнде ярамай шейлер япты, бабаларынынъ ишлеген гуналарындан чокъ гуна ишлеп, Оны даа да бетер гъазапландырды.

Эюп акъкъында китап 9:4

Онынъ акъылы буюк, кучю сонъсуздыр, Онъа къаршы ким чыкъты да, сагъ къалды?

Чыкъыш 20:5

Оларгъа седждеге къапанып ибадет этме. Мен – РАББИм, сенинъ Алланъдырым, куньджю Аллам. Мени кореджек козю олмагъан бабаларнынъ къабаатлары ичюн балаларыны учюнджи ве дёртюнджи несильгедже джезалайым.

Чыкъыш 34:14

РАББИден гъайры, башкъа аллагъа табынманъыз, чюнки Онынъ Ады – «Куньджю»! О – Куньджю Алла!

Джемаат башы 6:10

Дюньяда не олса, онынъ энди ады бар, адамнынъ да не олгъаны белли. О, озюнден кучьлю олгъангъа къаршы чыкъмаз.

Ешая 45:9

Вай-вай-вай! Яратыджысынен давалашкъангъа беля! Ернинъ чамурындан япылгъан балчыкъ савуты чёльмекчиге: «Недир эткенинъ?» – дерми? Сен япкъан шей: «Къоллары ёкъ!» – айтармы?

Йирмея 44:8

Япкъанларынъызнен Мени ачувландырасынъыз, Мысыр топрагъында башкъа аллаларгъа къокъулы отларны якъасынъыз. Мында яшамагъа кельдинъиз, лякин озьлеринъизни гъайып этеджексинъиз, ер юзюндеки эписи халкълар сизни къаргъайджакъ, сизге хор бакъаджакълар.

Йирмея 7:19

Лякин Мени ачувландыралармы? – дей РАББИ. – Ёкъ, озьлерини масхара этелер.

Ехезкель 22:14

Мен санъа къаршы чыкъкъанда, джесаретинъ къаладжакъмы? Эллеринъде кучь оладжакъмы, аджеба? Мен, РАББИ, буны айттым ве буны япаджагъым.

Цефанья 1:18

РАББИнинъ гъазабы кунюнде оларны не кумюшлери, не алтынлары къуртараджакъ. РАББИнинъ ачув атеши бутюн ерни ютаджакъ. РАББИ ер юзюнде яшагъанларнынъ эписини ёкъ этеджек, оларнынъ сонъу апансыздан келеджек.

Къануннынъ текрары 32:16

Олар Алланы эджнебий аллаларынен ачувландыргъан, озь писликлеринен Оны гъазапландыргъан.

Къануннынъ текрары 32:21

Олар Мен танымагъан аллаларынен Мени куньджю эткен, бош путларынен Мени ачувландыргъанлар. Мен де олар танымагъан халкънен оларны куньджю этеджегим, ахмакъ бир миллетнен ачувландыраджагъым.

Къануннынъ текрары 4:24

Алланъыз олгъан РАББИ – эписини якъып ёкъ эткен атештир. О – куньджю Алладыр.

Къануннынъ текрары 6:15

Аранъыздаки Алланъ олгъан РАББИ – куньджю Алладыр. Бакъ, Алланъ олгъан РАББИнинъ гъазабы санъа къаршы къызып, сени ер юзюнден ёкъ этмесин.

Еудийлерге 10:31

Тири Алланынъ къолуна тюшмек – къоркъунчлы бир шейдир!

Нун огълу Ехошуа 24:19

Ехошуа халкъкъа: – Сиз РАББИге хызмет этип оламазсынъыз. О – Мукъаддес Алла, куньджю Алладыр! О, джинаетлеринъизге ве гуналарынъызгъа даянмаз.