1 Коринтлилерге 1:26 - Мукъаддес Китап

²⁶ Агъа-къардашлар, тюшюнинъиз, Алла сизни чагъыргъан вакъытта сиз насыл адамлар эдинъиз? Аранъызда инсан ольчюсине коре акъыллы олгъанлар чокъ дегиль, къуветли олгъанлар чокъ дегиль, мырза олгъанлар да чокъ дегиль.

1 Коринтлилерге 1:26 ပူးပေါင်းရင်းမြစ်များ

4 Падишалар 5:4

Нааман барып, Исраиль ерлеринден кельген къызчыкънынъ бойле сёзлерини эфендисине айтып берди.

Эюп акъкъында китап 37:24

Шунынъ ичюн, эй, адамлар, Алладан къоркъунъыз! О, сизинъ акъыллы олгъанынъызгъа бакъмаз!

Цефанья 3:12

Амма тек саде ве алчакъгонъюлли халкъны сагъ къалдыраджагъым, олар РАББИге ишанып яшайджакъ.

Лука 1:3

мен де, эписини гъайретнен огренген сонъ, бу вакъиаларны санъа, урьметли Теофил, бирер-бирер язып бермек къарарына кельдим.

Лука 10:21

‌Шу ань Иса Мукъаддес Рухта пек къуванды ве: – Бабам, кок ве ернинъ Раббиси! Шуретлейим Сени! Сен шуны акъыллылар ве бильгилилер ичюн гизли эттинъ, кучюк балаларгъа исе ачтынъ! Эбет, Бабам, Сенинъ эйи ираденъ шойле эди! – деди.

Фаалиет 13:12

Аким буны корьди ве Раббининъ огретювине тааджипленип, имангъа кельди.

Фаалиет 13:7

Бар-Иса виляет акими Сергий Павелнинъ хадими эди. Акъыллы адам олгъан аким Барнабанен Саулны чагъыртып, Алланынъ Сёзюни динълемеге истеди.

Фаалиет 17:34

Базы адамлар исе онъа къошулып, имангъа кельдилер, оларнынъ арасында Арес-тёпе шурасынынъ азасы Дионисий, Дамар адлы бир къадын ве башкъалары да бар эди.

Римлилерге 11:29

Алланынъ эйилиги ве чагъырувы денъишмез.

1 Коринтлилерге 1:20

Акъыллы адам къайда? Къанун оджасы къайда? Бу дюньянынъ алими къайда? Алла дюньянынъ икметини акъылсызлыкъкъа айландырмадымы?

1 Коринтлилерге 2:13

Буны биз адамларнынъ акъыллы сёзлеринен дегиль, Рух огреткен сёзлернен бильдиремиз, Рухкъа толгъан адамларгъа рухий акъикъатны анълатамыз.

1 Коринтлилерге 2:8

Бу икметни дюнья акимлеринден ич бириси анъламады. Эгер оны анълагъан олсалар, шуретли Раббини хачкъа мыхламаз эдилер.

Филиплердекилерге 4:22

Алланынъ бутюн азизлери ве айрыджа императорнынъ сарайында хызмет эткенлер селям ёллайлар.

Якъуп 2:5

Севимли агъа-къардашларым, динъленъиз: бу дюньянынъ фукъарелерини сайлагъан Алла Озю дегильми? О, оларны иманда зенгин япты ве севгенлерге сёз берильген Падишалыгъыны берди.

2 Юхан 1:1

Акъсакъал – Сайлангъан ханымгъа ве онынъ балаларына (мен оларны акъикъатта севем, эм ялынъыз мен дегиль де, акъикъатны бильгенлернинъ эписи оларны севелер,