TITO 3:3 - Chatino Tataltepec

³ Cua sa'ni la ná nda na cuentya tsiya' ti ñi'ya̱ ntsu'u cha' ji'i̱ ycui' Ndyosi; ná ndaquiya' na ji'i̱ Ni li', cha' cua ngüiñilo'o nu xña'a̱ ji'na cha' cua'ni na lcaa cha' cuxi nu ndijña cresiya ji'na cha' cua'ni na. Ngua chaa ti' na lo'o ndyu'ni na cha' cuxi bi' li', masi ngua'ni lya' ti' na ji'i̱ ñati̱, masi ngua liye' ti' na ña'a̱ na ji'i̱ ngu', masi ngua ti'í ti' na ña'a̱ na ji'i̱ tya'a na; lo'o jua'a̱ ngu' tya'a na, ngua ti'í ti' ngu' ña'a̱ ngu' ji'na.

TITO 3:3 ပူးပေါင်းရင်းမြစ်များ

SAN MATEO 21:29

“Ná tsa'a̱”, nacui̱ sñi' yu li'. Pana tsa cua tsa̱ ti xi ngua tyuju'u ti' sñi' cha' ná ndaquiya' ji'i̱ sti, lo'o li' ndu'u ndyaa cña bi'.

SAN LUCAS 21:8

―Cui'ya ma̱ cuentya ―nacui̱ Jesús li'―, cha' ná tucui cñilo'o ji'i̱ ma̱. Quiña'a̱ tsa ngu' ca̱a̱ ngu' nu ñacui̱ cha' Cristo laca ycui' ca ngu': “Juani ndyalaa tyempo bi'”, ñacui̱ ngu' bi'. Pana ná xñi ma̱ cha' ji'i̱ ngu' bi'.

SAN JUAN 8:34

―Liñi tsa cha' ta na' lo'o ma̱ juani ―nacui̱ Jesús li'―, cha' cua laca ntsu'u xu'na ñati̱ chalyuu, lcaa ca ñati̱ nu ntsu'u qui'ya ji'i̱ ngu'.

ROMANOS 11:30

Lo'o jua'a̱ cu'ma̱, ná ndaquiya' ma̱ cha' ji'i̱ ycui' Ndyosi cua sa'ni la; pana tya'na ti' Ni ña'a̱ Ni ji'i̱ ma̱ nu lo'o nga'aa jlya ti' ngu' judío ji'i̱ Ni.

ROMANOS 6:12

Bi' cha' juani nga'aa ta ma̱ chacuayá' cha' caca loo cha' cuxi bi' ji'i̱ ma̱ lo'o ndi'i̱ ma̱ nde chalyuu. Ná tso'o cha' taquiya' na ji'i̱ lcaa lo cha' cuxi nu jña ti' na cha' cua'ni na ji'i̱, cha' laca na ñati̱ chalyuu ti.

ROMANOS 6:17

Tso'o tsa nti' na' cha' tyucui tyiquee ma̱ ndyu'ni ma̱ cña ji'i̱ ycui' Ndyosi, tsa ña'a̱ cha' nu ngulu'u ngu' ji'i̱ ma̱. Nu cha' cuxi, bi' laca nu ngua loo ji'i̱ ma̱; pana lo'o cua ngulaá ma̱ ji'i̱ nu cuxi bi', li' nguxana ma̱ ndu'ni ma̱ cña cha' caja chaca chalyuu su caca lubii cresiya ji'i̱ ma̱, cha' ycui' Ndyosi laca loo ji'i̱ ma̱ juani.

ROMANOS 6:22

Pana juani ni, nga'aa caca ji'i̱ nu cuxi bi' culo cña ji'i̱ ma̱, cha' cua ndyatí̱ ma̱ lo cña ji'i̱ ycui' Ndyosi. Chaa ti' ma̱ ndyu'ni ma̱ cña ji'i̱ Ni juani, cha' xcui' na ndi'i̱ ma̱ chalyuu cuentya ji'i̱ ycui' Ni; li' ná nga'a̱ cha' tye chalyuu nu ta Ni ji'i̱ ma̱ lo'o cua ndye lcaa cha'.

ROMANOS 6:6

Cuxi tsa ñati̱ ngua na; pana juani laca na ñi'ya̱ laca si lo'o na ngujuii na lo sca crusi lo'o ngujuii ycui' Jesús, cha' ngüityi̱ yu tsiya' ti cha' cuxi nu ntsu'u ne' cresiya ji'na li'. Bi' cha' juani nga'aa caca ji'i̱ cha' cuxi bi' caca loo ji'na chaca quiya'.

2 CORINTIOS 12:20

Quiña'a̱ xi nclyacua ti' na' xqui'ya cu'ma̱ juani. Lo'o tyalaa na' ca su ndi'i̱ ma̱, si quije cha' 'na lo'o ma̱ cha' xa' ña'a̱ ndu'ni ma̱, nga'aa si'i ñi'ya̱ nu ngulu'u na' ji'i̱ ma̱ tya clyo, ¿ñi'ya̱ cua'ni ta na' lo'o ma̱ li'? Ca cuayá' ti' ma̱ cha' taca cua'ni tyaala na' xi lo'o ma̱ li', masi ná ndiya ti' ma̱ cha' cua'ni na' jua'a̱. Ndube ti' na' cha' tya ntsu'u xi ngu' tya'a ma̱ nu ña'a̱ ti nxu̱u̱ tya'a ngu', nu ti'í tsa ti' ngu' ña'a̱ ji'i̱ tya'a ngu', nu ñasi̱' tsa ngu' ña'a̱ ji'i̱ tya'a ngu', nu sca ti ji'i̱ ycui' ca ngu' ndube ti' ngu'; lo'o jua'a̱ nchcui' ca'a̱ ti ngu' ji'i̱ tya'a ngu', cuentyu tsa ti' ngu' lo'o tya'a ngu', ntyucuaa tsa ti' ngu' ndyu'ni ngu' lo'o tya'a ngu'. Lcaa lo cha' cuxi bi' ndyu'ni ngu' cha' ná ndube ti' ngu' tsiya' ti.

GÁLATAS 6:3

Na ñilo'o ti na ji'i̱ ycui' ca na si culacua ti' na cha' tso'o tsa laca na cuentya ji'i̱ ycui' Ndyosi; tso'o la si ta na cuentya cha' ná sca na laca na cuentya ji'i̱ ycui' Ni.

COLOSENSES 1:21

Nu ngua cua tsubi' la, tyijyu' tsa nguta'a̱ ma̱ ji'i̱ ycui' Ndyosi; tya'a cusu̱u̱ ma̱ ji'i̱ ycui' Ndyosi ngua ma̱ tyempo bi' xqui'ya cha' cuxi nu cua ngulacua ti' ma̱, xqui'ya cha' cuxi nu cua ngua'ni ma̱. Pana juani cua ngua'ni Ni cha' taca cati̱ qui'ya nu ntsu'u ji'i̱ ma̱ lo'o ycui' Ni,

COLOSENSES 3:7

La cui' tya'a cha' cuxi bi' cua ngua'ni ma̱ lcaa su ndya'a̱ ma̱ nu ngua cua tsubi' la,

2 TIMOTEO 3:13

Pana ngu' nu ndu'ni cha' cuxi ni, cua nscua cha' tya cuxi la cua'ni ngu' bi'; ngu' cuiñi ni, cua nscua cha' tya cuiñi la cua'ni ngu', jua'a̱ ña'a̱ ti tya jlya la ti' ycui' ca ngu' cha' cuiñi li'.

2 TIMOTEO 3:6

Lo'o jua'a̱ ntsu'u xi ngu' cuxi bi' nu nñilo'o ji'i̱ ñati̱, nu ndya'a̱ ne' ni'i̱ ji'i̱ ñati̱ cha' culu'u ngu' cha' cuiñi ti ji'i̱ ngu' cuna'a̱ nu ná nclyacua tso'o ti'. Na tonto tsa ngu' cuna'a̱ bi', cha' ntsu'u tsa qui'ya ji'i̱ ngu', cha' nti' tsa ngu' xñi ngu' ji'i̱ cua ña'a̱ ca cha' cuxi.

TITO 1:16

Ñati̱ ji'i̱ ycui' Ndyosi laca ngu' bi', nacui̱ ycui' ngu', pana ná ndyu'ni ngu' tsiya' ti ñi'ya̱ nu nti' ycui' Ndyosi; bi' cha' caca cuayá' ti' na cha' cuiñi ngu' bi'. Cuxi tsa ndyu'ni ngu' bi', cha' ná ntaja'a̱ ngu' taquiya' ngu' ji'i̱ cha' nu liñi ca; ni sca cha' tso'o ná ca cua'ni ngu' bi' tsiya' ti.

TITO 2:12

jua'a̱ cua ngulu'u Ni ji'na ñi'ya̱ taca tyi'i̱ tso'o ti na nde chalyuu. Nti' Ni cha' cua'a na ji'i̱ ycui' ca na, cha' tso'o ti cua'ni na lo'o tya'a ñati̱ na. Taca cua'ni tlyu na ji'i̱ ycui' Ndyosi nu lo'o cua ngulochu̱' na ji'i̱ lcaa cha' cuxi nu ná ndiya ti' Ni ji'i̱, nu lo'o nga'aa ndu'ni na lcaa cha' suba' nu ndiya ti' ñati̱ chalyuu ti.

SANTIAGO 1:26

Ná tyiquee' ntsu'u xi ngu' tya'a ma̱ nu nti' cha' tacati tsa ndu'ni ycui' ca ngu'. Pana laja ti ndu'ni ngu' cha' tacati ngu', si ná ndube ti' ngu' ñi'ya̱ nchcui' ngu' lo'o ñati̱; na ñilo'o ngu' ji'i̱ ycui' ca ngu' cha' tacati ngu' li'.

1 PEDRO 1:14

Taquiya' tso'o ma̱ ji'i̱ cha' nu nchcui' ycui' Ndyosi cha' caca ma̱ sñi' Ni nu tso'o tsa ndu'ni; nga'aa cua'ni ma̱ cua ña'a̱ ca cha' cuxi nu ndiya ti' ma̱ ñi'ya̱ nu ngua'ni ma̱ tya sa'ni la, nu lo'o bilya ca cuayá' ti' ma̱ cha' tso'o ji'i̱ ycui' Ndyosi.

APOCALIPSIS 12:9

cua ngulo'o Ni ji'i̱ ngu' nu ndu̱ cuentya ji'i̱ nu cuaña bi' li'. Sa'ni ndya'a̱ nu cuaña bi', ycui' nu xña'a̱ naa bi'; la cui' bi' laca nu naa Satanás. Xcui' na ñilo'o bi' ji'i̱ ñati̱ tyucui ña'a̱ chalyuu. Pana cua ngulo'o ycui' Ni ji'i̱ nu xña'a̱ lo'o xca̱ ji'i̱, ndyaa ngu' nde lo yuu chalyuu li'.

APOCALIPSIS 13:14

Lo'o jua'a̱ nguñilo'o ni' ji'i̱ lcaa ñati̱ tyucui ña'a̱ chalyuu xqui'ya cha' tlyu nu ndyu'ni ni' lo'o ndi'i̱ ni' slo nu na'ni nu ya̱a̱ tya clyo bi'. Li' nchcui' ni' lo'o lcaa ñati̱ chalyuu cha' cuiñá ngu' sca lcui̱ tyu̱, cha' cua'ni tlyu ngu' ji'i̱ lcui̱ bi'; ngüiñá ngu' lcui̱ ji'i̱ nu na'ni nu ya̱a̱ tya clyo bi' li', na'ni nu ngua tso'o masi ti'í tsa ngula'a hique ni'.

APOCALIPSIS 18:2

Cui̱i̱ tsa nchcui' xca̱ bi': ―Cua ndye cha' ji'i̱ quichi̱ Babilonia bi' ―nacui̱―, ndye quichi̱ tlyu bi' nguti̱. Ca su nguti'i̱ quichi̱ bi' cua tsubi' la, ca bi' laca to' tyi cuxee juani, masi tyi cuiñaja laca bi' juani. Ca bi' ntucua to' tyi lcaa lo cui'i̱ cuxi, lcaa lo na'ni cuityi nu ntucua lu'be nu chiya'a̱ ña'a̱.