TITO 3:2 - Chatino Tataltepec2 Ná tso'o chcui' ngu' cuentyu ji'i̱ xa' ñati̱, ni ná tso'o xu̱u̱ tya'a ngu' lo'o ñati̱; ntsu'u cha' cube ti' ngu' ji'i̱ xa' ñati̱, cha' tso'o ti chcui' ngu' lo'o lcaa ñati̱. အခန်းကိုကြည့်ပါ။ |
TITO 3:2
35 ပူးပေါင်းရင်းမြစ်များ
Pablo laca na' nu nchcui' na' lo'o cu'ma̱ juani; tyu'u cha' clyu ti' ji'i̱ ma̱, masi chcui' liñi na' lo'o ma̱. Nacui̱ ngu' cha' ntsi̱i̱ na' lo'o nchcui' na' lo'o ma̱ nu lo'o ndi'i̱ na' slo ma̱, pana tyaala tsa ndu'ni na' lo'o ma̱ nu lo'o nga'a̱ na' tyijyu'; jua'a̱ cha' nda ngu'. Tyi'u ti' ma̱ lacua, cha' xcui' tso'o ti nti' Cristo lo'o ña'a̱ Ni ji'na.
Quiña'a̱ xi nclyacua ti' na' xqui'ya cu'ma̱ juani. Lo'o tyalaa na' ca su ndi'i̱ ma̱, si quije cha' 'na lo'o ma̱ cha' xa' ña'a̱ ndu'ni ma̱, nga'aa si'i ñi'ya̱ nu ngulu'u na' ji'i̱ ma̱ tya clyo, ¿ñi'ya̱ cua'ni ta na' lo'o ma̱ li'? Ca cuayá' ti' ma̱ cha' taca cua'ni tyaala na' xi lo'o ma̱ li', masi ná ndiya ti' ma̱ cha' cua'ni na' jua'a̱. Ndube ti' na' cha' tya ntsu'u xi ngu' tya'a ma̱ nu ña'a̱ ti nxu̱u̱ tya'a ngu', nu ti'í tsa ti' ngu' ña'a̱ ji'i̱ tya'a ngu', nu ñasi̱' tsa ngu' ña'a̱ ji'i̱ tya'a ngu', nu sca ti ji'i̱ ycui' ca ngu' ndube ti' ngu'; lo'o jua'a̱ nchcui' ca'a̱ ti ngu' ji'i̱ tya'a ngu', cuentyu tsa ti' ngu' lo'o tya'a ngu', ntyucuaa tsa ti' ngu' ndyu'ni ngu' lo'o tya'a ngu'. Lcaa lo cha' cuxi bi' ndyu'ni ngu' cha' ná ndube ti' ngu' tsiya' ti.
Xa' ña'a̱ cña ndu'ni Xtyi'i ycui' Ndyosi ne' cresiya ji'na: ndu'ni Ni cha' tyu'u tyiquee na ña'a̱ na ji'i̱ tya'a ñati̱ na; jua'a̱ ndu'ni Ni cha' chaa ti' na cuentya ji'i̱ Ni, cha' ti̱ ti tyi'i̱ tyiquee na, cha' talo tyiquee na ji'i̱ tya'a ñati̱ na; jua'a̱ ndu'ni Ni cha' ca tya'na ti' na ña'a̱ na ji'i̱ ñati̱, cha' xcui' tso'o ti cua'ni na lo'o ñati̱, cha' liñi ti cua'ni na lo'o ñati̱;
Cu'ma̱ ngu' tya'a na, ndi'ya̱ nga'a̱ cha' cua'ni ma̱ lo'o ña'a̱ ma̱ cha' ngua cuxi cresiya ji'i̱ sca ngu' tya'a ngusñi ma̱ cha' ji'i̱ ycui' Ndyosi, xqui'ya cha' ngua'ni yu sca cha' cuxi: nga'a̱ cha' xtyucua ma̱ xi ji'i̱ yu bi', cha' cati̱ qui'ya nu ntsu'u ji'i̱ yu, cha' tucuá yu cña ji'i̱ Cristo chaca quiya', cha' tya'a ntsu'u cha' ji'i̱ ma̱ lo'o Xtyi'i ycui' Ndyosi laca yu. Tsa tso'o ti chcui' ma̱ lo'o yu bi'. Lo'o jua'a̱ tii ti ti' ma̱ tyi'i̱ ycui' ca ma̱ cha' ná cua'ni ma̱ la cui' cha' cuxi ñi'ya̱ nu ngua'ni yu bi'.
Cua'ni tye ma̱ ji'i̱ lcaa cha' su chi̱i̱ nti' ma̱ ña'a̱ ma̱ ji'i̱ tya'a ñati̱ ma̱ lacua; jua'a̱ cha' liye' ti' ma̱, jua'a̱ cha' ñasi̱' ti' ma̱, cua'ni tye ma̱ ji'i̱ lcaa cha' bi'. Nga'aa xi'ya cui̱i̱ ma̱ cha' suba' ji'i̱ tya'a ma̱, nga'aa chcui' ma̱ cuentyu ji'i̱ tya'a ma̱, nga'aa ntsu'u cha' chcui' cuxi ma̱ ji'i̱ tya'a ma̱ tsiya' ti.
Lo'o nu ngu' cuna'a̱ ni, ntsu'u cha' cua'ni ngu' xcui' cha' tso'o nu lo'o caca ngu' cña cha' xtyucua ngu' ji'i̱ ña'a̱ taju ngu' nu ngusñi cha' ji'i̱ Jesús; ná tso'o cha' chcui' nu cuna'a̱ bi' cuentyu ji'i̱ tya'a ngu' lo'o xa' ñati̱. Nga'a̱ cha' culacua tso'o ti' nu cuna'a̱ bi', cha' talo ji'i̱ cña nu nda ngu' ji'i̱.
Pana lcaa cha' nu nda ycui' Ndyosi cha' chcui' na lo'o ñati̱, xcui' cha' tso'o laca bi'; ná nguxa' cha' tso'o bi' lo'o cha' cuxi, ná ntsu'u cha' xu̱u̱ tya'a na lo'o tya'a ñati̱ na. Cha' tso'o ti laca nu nda Ni cha' chcui' na lo'o ñati̱, cha' xcui' na tso'o ti cua'ni na lo'o ñati̱ li'. Lo'o jua'a̱ ndu'ni cha' bi', cha' cua'ni tya'na ti' na ji'i̱ ñati̱, ña'a̱ cuayá' nu cua'ni na cha' tso'o cha' xtyucua na ji'i̱ ngu'; ndu'ni cha' sca ti cha' liñi chcui' na lo'o ñati̱, si'i cha' cuiñi chcui' na lo'o ngu'.
Cu'ma̱ tya'a ngusñi ma̱ cha' ji'i̱ Cristo, ná chcui' ma̱ ji'i̱ ngu' tya'a ma̱. Si chcui' cuxi na ji'i̱ ngu' tya'a na ni, si sta na qui'ya ji'i̱ ngu' bi', laca cha' nchcui' cuxi na ji'i̱ lcaa cha' nu nda ycui' Ndyosi Sti na lo'o ñati̱ tya clyo la; na ndacu̱' na ji'i̱ cha' bi'. Jua'a̱ ndyu'u cha' si chcui' na cha' ti'í ji'i̱ ngu' tya'a na. Si ná ndaquiya' na ji'i̱ lcaa cha' nu cua nda ycui' Ndyosi lo'o na, si chcui' cuxi na ji'i̱ cha' bi', na ndacu̱' na ji'i̱ cha' nu cua nda Ni lo'o na; jua'a̱ ndyu'u cha' li'.
Lo'o cu'ma̱ ni, nga'a̱ cha' xtyanu ma̱ ji'i̱ lcaa cha' cuxi nu ntsu'u tyiquee ma̱ ña'a̱ ma̱ ji'i̱ tya'a ñati̱ ma̱: nga'aa cñilo'o ma̱ ji'i̱ tya'a ma̱, nga'aa si'i tucua cha' tyu'u tyiquee ma̱, nga'aa tyacui ti' ma̱ ji'i̱ sca na nu ntsu'u ji'i̱ tya'a ñati̱ ma̱, nga'aa chcui' ma̱ cuentyu ji'i̱ tya'a ñati̱ ma̱.
Lcaa cu'ma̱ ni, nga'a̱ cha' caca stu'ba tyiquee ma̱ lo'o tya'a ma̱, cha' tya'a ngusñi ma̱ cha' ji'i̱ Cristo laca ma̱; nga'a̱ cha' cube ti' ma̱ ji'i̱ tya'a ma̱, nga'a̱ cha' cua'ni tyaca'a ma̱ ji'i̱ lcaa tya'a ma̱. Lo'o jua'a̱ cua'ni tya'na ti' ma̱ ji'i̱ tya'a ma̱, ná cua'ni liye' ti' ma̱ ña'a̱ ma̱ ji'i̱ ngu' bi'.
Ngua'ni ma̱ cha' cuxi jua'a̱ cua tsubi' la; lo'o juani nu ñati̱ nu ngua tya'a tso'o ma̱ nquicha', ndube tsa ti' ngu' cha' nga'aa nti' ma̱ cua'ni ma̱ cua ña'a̱ ca cha' cuxi nu ngua'ni ma̱ cua tsubi' la. Ná nchca cuayá' ti' ñati̱ bi' ni cha' laca nga'aa ndu'ni ma̱ jua'a̱, bi' cha' nchcui' ngu' bi' cuentyu ji'i̱ ma̱ juani.
Lo'o nu ngu' cuiñi bi' ni, ñi'ya̱ nu ngua'ni cuxi jyo'o cusu' bi', jua'a̱ ndu'ni ngu'; ñi'ya̱ si nchcui' xcalá ti ngu' bi', jua'a̱ laca cha' cuxi nu ndu'ni ngu'. Xña'a̱ tsa tyiquee ngu' bi', ndu'ni tsa ngu' cha' suba'; jua'a̱ ná ndaquiya' ngu' bi' tsiya' ti ji'i̱ cha' nu nchcui' cua ña'a̱ ca ngu' nu laca loo. Lo'o li' hasta nchcui' suba' ngu' bi' ji'i̱ xca̱ ji'i̱ ycui' Ndyosi nu ntucua nde cua̱.
ကြော်ငြာတွေ