TITO 3:10 - Chatino Tataltepec

¹⁰ Tucua quiya' chcui' nu'u̱ lo'o ngu' cha' cua'a nu'u̱ ji'i̱ ngu' nu nti' xu'ba cha' cusu̱u̱ laja cu'ma̱ nu laca ma̱ ñati̱ ji'i̱ Jesucristo. Si ná cuna ngu' bi', li' xtyanu ma̱ ji'i̱ ngu' bi'.

TITO 3:10 ပူးပေါင်းရင်းမြစ်များ

ROMANOS 16:17

Cu'ma̱ tya'a ntsu'u cha' ji'na lo'o Cristo, lye chcui' na' lo'o ma̱ juani, cha' tii ti ti' tyi'i̱ ma̱ xi, cha' ná tyu'u tucua ñati̱ nu ta cha' cusu̱u̱ ji'i̱ ma̱ lo'o tya'a ma̱, cha' ná tacu̱' loo ngu' bi' cha' liñi ji'i̱ Cristo nu cua ndyuna ma̱. Ná xñi ma̱ cha' ji'i̱ ngu' bi',

1 CORINTIOS 11:19

Si jua'a̱ ná stu'ba ntsu'u cha' ji'i̱ ma̱ lo'o tya'a ma̱, chañi tiya' la li' taca ca cuayá' ti' na tilaca nu chañi ca ndaquiya' cha' ji'i̱ Jesús.

2 CORINTIOS 13:2

Bi' laca cha' nu nchcui' na' lo'o lcaa cu'ma̱ ngu' Corinto nu cua ngusñi cha' ji'i̱ Jesucristo, lo'o jua'a̱ nchcui' na' lo'o cu'ma̱ ngu' taju ji'i̱ Jesús ca ndacua nu ngua'ni cha' cuxi tya tsubi' la. Nu lo'o ñaa na' nu ndyaca tyucuaa quiya' ni, cua laca nda na' cha' re lo'o cu'ma̱ li', pana juani lo'o ndi'i̱ na' tyijyu', tya chaca quiya' chcui' na' cha' bi' lo'o ma̱, cha' ni sca ñati̱ nu ndu'ni cha' cuxi ná nga'a̱ cha' clyaá ngu' lo'o ca̱a̱ na' chaca quiya'; cua'ni cuayá' na' ji'i̱ lcaa ngu' bi'.

GÁLATAS 5:12

Nu ngu' nu ndya'a̱ ndatsaa ji'i̱ ma̱ cha' culacua̱ ma̱ cuentya ji'i̱ ngu', tso'o la masi tye cuaña' ycui' ca ngu' si'yu ngu', si jua'a̱ nti' ngu'.

GÁLATAS 5:20

jua'a̱ ndu'ni tlyu ngu' ji'i̱ lcui̱ jo'ó; jua'a̱ ndu'ni cucha'a̱ ngu' bi' ji'i̱ tya'a ñati̱ ngu', lo'o jua'a̱ liye' ti' ngu' ña'a̱ ngu' ji'i̱ tya'a ñati̱ ngu', lye tsa nxu̱u̱ tya'a ngu'; jua'a̱ ndacui tsa ti' ngu' ji'i̱ cha' tso'o nu ntsu'u ji'i̱ tya'a ñati̱ ngu', cha' xi ndaca tsa nchca ñasi̱' ngu'; ná ntaja'a̱ ngu' tsiya' ti tya'a̱ tyiquee ngu' cha' ji'i̱ tya'a ñati̱ ngu', tsa cu' ti ndya'a̱ tyiquee ngu' cha' ji'i̱ ycui' ca ngu'; jua'a̱ nclyana tsa ngu' cha' cusu̱u̱ lo'o tya'a ñati̱ ngu', ndatsaa ngu' ji'i̱ tya'a ñati̱ ngu' cha' ná cua'ni stu'ba cha' ji'i̱ ngu' lo'o xa' la tya'a ngu';

2 TESALONICENSES 3:14

Ñati̱ nu ná ntaja'a̱ taquiya' ji'i̱ lcaa cha' nu nscua ya lo quityi re ni, cui'ya ma̱ cuentya tilaca laca ngu' bi'; li' nga'aa tya'a̱ ma̱ stu'ba ti lo'o ngu' bi', cha' jua'a̱ caca tyuju'u ti' ngu'.

2 TESALONICENSES 3:6

Cu'ma̱ tya'a ngusñi na cha' ji'i̱ Jesús, chaca quiya' culo ya cña ji'i̱ ma̱ chacuayá' ji'i̱ Jesucristo nu Xu'na na: ná tya'a̱ ma̱ stu'ba ti lo'o xa' la ngu' tya'a ngusñi ma̱ cha' bi' nu ná ntaja'a̱ cua'ni cña, la cui' ngu' tya'a ma̱ nu ná ntaja'a̱ taquiya' ji'i̱ cha' nu cua nda ya lo'o ma̱.

2 TIMOTEO 3:5

Na cuiñi ti lcaa ngu' bi' lo'o cua'ni tlyu ngu' ji'i̱ ycui' Ndyosi, cha' ná ndaquiya' ngu' bi' ji'i̱ cha' ji'i̱ Ni tsiya' ti. Xtyanu nu'u̱ ji'i̱ lcaa ngu' bi'.

2 PEDRO 2:1

Cua ntsu'u xi ngu' cuiñi nu nguti'i̱ laja ngu' Israel sa'ni la; tu'ba ji'i̱ ycui' Ndyosi ngua ngu', nacui̱ ycui' ngu' cuiñi bi'. La cui' jua'a̱ tyu'u tucua ñati̱ cuiñi laja cu'ma̱ nde loo la; li' culu'u ngu' cuiñi bi' ji'i̱ ma̱, culu'u ngu' cua ña'a̱ ca cha' nu ca'ya hique ycui' ca ngu'. Lo'o li' ñacui̱ ngu' bi' cha' cuentya ji'i̱ ycui' Ndyosi nchcui' ngu'. Si cuna ma̱ cha' nu chcui' ngu' bi', li' xana cha' cusu̱u̱ ji'i̱ ma̱ lo'o tya'a ma̱ ña'a̱ cuayá' nu tya'be tya'a ma̱. Li' caca ma̱ tucua latya ma̱ xqui'ya cha' cuiñi bi'. Tlyu tsa cña nu ngua'ni ycui' nu Xu'na na cha' cua'ni lyaá Ni ji'i̱ lcaa na lo'o ji'i̱ ngu' bi', pana ná nti' nu ngu' cuiñi bi' cha' caca ycui' Ndyosi Xu'na ngu' bi' tsiya' ti; ná ntsu'u cha' tsiya' ti ji'i̱ ngu' bi' lo'o ycui' Ndyosi, bi' cha' yala ti tye cha' ji'i̱ nu ngu' cuiñi bi'.

2 JUAN 1:10

Bi' cha' juani si tyalaa ñati̱ slo ma̱ nu ná nda la cui' cha' ji'i̱ Jesús bi' lo'o ma̱, nga'aa ta ma̱ su tyi'i̱ ngu' bi', ni ná ta ma̱ xlyo ni'i̱ ji'i̱ ngu' bi'.