TITO 2:3 - Chatino Tataltepec

³ Lo'o jua'a̱ culu'u nu'u̱ ji'i̱ ma' cusu' ñi'ya̱ nu nga'a̱ cha' tyi'i̱ ma' cha' cua'ni chi̱ ma' loo ycui' Ndyosi, cha' ná chcui' ma' cuentyu ji'i̱ ñati̱, cha' ná ca cu'bi ma', cha' culu'u ma' xcui' cha' tso'o ji'i̱ tya'a ñati̱ ma'.

TITO 2:3 ပူးပေါင်းရင်းမြစ်များ

ROMANOS 1:29

Ná tso'o tsiya' ti cña nu ndu'ni ngu' lo'o tya'a ñati̱ ngu': xcui' cha' suba' ti ndu'ni ngu', cuxi tsa ndu'ni ngu'; ndacui tsa ti' ngu' ji'i̱ scaa cha' tso'o nu ntsu'u ji'i̱ tya'a ñati̱ ngu', ti'í tsa ti' ngu' ña'a̱ ngu' ji'i̱ tya'a ngu'; nti' ngu' cha' tso'o la caca ji'i̱ ycui' ngu' que ji'i̱ xa' la tya'a ngu', pana nxu̱u̱ tya'a ngu' bi' hasta ndujuii ngu' ji'i̱ tya'a ngu'; ndu'ni ngu' ngana ji'i̱ tya'a ngu'; chiya'a̱ tsa cha' ntsu'u tyiquee ngu' ña'a̱ ngu' ji'i̱ tya'a ñati̱ ngu', hasta nclo que ngu' cuentyu ji'i̱ tya'a ngu',

EFESIOS 5:3

Nu juani cha' laca ma̱ ñati̱ ji'i̱ ycui' Ndyosi, ná tso'o si xcui' cha' ji'i̱ nu cuna'a̱ ntsu'u tyiquee ma̱; ná cua'ni ma̱ cha' suba' lo'o ñati̱, ni ná chcui' ma̱ tsiya' ti ji'i̱ lcaa cha' bi' lo'o tya'a ñati̱ ma̱; ná tyacui ti' ma̱ ji'i̱ cha' tso'o nu ntsu'u ji'i̱ ñati̱.

1 TIMOTEO 3:11

Lo'o nu ngu' cuna'a̱ ni, ntsu'u cha' cua'ni ngu' xcui' cha' tso'o nu lo'o caca ngu' cña cha' xtyucua ngu' ji'i̱ ña'a̱ taju ngu' nu ngusñi cha' ji'i̱ Jesús; ná tso'o cha' chcui' nu cuna'a̱ bi' cuentyu ji'i̱ tya'a ngu' lo'o xa' ñati̱. Nga'a̱ cha' culacua tso'o ti' nu cuna'a̱ bi', cha' talo ji'i̱ cña nu nda ngu' ji'i̱.

1 TIMOTEO 3:8

Lo'o jua'a̱ ñati̱ nu laca cña ji'i̱ ngu' tya'a ngusñi na cha' ji'i̱ Jesús ni, lo'o ngu' bi' ntsu'u cha' cua'ni ngu' xcui' cha' tso'o. Ná tso'o si tucua cha' ntsu'u tyiquee ngu' bi' lo'o ndu'ni ngu' cña bi'; ná tso'o si cu'bi ngu' bi', ni ná tso'o si jña ngu' bi' cñi ji'i̱ tya'a ñati̱ cha' caca culiya' tsa ycui' ca ngu'.

1 TIMOTEO 5:23

Jlo ti' na' cha' quicha xi ti' nu'u̱; bi' cha' nga'aa co'o nu'u̱ xcui' hitya ti, tso'o co'o nu'u̱ xi vino nu ndyu'u lo si'yu losu' cha' caca jo'o ne' nu'u̱.

TITO 1:7

Lo'o jua'a̱ ngu' nu caca loo ji'i̱ taju ñati̱ tya'a na ni, ná tso'o si ntsu'u cha' sta ñati̱ qui'ya ji'i̱ ngu' bi', cha' cña ji'i̱ ycui' Ndyosi ndyu'ni ngu' bi'. Bi' cha' clyana nu'u̱ ji'i̱ ngu' nu ná ndu'ni tyucuaa ti' ji'i̱ tya'a ngu', ngu' nu ná ñasi̱', ngu' nu ná cu'bi, ngu' nu ná ntsu'u cha' cusu̱u̱ lo'o tya'a ñati̱, ngu' nu ná ndacui tsa ti' ji'i̱ cñi;

TITO 2:4

Li' lo'o ña'a̱ nu cuna'a̱ cuañi' la ji'i̱ ma' cusu', jua'a̱ ca tsa'a̱ ngu' cha' tso'o tsa tyu'u tyiquee ngu' ña'a̱ ngu' ji'i̱ clyo'o ngu', ña'a̱ ngu' ji'i̱ sñi' ngu';

HEBREOS 5:12

Tya sa'ni tsa ngua lo'o ndyuna ma̱ cha' ji'i̱ Cristo tya clyo; cua nteje tacui tyu̱u̱ tsa tyempo, ña'a̱ cuayá' taca caca ma̱ mstru cuentya ji'i̱ Cristo nquicha', pana ña'a̱ ti ndi'i̱ ma̱ juani. Tya nti' cha' culu'u la ngu' ji'i̱ ma̱ tya chaca quiya' ñi'ya̱ ntucua quiya' cha' ji'i̱ ycui' Ndyosi, la cui' cha' nu ngua ti' Ni cha' cacha' Ni ji'i̱ ñati̱ chalyuu. Ñi'ya̱ ndu'ni sca cubi' nu tya ntyi', cha' bilya cacu bi' tyaja, jua'a̱ ndyu'ni ma̱, cha' ná nchca ca cuayá' ti' ma̱ cha' ji'i̱ ycui' Ndyosi bi'.

APOCALIPSIS 2:20

Pana nde qui'ya nu ntsu'u cha' sta na' hichu̱' ma̱, nacui̱ Ni, laca cha' tya nda ma̱ chacuayá' ji'i̱ nu cuna'a̱ Jezabel bi', cha' culu'u cha' cuxi ji'i̱ ngu' tya'a ma̱. Ycui' ma' nacui̱ ma' cha' laca ma' tu'ba ji'i̱ ycui' Ndyosi, pana ndatsaa tsa ma' bi' ji'i̱ ñati̱ nu ntsu'u cuentya jna'; nclu'u qui'i̱ ji'i̱ ngu' cha' cua'ni ngu' cha' suba' lo'o xa' cuna'a̱, jua'a̱ nclu'u ma' ji'i̱ ngu' cha' cacu ngu' msta̱ nu nscua slo lcui̱ jo'ó ji'i̱ ngu', nacui̱ Ni.