TITO 1:6 - Chatino Tataltepec

⁶ Xcui' tso'o ti nga'a̱ cha' cua'ni ngu' cusu' bi', cha' ná taca sta ñati̱ qui'ya ji'i̱ ngu'. Caja clyo'o ngu' bi' lo'o sca ti nu cuna'a̱, ni ná tso'o tyu'u cha' ji'i̱ ngu' bi' lo'o xa' nu cuna'a̱. Ntsu'u cha' xñi sñi' ngu' cusu' bi' cha' ji'i̱ Jesucristo, lo'o jua'a̱ ná cua'ni suba' sñi' ngu' lo'o xa' ñati̱; ntsu'u cha' taquiya' sñi' ngu' ji'i̱ cha' nu nchcui' ngu' cusu'.

TITO 1:6 ပူးပေါင်းရင်းမြစ်များ

SAN LUCAS 1:5

Tyempo nu ngua rey Herodes cña, lo'o ngua yu loo ji'i̱ ngu' loyuu su cuentya Judea, li' ndi'i̱ sca sti jo'ó nu naa Zacarías. Bi' ndya'a̱ lo'o taju sti jo'ó nu ndu̱ cña su ngutu̱ jyo'o Abías nquicha'. Elisabet naa clyo'o yu bi', laca ma' la cui' ñati̱ tya'a ji'i̱ jyo'o Aarón nu ngua sti jo'ó tya clyo la.

EFESIOS 5:18

Ná ca cu'bi ma̱; ndu'ni ñu'u̱ tsa nu xña'a̱ ji'i̱ ñati̱ cha' chcuna' chalyuu ji'i̱ ngu', xqui'ya cha' cu'bi ngu'. Xa' ña'a̱ cua'ni ma̱, cha' xtyucua Xtyi'i ycui' Ndyosi ji'i̱ ma̱ lo'o cua ña'a̱ ca cña nu cua'ni ma̱ chalyuu.

1 TESALONICENSES 5:14

Cu'ma̱ tya'a ngusñi na cha' ji'i̱ Jesús, ndi'ya̱ chcui' ya lo'o ma̱: Culo ma̱ cña ji'i̱ ngu' tya'a ma̱ nu ná nti' cua'ni cña, nu xcui' na taja ti nti' ngu'; cua'ni ma̱ cha' caca tlyu la tyiquee ngu' tya'a ma̱ nu xñi'i̱ ti ti', cha' xñi tso'o la ngu' cha' ji'i̱ Jesús; xtyucua ma̱ ji'i̱ ngu' tya'a ma̱ nu ná ndyiji juersa ji'i̱ cha' xu̱u̱ tya'a ngu' lo'o nu cuxi, jua'a̱ talo tyiquee ma̱ ji'i̱ cua ña'a̱ ca ngu' tya'a ma̱.

1 TIMOTEO 1:9

Pana si'i xqui'ya ñati̱ nu tso'o tyiquee nda ycui' Ndyosi cha' cusu' bi'; na cua nda Ni cha' bi' xqui'ya ñati̱ nu ná nti' cua'ni cha' tso'o, xqui'ya ñati̱ nu ná ntaja'a̱ taquiya' ji'i̱ cha' bi', xqui'ya ñati̱ nu ná ntsu'u cha' ji'i̱ lo'o ycui' Ndyosi, xqui'ya ñati̱ nu ntsu'u qui'ya ji'i̱, xqui'ya ñati̱ nu cuxi tyiquee, xqui'ya ñati̱ nu nchcui' suba' ji'i̱ ycui' Ndyosi, xqui'ya ñati̱ nu ndujuii ji'i̱ sti ngu', ji'i̱ xtya'a̱ ngu', xqui'ya ñati̱ nu ndujuii ji'i̱ tya'a ñati̱,

1 TIMOTEO 3:12

Ñati̱ nu laca cña ji'i̱ ña'a̱ taju ngu' nu ngusñi cha' ji'i̱ Jesús ni, caja clyo'o ñati̱ bi' lo'o sca ti nu cuna'a̱; nga'a̱ cha' culo tso'o ñati̱ bi' cña ji'i̱ sñi' ngu', cha' taquiya' tso'o lcaa ñati̱ nu ndi'i̱ to' tyi ngu' cha' nu chcui' ngu' bi'.

TITO 1:10

Cua ntsu'u tyu̱u̱ tya'a ngu' nu ná ntaja'a̱ taquiya' ngu' ji'i̱ cha' nu nchcui' ngu' nu laca loo, ntsu'u quiña'a̱ tsa ngu' judío nu ndyu'ni jua'a̱; cuiñi tsa cha' nu nchcui' ngu' bi', cha' jua'a̱ cñilo'o ngu' ji'i̱ tya'a ngu'.