TITO 1:16 - Chatino Tataltepec

¹⁶ Ñati̱ ji'i̱ ycui' Ndyosi laca ngu' bi', nacui̱ ycui' ngu', pana ná ndyu'ni ngu' tsiya' ti ñi'ya̱ nu nti' ycui' Ndyosi; bi' cha' caca cuayá' ti' na cha' cuiñi ngu' bi'. Cuxi tsa ndyu'ni ngu' bi', cha' ná ntaja'a̱ ngu' taquiya' ngu' ji'i̱ cha' nu liñi ca; ni sca cha' tso'o ná ca cua'ni ngu' bi' tsiya' ti.

TITO 1:16 ပူးပေါင်းရင်းမြစ်များ

ROMANOS 1:28

Jua'a̱ laca ji'i̱ ngu', cha' ná nti' ngu' tyuloo ngu' ji'i̱ ycui' Ndyosi; bi' cha' nguxtyanu Ni ji'i̱ ngu' cha' cua'ni ngu' cha' cuxi bi', nda Ni xi tyempo cua'ni ngu' ñi'ya̱ nu nti' ti ngu' cua'ni ngu'.

EFESIOS 5:6

Ná ta ma̱ chacuayá' cha' ñilo'o ngu' ji'i̱ ma̱ lo'o sca cha' tonto ti. Xqui'ya cha' cuxi bi' ñasi̱' tsa ycui' Ndyosi ji'i̱ ñati̱ chalyuu nu ná ndaquiya' ji'i̱ cha' nu nchcui' Ni; xcube' tsa Ni ji'i̱ ngu' bi' lo'o tye chalyuu.

1 TIMOTEO 1:9

Pana si'i xqui'ya ñati̱ nu tso'o tyiquee nda ycui' Ndyosi cha' cusu' bi'; na cua nda Ni cha' bi' xqui'ya ñati̱ nu ná nti' cua'ni cha' tso'o, xqui'ya ñati̱ nu ná ntaja'a̱ taquiya' ji'i̱ cha' bi', xqui'ya ñati̱ nu ná ntsu'u cha' ji'i̱ lo'o ycui' Ndyosi, xqui'ya ñati̱ nu ntsu'u qui'ya ji'i̱, xqui'ya ñati̱ nu cuxi tyiquee, xqui'ya ñati̱ nu nchcui' suba' ji'i̱ ycui' Ndyosi, xqui'ya ñati̱ nu ndujuii ji'i̱ sti ngu', ji'i̱ xtya'a̱ ngu', xqui'ya ñati̱ nu ndujuii ji'i̱ tya'a ñati̱,

1 TIMOTEO 5:8

Ná tso'o ndu'ni ñati̱ nu ná ndube ti' ji'i̱ tya'a, masi ji'i̱ sti ngu', masi ji'i̱ xtya'a̱ ngu', masi ji'i̱ sñi' ngu'; cha' cuiñi nchcui' ngu' lo'o nacui̱ ngu' cha' ngusñi ngu' cha' ji'i̱ Jesucristo si ná ña'a̱si̱i̱ ngu' ji'i̱ tya'a ngu', cha' tso'o la ndyu'ni xa' ñati̱ nu ná ndaquiya' cha' ji'i̱ Jesucristo tsiya' ti.

2 TIMOTEO 3:17

La cui' quityi bi' laca nu culu'u ji'i̱ lcaa tya'a na nu laca na ñati̱ ji'i̱ ycui' Ndyosi, ñi'ya̱ taca cua'ni tso'o na lcaa cña nu nda Ni ji'na cha' cua'ni na nde chalyuu.

TITO 3:1

Culu'u nu'u̱ ji'i̱ ngu' cha' taquiya' ngu' ji'i̱ lcaa ngu' nu laca loo, ji'i̱ lcaa ngu' tisiya; nga'a̱ cha' cua'ni ngu' lcaa lo cña tso'o nu culo ngu' bi' ji'i̱ ngu' cha' cua'ni ngu'.

TITO 3:3

Cua sa'ni la ná nda na cuentya tsiya' ti ñi'ya̱ ntsu'u cha' ji'i̱ ycui' Ndyosi; ná ndaquiya' na ji'i̱ Ni li', cha' cua ngüiñilo'o nu xña'a̱ ji'na cha' cua'ni na lcaa cha' cuxi nu ndijña cresiya ji'na cha' cua'ni na. Ngua chaa ti' na lo'o ndyu'ni na cha' cuxi bi' li', masi ngua'ni lya' ti' na ji'i̱ ñati̱, masi ngua liye' ti' na ña'a̱ na ji'i̱ ngu', masi ngua ti'í ti' na ña'a̱ na ji'i̱ tya'a na; lo'o jua'a̱ ngu' tya'a na, ngua ti'í ti' ngu' ña'a̱ ngu' ji'na.

1 JUAN 2:4

Cuiñi tsa ñati̱ nu nacui̱ cha' ntsu'u cha' ji'i̱ ngu' lo'o Jesucristo, si ná ndaquiya' ngu' ji'i̱ cña nu nclyo Ni ji'i̱ ngu'; ná liñi cha' nu ntsu'u tyiquee ngu' bi'.

JUDAS 1:4

Ndu'ni cha' ca cuayá' ti' ma̱ cha' cua ndyatí̱ xi ñati̱ cuiñi bi' laja cu'ma̱, masi ná stu'ba cha' nu jlya ti' ma̱ lo'o ngu'. Cua sa'ni tsa nscua cha' lo quityi ji'i̱ ycui' Ndyosi cha' xcube' Ni ji'i̱ nu ngu' cuxi bi'; pana ná ndaquiya' ngu' bi' ji'i̱ cha' nu nchcui' ycui' Ndyosi tsiya' ti, ni ná ndube ti' ngu' bi' si ntsu'u tsa tyiquee Ni ña'a̱ Ni ji'i̱ ñati̱ chalyuu. Nacui̱ ngu' bi', cha' ná ndu'ni cha' masi cua'ni ngu' cha' suba', masi cua'ni ngu' lcaa lo cha' cuxi, cha' si ntsu'u tsa tyiquee Ni ña'a̱ Ni ji'na, ná xcube' Ni ji'na li', nti' ngu'. Cuiñi tsa ngu' bi', si'i ycui' Jesucristo laca xu'na ngu' bi'. Pana nu na ni, sca ti ycui' Jesucristo laca nu Xu'na na, sca ti ycui' Ni laca nu chañi cha' laca Ni loo ji'na.

APOCALIPSIS 21:27

pana ni sca cha' cuxi ná taca tyatí̱ quichi̱ bi'. Lcaa ñati̱ nu ndu'ni suba' lo'o nu cuna'a̱, jua'a̱ ngu' cuiñi, ná caja chacuayá' tyatí̱ ngu' ca quichi̱ bi'; ñati̱ nu ntsu'u xtañi lo quityi nu ntucua ya' nu ñi'ya̱ ña'a̱ xlya' bi', nu ndacha' tilaca laca nu ná nga'a̱ cha' tye chalyuu ji'i̱, bi' ti ñati̱ laca nu caja chacuayá' ji'i̱ tyalaa ca quichi̱ bi'.

APOCALIPSIS 21:8

Pana lcaa ñati̱ nu ntsi̱i̱ tsa cha' tyu'u cha' ji'i̱ lo'o na', jua'a̱ ñati̱ nu ná ndaquiya' jna' tsiya' ti, jua'a̱ nu chiya'a̱ tsa ndu'ni, jua'a̱ nu ndujuii ji'i̱ tya'a ñati̱, jua'a̱ nu ndu'ni suba' lo'o nu cuna'a̱, jua'a̱ nu cucha'a̱, jua'a̱ ñati̱ nu jlya tsa ti' ji'i̱ cha' cucha'a̱, jua'a̱ ñati̱ nu ndu'ni tlyu ji'i̱ lcui̱ jo'ó, jua'a̱ nu cuiñi, lcaa ngu' bi' tyaa ngu' ca lo tayu' tlyu ca su ntsu'u quii' nu ndyaqui̱ lo'o yuu sufri. Lcaa ngu' nu cua ndyaa nde tayu' bi' ni, cua ndyaa ngu' nde chalyuu talya; cua ndye cha' ngujuii ngu' tsiya' ti li'.