TITO 1:14 - Chatino Tataltepec

¹⁴ cha' nga'aa cua'a̱ jyaca̱ ngu' ji'i̱ cuentyu nu nchcui' ngu' judío, cha' nga'aa taquiya' ngu' ji'i̱ cha' nu nchcui' ñati̱ chalyuu ti nu cua ngulochu̱' ji'i̱ lcaa cha' liñi.

TITO 1:14 ပူးပေါင်းရင်းမြစ်များ

SAN MATEO 15:9

Na cuiñi tsa ngu' re, cha' nacui̱ ngu' cha' ndyu'ni tlyu ngu' 'na, masi nclu'u ngu' cha' nu nchcui' ñati̱ ti ji'i̱ tya'a ngu'; pana nacui̱ ngu' cha' nclyu'u ngu' cha' jna' ji'i̱ tya'a ngu'. Jua'a̱ nguscua jyo'o Isaías bi' cuentya ji'i̱ ycui' Ndyosi.

SAN MARCOS 7:7

Na cuiñi tsa ngu' re; nacui̱ ngu' cha' ndyu'ni tlyu ngu' 'na, pana nclu'u ngu' cha nu' nchcui' ñati̱ ti ji'i̱ tya'a ngu', masi nacui̱ ngu' cha' nclyu'u ngu' cha' jna' ji'i̱ tya'a ngu', nacui̱ ycui' Ni. Jua'a̱ nscua lo quityi.

GÁLATAS 4:9

Lo'o juani cua nslo ma̱ ji'i̱ ycui' Ndyosi; hasta tso'o la ñacui̱ na, cua ndyuloo ycui' Ni ji'i̱ ma̱. ¿Ni cha' laca nti' ma̱ tya'a̱chu̱' ma̱ ji'i̱ cha' ji'i̱ ycui' Ndyosi lacua? Xa' cua'ni ma̱ cña nu ndatsaa cua ña'a̱ ca jo'ó nu cuxi ti bi' ji'i̱ ma̱ li', jo'ó nu ntsu'u ji'i̱ ñati̱ ti; pana ná ndyu'u tso'o cha' bi' tsiya' ti, ná caca cua'ni lyaá jo'ó bi' ji'na.

COLOSENSES 2:22

Lcaa na bi' ni, na culiji ti laca na bi'; ya' nu cua nguliji bi', nga'aa ña'a̱ na ji'i̱ li'. Nu lo'o nchcui' ngu' jua'a̱, sca cña nu ndyu'ni ñati̱ chalyuu ti laca bi'.

2 TIMOTEO 4:4

Li' culochu̱' ngu' ji'i̱ lcaa cha' liñi nu cua ndyuna ngu' nquicha', cha' nga'aa nti' ngu' cuna ngu' cha' liñi bi'; pana xñi tso'o ngu' cua ña'a̱ ca cha' cuiñi, lcaa cuentyu li'.

TITO 3:11

Cua ngunu'u̱ tsiya' ti cha' nu ntsu'u hique ngu', lo'o jua'a̱ ntsu'u qui'ya ji'i̱ ngu' bi'; hasta ycui' ngu' bi' jlo ti' ngu' cha' ntsu'u qui'ya ji'i̱ ngu'.

HEBREOS 12:25

Cui'ya ma̱ cuentya lacua, cha' cua'a̱ jyaca̱ ma̱ ji'i̱ lcaa cha' nu cua nda Cristo lo'o ma̱. Nguxcube' tsa ycui' Ndyosi ji'i̱ jyo'o cusu' ji'na, nu lo'o ná ntaja'a̱ ngu' cua'a̱ jyaca̱ ngu' ji'i̱ cha' nu nchcui' jyo'o Moisés lo'o ngu' nde chalyuu chacuayá' ji'i̱ ycui' Ndyosi; ná ngua xna ngu' bi' ji'i̱ ycui' Ndyosi. La cui' jua'a̱ tlyu la cha' caca ji'na juani, si ná taquiya' na ji'i̱ Cristo nu ngutu'u ca slo ycui' Ndyosi ya̱a̱ nde lo yuu chalyuu, lo'o jua'a̱ cua xa' ndyaa tucua Ni ca slo ycui' Ndyosi chaca quiya' juani.

2 PEDRO 2:22

Lo'o ña'a̱ na ji'i̱ ñati̱ nu cua nguxtyanu cha' ji'i̱ Cristo, li' caca cuayá' ti' na cha' liñi tsa ndyu'u cha' nu nchcui' ngu' ndi'ya̱: “Sca xne' nu ndyacui̱ na nu ndyacu ni', hora ti tsaa ni' cacu ni' na nu ndyacui̱ ni' chaca quiya'. Lo'o jua'a̱ sca cube' tana ni, lo'o cua ndyaata ni' chcu, hora ti xtyu̱u̱ ni' ca su ntsu'u nana' cha' xtyii ni' chaca quiya'.”