TITO 1:1 - Chatino Tataltepec

¹ Pablo laca na'. Ndya'a̱ na' lo cña ji'i̱ ycui' Ndyosi, lo'o jua'a̱ ngua'a̱ lo Jesucristo cña 'na cha' tsa'a̱ chcui' na' cha' tso'o ji'i̱ Jesús lo'o xa' ñati̱; nga'a̱ cha' chcui' na' lo'o ñati̱ nu cua laca ngusubi ycui' Ndyosi ji'i̱ cha' caca ngu' ñati̱ ji'i̱ ycui' Ni, cha' jlya tso'o la ti' ngu' bi' ji'i̱ Ni li'. Cua nda Jesucristo 'na lijya̱a̱ cha' ca cuayá' ti' ngu' lcaa cha' liñi ji'i̱ Ni, cha' taca cua'ni tlyu lcaa na ji'i̱ ycui' Ndyosi,

TITO 1:1 ပူးပေါင်းရင်းမြစ်များ

SAN LUCAS 18:7

Pana tso'o tsa tyiquee ycui' Ndyosi, yala ti xtyucua Ni ji'i̱ ñati̱ nu cua ngusubi Ni ji'i̱, nu tya'na tsa nxi'ya ji'i̱ Ni tsa̱ lo'o talya. ¿Ha tiya' tsa xtyucua Ni ji'i̱ ngu' nti' ma̱?

LOS HECHOS 13:48

Ndyuna nu ngu' xa' tsu' cha' bi', lo'o li' tso'o tsa ntsu'u tyiquee ngu'. Tso'o tsa laca cha' ji'i̱ ycui' Ndyosi nu Xu'na na, ngulacua ti' ngu' bi'; jua'a̱ ngusñi ngu' cha' bi'. Jlya ti' ngu' bi' cha' ji'i̱ Jesús, lcaa ngu' nu cua ngusubi ycui' Ndyosi ji'i̱; ngujui chalyuu nu ná nga'a̱ cha' tye ji'i̱ ngu' bi' li'.

ROMANOS 1:1

Pablo laca na' nu nscua̱ quityi re cha' ca̱a̱ nde quichi̱ Roma ca su ndi'i̱ ma̱, cu'ma̱ nu ngusñi ma̱ cha' ji'i̱ Jesucristo. Ndyu'ni na' cña ji'i̱ ycui' Ndyosi, cha' ycui' Ni ngusubi Ni jna' cha' tsa'a na' chcui' na' cha' tso'o ji'i̱ Ni lo'o ñati̱.

2 CORINTIOS 1:1

Pablo laca na'. Se'i̱ ti ndi'i̱ na' ca nde lo'o Timoteo tya'a ngusñi na cha' ji'i̱ Cristo. Nscua ya quityi re cha' ca̱a̱ slo lcaa cu'ma̱ ca quichi̱ Corinto nu tsa tlyu ti ndyu'ni tlyu ma̱ ji'i̱ ycui' Ndyosi, lo'o jua'a̱ tyaa quityi re slo lcaa ñati̱ nu ntsu'u cha' ji'i̱ lo'o ycui' Ndyosi tyucui ña'a̱ loyuu su cuentya Acaya. Cua nda ycui' Ndyosi cña 'na cha' tsa'a na' chcui' na' lo'o ngu' xa' quichi̱ ca tyijyu' la, lcaa cha' nu ji'i̱ Jesucristo.

EFESIOS 2:8

na cua ngulaá na ji'i̱ nu cuxi, xqui'ya cha' jua'a̱ ti ndu'ni Ni cha' tso'o lo'o na lo'o ngusñi na cha' ji'i̱ Cristo. Ni si'i sca cña nu ngua'ni ycui' ca na laca bi', sca cha' tso'o nu ngua'ni ycui' Ndyosi cuentya ji'na jua'a̱ ti laca bi'.

FILIPENSES 1:1

Pablo lo'o Timoteo laca cuare. Tyucuaa ya ndyu'ni ya cña ji'i̱ Jesucristo, bi' cha' nscua ya quityi re cha' ca̱a̱ ca slo cu'ma̱, cha' tya'a ñati̱ ji'i̱ ycui' Ndyosi laca na. Cua ngusñi na cha' ji'i̱ Jesucristo, bi' cha' laca na ñati̱ ji'i̱ ycui' Ndyosi. La cui' jua'a̱ lo'o quityi re chcui' ya xi lo'o lcaa ngu' cusu' nu laca loo ji'i̱ ña'a̱ taju cu'ma̱, jua'a̱ chcui' ya xi lo'o xa' la ngu' nu laca cña, nu ntsu'u cha' xtyucua ji'i̱ ma̱.

COLOSENSES 2:2

Jua'a̱ ndyu'ni na' cña, cha' caca tyucui ti' tyiquee ngu', cha' stu'ba ti caca tyiquee ngu' lo'o xa' la tya'a ngu'. Nga'aa cutsi̱i̱ ngu' nu lo'o chcui' ngu' cha' ji'i̱ Cristo li', xqui'ya cha' tso'o tsa nchca cuayá' ti' ngu' ji'i̱ cha' bi'. Jua'a̱ li' quijeloo cha' ji'i̱ ngu', cha' ycui' Cristo laca cha' bi', la cui' cha' ji'i̱ ycui' Ndyosi nu bilya caca cuayá' ti' ngu' ji'i̱ cua sa'ni la.

1 TIMOTEO 2:4

cha' nti' Ni cha' cua'ni lyaá Ni ji'i̱ lcaa ñati̱ chalyuu, nti' Ni cha' ca cuayá' ti' lcaa ñati̱ ñi'ya̱ nu ntsu'u cha' liñi ji'i̱ ycui' Ndyosi.

1 TIMOTEO 3:16

Chañi cha' tlyu tsa cha' tso'o ji'i̱ Jesucristo nu ngusñi na. Ndi'ya̱ nchcui' cha' bi': Nu ngua sa'ni la ni, ni sca ñati̱ ná ngua cuayá' ti' ñi'ya̱ cua'ni lyaá ycui' Ndyosi ji'i̱ ngu'; pana nu juani jlo ti' na, xqui'ya cha' ngula Jesucristo chalyuu, cha' ngua ycui' Ni sca ñati̱. Lo'o jua'a̱ nchcui' Xtyi'i ycui' Ni cha' ji'i̱ yu, cha' sca ñati̱ nu lubii tsa laca yu; cua na'a̱ xca̱ ji'i̱ ycui' Ndyosi ji'i̱ Jesús, nu ñati̱ lubii bi'. Li' nclyu'u ngu' cha' ji'i̱ Jesucristo bi' ji'i̱ ñati̱ ca quiña'a̱ tsa quichi̱ tyucui ña'a̱ chalyuu; ngusñi ñati̱ lcaa quichi̱ cha' nu nchcui' ngu' ji'i̱ Ni li'. Cua ndyaa Jesús ca slo ycui' Ndyosi Sti na nde cua̱, lo'o juani tlyu tsa laca Jesús cajua.

1 TIMOTEO 6:3

Liñi tsa cha' ji'i̱ ycui' Jesucristo nu Xu'na na; cua ña'a̱ ca ñati̱ nu nclu'u xi xa' la cha' ji'i̱ ma̱, ná liñi ndyu'ni nu ñati̱ bi', ná ntaja'a̱ ngu' tsiya' ti taquiya' ngu' ji'i̱ cha' liñi bi'.

2 TIMOTEO 2:10

bi' cha' talo tyiquee na' ji'i̱ ngu', masi nchcube' tsa ngu' jna'. Talo na' ji'i̱ cha' cuxi bi' cuentya ji'i̱ ca ta'a ñati̱ nu ngusubi ycui' Ndyosi ji'i̱, cha' lo'o ñati̱ bi' ngua'ni lyaá Jesucristo ji'i̱, cha' caja chalyuu nu ná nga'a̱ cha' tye ji'i̱ ñati̱ bi'. Caca tyi'i̱ ngu' bi' ca slo ycui' Ndyosi su tso'o tsa ña'a̱ lcaa cha'.

2 TIMOTEO 2:23

Nga'aa xacui̱ nu'u̱ cha' ji'i̱ ñati̱ nu ná jlo ti' tsiya' ti ñi'ya̱ laca sca cha' liñi; ná sca cha' jlo ti' ngu' bi', pana nti' ngu' xu̱u̱ tya'a ngu' lo'o nu'u̱ xqui'ya sca cha' laja ti.

2 TIMOTEO 2:25

jua'a̱ ji'i̱ ñati̱ nu ñasi̱' ji'i̱ ngu'. Tso'o ti chcui' ngu' bi' lo'o ñati̱ nu ñasi̱', cha' jua'a̱ taca cua'ni ycui' nu Xu'na na cña ne' cresiya ji'i̱ ñati̱ nu ñasi̱' bi', cha' taca culu'u Ni ji'i̱ ngu' ñi'ya̱ laca lo'o cha' liñi bi'. Tso'o tsa si culochu̱' ñati̱ nu ñasi̱' bi' lcaa cha' cuxi nu ndyu'ni ngu',

SANTIAGO 1:1

Santiago laca na' nu nscua̱ quityi re cha' ca̱a̱ ca su ndi'i̱ cu'ma̱, ñati̱ ji'i̱ ycui' Ndyosi nu ndyaa ma̱ tyucui ña'a̱ chalyuu. Cña laca na' cuentya ji'i̱ ycui' Ndyosi, la cui' jua'a̱ laca na' cña ji'i̱ Jesucristo nu Xu'na na. Cua nti' na' chcui' na' xlyo ni'i̱ lo'o lcaa ma̱ lo'o tya'a ma̱.

2 PEDRO 1:3

Cua nda Ni chacuayá' ji'na cha' caja chalyuu nu ná nga'a̱ cha' tye ji'na, jua'a̱ cua nda Ni chacuayá' ji'na cha' tyi'i̱ na chalyuu ñi'ya̱ nu nti' Ni cha' tyi'i̱ ñati̱ ji'i̱ Ni; bi' cha' nchca ji'na, cha' nxtyucua Ni ji'na. Cua ngusubi Ni ji'na, cua nda Ni chacuayá' ji'na cha' tyuloo na ji'i̱ ycui' Ni; lo'o jua'a̱ cua ngua cuayá' ti' na cha' nga'aa ntsu'u chaca nu tlyu la, nga'aa ntsu'u chaca nu nchca la ji'i̱.

2 PEDRO 3:11

Cua nscua cha' tye lcaa na lo'o tyalaa tsa̱ bi', bi' cha' ntsu'u cha' caca ma̱ ñati̱ nu lubii cresiya ji'i̱, cha' caca ma̱ ñati̱ nu ngua tso'o tyiquee ma̱ cuentya ji'i̱ ycui' Ndyosi.

1 JUAN 2:23

Si ñacui̱ na ji'i̱ ñati̱ cha' si'i Sñi' ycui' Ndyosi laca Jesucristo, ná ntsu'u cha' ji'na lo'o ycui' Ndyosi Sti Jesucristo, jua'a̱ ndyu'u cha' bi' li'; pana lo'o xñi na cha' ji'i̱ Sñi' ycui' Ni, cua ntsu'u cha' ji'na lo'o ycui' Ndyosi Sti yu, jua'a̱ ndyu'u cha' bi' li'.

APOCALIPSIS 1:1

Nde nscua na' cha' nu ngulu'u Jesucristo 'na. Juan laca na', lo'o nde nscua na' sca cha' nu ntsu'u yacu̱' ti tya sa'ni la. Tya clyo la cua nda ycui' Ndyosi cha' bi' lo'o Jesús cha' culu'u ji'i̱ ñati̱ ji'i̱ ycui' lcaa ña'a̱ cha' nu cua lijya̱ ti cha' caca nde chalyuu. Li' nda Jesús cha' bi' lo'o na', nu lo'o nda Ni sca xca̱ ji'i̱ Ni nu ngutu'u nde cua̱ ya̱a̱ ca slo na', cha' ndyu'ni na' cña ji'i̱ Ni.