SANTIAGO 5:9 - Chatino Tataltepec9 Cu'ma̱ tya'a ngusñi na cha' ji'i̱ ycui' Ni, ná chcui' ma̱ cha' ti'í ji'i̱ ngu' tya'a ma̱, cha' ná sta Ni qui'ya ji'i̱ ma̱ li'. Cua ngulala ti tyalaa ycui' nu Bese nu laca loo ca su ndi'i̱ na. အခန်းကိုကြည့်ပါ။ |
Lcaa cha' tlyu bi' ngua ji'i̱ jyo'o cusu' bi' nu ngua sa'ni, cha' caja ñi'ya̱ tyi'u ti' xa' ñati̱ nde loo la na laca nu ngua ji'i̱ jyo'o cusu' bi', ni cha' laca ngua ji'i̱ ngu' bi' jua'a̱. Lo'o jua'a̱ tya nscua cha' bi' lo quityi cha' cube ti' na ji'i̱ cha' bi'. Cua ngulala ti tye chalyuu su ndi'i̱ na juani;
Lo'o jua'a̱ cu'ma̱, ná yala tsa clyacua ti' ma̱ cha' sta ma̱ qui'ya ji'i̱ sca ñati̱; jatya ma̱ ña'a̱ cuayá' ca̱a̱ ycui' nu Xu'na na, bi' laca nu cua'ni cuayá' ji'i̱ ca ta'a na. Li' culotu̱ Ni ji'i̱ lcaa cha' cuxi nu ntsu'u cuaana ti ne' cresiya ji'na, masi sca cha' nu ná nti' na cacha' na ji'i̱ tya'a ñati̱ chalyuu na. Jua'a̱ cacha' Ni lcaa cha' nu ntsu'u ne' cresiya ji'i̱ lcaa ñati̱ chalyuu, lo'o li' ta Ni nu tso'o ji'na, cua ña'a̱ ca cha' tso'o nu ñacui̱ Ni cha' tyacua ji'i̱ scaa na.
Cu'ma̱ tya'a ngusñi ma̱ cha' ji'i̱ Cristo, ná chcui' ma̱ ji'i̱ ngu' tya'a ma̱. Si chcui' cuxi na ji'i̱ ngu' tya'a na ni, si sta na qui'ya ji'i̱ ngu' bi', laca cha' nchcui' cuxi na ji'i̱ lcaa cha' nu nda ycui' Ndyosi Sti na lo'o ñati̱ tya clyo la; na ndacu̱' na ji'i̱ cha' bi'. Jua'a̱ ndyu'u cha' si chcui' na cha' ti'í ji'i̱ ngu' tya'a na. Si ná ndaquiya' na ji'i̱ lcaa cha' nu cua nda ycui' Ndyosi lo'o na, si chcui' cuxi na ji'i̱ cha' bi', na ndacu̱' na ji'i̱ cha' nu cua nda Ni lo'o na; jua'a̱ ndyu'u cha' li'.
Lo'o ycui' Ndyosi ni, sca ti ycui' Ni laca nu cua nda cha' bi' lo'o ñati̱ tya clyo; sca ti ycui' Ni cua'ni cuayá' Ni ji'i̱ lcaa ñati̱ cuentya ji'i̱ cha' bi' nde loo la; sca ti ycui' Ni taca ji'i̱ Ni cua'ni lyaá Ni ji'i̱ ñati̱, nu lo'o cuityi̱ Ni qui'ya nu ntsu'u ji'i̱ ngu'; jua'a̱ ycui' Ndyosi laca nu taca cua'ni tye Ni ji'i̱ ñati̱ tsiya' ti, nu lo'o nti' ti Ni. Ná stu'ba laca ma̱ lo'o ycui' Ndyosi, bi' cha' ná ntsu'u chacuayá' ji'i̱ ma̱ cha' cua'ni cuayá' ma̱ ji'i̱ tya'a ñati̱ ma̱.
Cu'ma̱ tya'a ngusñi na cha' ji'i̱ Jesús, talo ma̱ tyiquee' cha' ntajatya ma̱ ji'i̱ ycui' nu Xu'na na, ni jacua' ca̱a̱ Ni chaca quiya' nde chalyuu. Ñati̱ nu cua ndyataa xtya̱ ji'i̱ ni, ndalo tsa tyiquee ngu' ntajatya ngu' ni jacua' tyu'u si'yu nu ndulo tsa cha' caja ji'i̱ ngu'; ndu̱ ti' ngu' bi' cha' ca'ya tyo, masi tyo nu ca'ya yala la, masi tyo nu ca'ya tiya' la.