SANTIAGO 5:4 - Chatino Tataltepec

⁴ Lo'o jua'a̱ ná nda ma̱ xcaya' msu nu ndyaa ne' xña ji'i̱ ma̱, bi' cha' juani cua'a̱ jyaca̱ ma̱ xi ji'i̱ cha' nu nxlyú msu bi' hichu̱' ma̱; ca su ntucua ycui' Ndyosi nu laca Xu'na lcaa chalyuu, ca bi' ndañi nchcui' nu ngu' nu ngua'ni clacua ji'i̱ ma̱.

SANTIAGO 5:4 ပူးပေါင်းရင်းမြစ်များ

SAN MATEO 9:37

Li' nchcui' Jesús lo'o ngu' nu ndyaca tsa'a̱ ji'i̱, nda yu sca cui̱i̱ lo'o ngu' cuentya ji'i̱ ngu' quiña'a̱ bi'. Nacui̱ yu cha' bilya cuna tso'o ngu' cha' ji'i̱ ycui' Ndyosi, cha' ñi'ya̱ laca sca xtya̱ nu tso'o tsa ndyatsi cha' cua ngulala ti caca clacua, jua'a̱ laca ngu' bi'. ―Chañi cha' ntsu'u tsa cña re cha' chcui' na lo'o ñati̱ cha' xñi ngu' cha' nu nchcui' na' ―nacui̱ Jesús ji'i̱ ngu' bi'―. Lo'o jua'a̱, xti ti ngu' ntsu'u nu caca cua'ni cña re.

SAN LUCAS 18:7

Pana tso'o tsa tyiquee ycui' Ndyosi, yala ti xtyucua Ni ji'i̱ ñati̱ nu cua ngusubi Ni ji'i̱, nu tya'na tsa nxi'ya ji'i̱ Ni tsa̱ lo'o talya. ¿Ha tiya' tsa xtyucua Ni ji'i̱ ngu' nti' ma̱?

ROMANOS 9:29

La cui' jua'a̱ nchcui' Isaías chaca cha' ndi'ya̱: Tya sa'ni la ndye cha' tsiya' ti ji'i̱ ngu' quichi̱ Sodoma lo'o ji'i̱ ngu' quichi̱ Gomorra; la cui' jua'a̱ taca cua'ni tye ycui' nu Xu'na na ji'i̱ lcaa ngu' Israel tya'a na. Pana cua nda Ni chacuayá' clyaá tucua sna tya'a ti ngu' tya'a na, xqui'ya cha' tya'na tsa ti' Ni ña'a̱ Ni ji'na.

COLOSENSES 4:1

Cu'ma̱ ngu' xu'na msu, lcaa cha' nu ndyaca ji'i̱ ma̱ lo'o ngu' msu ji'i̱ ma̱, cua'ni liñi ma̱ cha' bi'; tso'o ti cua'ni ma̱ lo'o ngu' bi'. Tyi'u ti' ma̱ cha' lo'o cu'ma̱, ntsu'u nu laca loo la ji'i̱ ma̱, ntucua nu bi' ca su tlyu ca su ntucua ycui' Ndyosi.