SANTIAGO 4:7 - Chatino Tataltepec

⁷ Taquiya' ma̱ cha' ji'i̱ ycui' Ndyosi lacua. Xu̱u̱ tya'a ma̱ lo'o nu xña'a̱, lo'o li' xna nu cuxi bi', tyu'u clya bi' su ndi'i̱ ma̱ li'.

SANTIAGO 4:7 ပူးပေါင်းရင်းမြစ်များ

SAN MATEO 11:29

Xñi ma̱ cña nu ta na' ji'i̱ ma̱, lo'o li' ca tsa'a̱ ma̱ lcaa cha' 'na. Tya'na tsa ti' na' ña'a̱ na' ji'i̱ ma̱, lo'o jua'a̱ talo tsa tyiquee na' ji'i̱ ma̱; ti̱ ti tyi'i̱ tyiquee ma̱ lo'o cua ngüityi̱ na' cha' cuxi nu ntsu'u ne' cresiya ji'i̱ ma̱.

LOS HECHOS 26:19

’Cusu' rey Agripa, cua ngua'ni na' cña nu ngulo Jesús jna', nu lo'o ngulu'u loo Jesús jna'.

LOS HECHOS 9:6

Lye tsa nchcua̱ Saulo cha' ndyutsi̱i̱ yu li'. ―¿Ñi'ya̱ nu nti' nu'u̱ cha' cua'ni na', Xu'na? ―nacui̱ Saulo li'. ―Tyatu̱ nu'u̱ ni ―nacui̱ Jesús ji'i̱― cha' tye tyalaa ca quichi̱ Damasco jua. Ca ndacua ndi'i̱ sca ñati̱ nu culu'u jinu'u̱ ñi'ya̱ caca cña nu cua'ni nu'u̱ cuentya jna'.

ROMANOS 10:3

ná nchca cuayá' ti' ngu' bi' ñi'ya̱ ndu'ni Ni cha' ca tso'o cresiya ji'i̱ ñati̱ cuentya ji'i̱ ycui' Ni. Xa' ña'a̱ nti' ngu' bi'; cha' ji'i̱ ycui' ca ngu' nclyana ngu' ñi'ya̱ caca tso'o cresiya ji'i̱ ngu', cha' ná ntaja'a̱ ngu' jlya ti' ngu' ji'i̱ cña nu ndyu'ni ycui' Ndyosi.

ROMANOS 14:11

Ntsu'u sca cha' nu nscua lo quityi cusu' nu nacui̱ ycui' Ndyosi ndi'ya̱: Ycui' Ndyosi lu'ú laca na', nacui̱ Ni, nga'a̱ cha' tyatu̱ sti̱' lcaa ñati̱ nde loo su ntucua na', cha' chcui' liñi ngu' lo'o tya'a ñati̱ cha' laca na' ycui' Ndyosi Sti ngu'.

EFESIOS 4:27

Ná ta ma̱ tyempo tsiya' ti ji'i̱ nu xña'a̱ cha' caca bi' loo ji'i̱ ma̱.

EFESIOS 5:21

Taquiya' tso'o ma̱ ji'i̱ clyo'o ma̱ xqui'ya ycui' Ndyosi.

EFESIOS 6:13

Pana cha' nu cua nchcui' ycui' Ndyosi lo'o na ni, ñi'ya̱ laca ste' sendaru nu ndya'a̱ cusu̱u̱, jua'a̱ laca cha' bi'; xcui' chcua̱ laca ste' sendaru cha' cua'a ji'i̱ ycui' ca ngu'. Taquiya' ma̱ ji'i̱ cha' bi', xñi tso'o ma̱ ji'i̱ cha' bi' juani; lo'o tyalaa tyempo cuxi bi', li' taca talo ma̱ cha' xu̱u̱ tya'a ma̱ lo'o nu xña'a̱, cha' ngusñi ma̱ cha' tso'o bi', masi tya'a cusu̱u̱ na laca nu xña'a̱ bi'. Si jua'a̱ cua'ni ma̱, nu lo'o tye cha' cusu̱u̱ bi', li' tya tyu̱ ma̱ ñi'ya̱ nu ndu̱ ti ma̱.

HEBREOS 12:9

Nde chalyuu nchcube' sti na ji'na, bi' cha' ndaquiya' na ji'i̱ cha' nu nchcui' ngu' cusu' ji'na lo'o na. ¿Ha ná tso'o si ta na chacuayá' cha' xcube' ycui' Ndyosi Sti na ji'na, cha' tso'o la tyi'i̱ tyiquee na nde loo la lacua?

1 PEDRO 2:13

Xqui'ya Jesucristo nu Xu'na na tucuá ma̱ cha' ji'i̱ lcaa ngu' nu laca loo, masi rey nu laca loo tsiya' ti ji'i̱ nasiyu̱ re,

1 PEDRO 5:6

Bi' cha' taquiya' ma̱ ji'i̱ cha' nu nchcui' ycui' Ndyosi nu laca loo tsiya' ti, cha' ná cua'ni tyucuaa ti' ma̱ ji'i̱ tya'a ñati̱ ma̱; cua jlo ti' ycui' Ni ni tsa̱ laca nu lo'o cua'ni Ni cha' caca ma̱ ñati̱ tlyu la.