SANTIAGO 4:5 - Chatino Tataltepec

⁵ Ndi'ya̱ nscua cha' lo quityi ji'i̱ ycui' Ndyosi, lo'o jua'a̱ si'i cha' laja ti nda Ni: “Nu Xtyi'i ycui' Ndyosi nu nda Ni cha' tyanu ne' cresiya ji'na, ntsu'u tsa tyiquee Ni ña'a̱ Ni ji'na; pana yala tsa caca chi̱i̱ ti' Ni ji'na, si lo'o ntsu'u sca cha' cuxi loo”. Jua'a̱ nacui̱ quityi.

SANTIAGO 4:5 ပူးပေါင်းရင်းမြစ်များ

SAN JUAN 10:35

Jlo ti' na cha' ná caca ji'na tacu̱' na ni sca cha' nu nda ycui' Ndyosi lo'o na. Sca cha' nu nchcui' quityi bi' ni, nacui̱ cha' ñi'ya̱ laca ycui' Ndyosi, jua'a̱ laca ñati̱ nu ndaquiya' cha' nu nda Ni lo'o.

SAN JUAN 19:37

Lo'o ntsu'u chaca cha' nu nscua lo quityi bi' nu nchcui' ndi'ya̱: “Ndyojo' ñati̱ chcua̱ cha sii' yu, lo'o li' nguxña'a̱ ngu' bi' ji'i̱ nu quicha bi'”.

SAN JUAN 7:42

Lo quityi cusu' bi' nscua cha' sca ñati̱ tya'a ji'i̱ jyo'o David caca nu ñati̱ tlyu bi'; quichi̱ Belén cala yu bi', cha' quichi̱ tyi ngu' David laca bi'.

LOS HECHOS 7:9

’Tsaca sñi' Jacob ngua naa José. Ngua sca tsa̱ ngua ñasi̱' tsa tya'a yu ji'i̱ nu José bi', bi' cha' ndyujui' ngu' ji'i̱ yu ji'i̱ xa' ñati̱. Ngüi'ya ngu' ji'i̱ nu José bi', ndyaa lo'o ngu' ji'i̱ yu ca loyuu su cuentya Egipto. Pana ná ngulaya' ycui' Ndyosi ji'i̱ José,

ROMANOS 1:29

Ná tso'o tsiya' ti cña nu ndu'ni ngu' lo'o tya'a ñati̱ ngu': xcui' cha' suba' ti ndu'ni ngu', cuxi tsa ndu'ni ngu'; ndacui tsa ti' ngu' ji'i̱ scaa cha' tso'o nu ntsu'u ji'i̱ tya'a ñati̱ ngu', ti'í tsa ti' ngu' ña'a̱ ngu' ji'i̱ tya'a ngu'; nti' ngu' cha' tso'o la caca ji'i̱ ycui' ngu' que ji'i̱ xa' la tya'a ngu', pana nxu̱u̱ tya'a ngu' bi' hasta ndujuii ngu' ji'i̱ tya'a ngu'; ndu'ni ngu' ngana ji'i̱ tya'a ngu'; chiya'a̱ tsa cha' ntsu'u tyiquee ngu' ña'a̱ ngu' ji'i̱ tya'a ñati̱ ngu', hasta nclo que ngu' cuentyu ji'i̱ tya'a ngu',

ROMANOS 9:17

Ntsu'u sca cha' nu nscua lo quityi cusu', la cui' cha' nu nda ycui' Ndyosi lo'o jyo'o rey ji'i̱ ngu' Egipto nu ngua li': “Cua nda na' chacuayá' jinu'u̱ cha' caca nu'u̱ rey”, nacui̱ Ni, “cha' caca cuayá' ti' nu'u̱ cha' nguula tsa cña nu ndu'ni na' chalyuu. Lo'o jua'a̱ caca cuayá' ti' ñati̱ tyucui ña'a̱ chalyuu tilaca laca na'”, nacui̱ Ni ji'i̱ rey bi'.

1 CORINTIOS 6:19

¿Ha ná nda ma̱ cuentya cha' tyaca'a tsa ma̱ ji'i̱ ycui' Ndyosi, xqui'ya cha' nda Ni Xtyi'i ycui' Ni nu ndyanu ne' cresiya ji'i̱ ma̱? Nga'aa si'i cuentya ji'i̱ ycui' ti ma̱ ndya'a̱ ma̱, cuentya ji'i̱ ycui' Ndyosi laca ma̱. Quiña'a̱ tsa cha' tso'o ngua'ni Ni cuentya ji'na cha' ngulaá ma̱ ji'i̱ nu cuxi, cha' laca ma̱ ñati̱ ji'i̱ ycui' Ni; bi' cha' cua'ni tlyu ma̱ ji'i̱ ycui' Ndyosi lcaa su ndya'a̱ ma̱, tyi'u ti' ma̱ ji'i̱ Ni, lo'o jua'a̱ tyucui tyiquee ma̱ cua'ni ma̱ lcaa cña nu culo ycui' Ni ji'i̱ ma̱.

2 CORINTIOS 6:16

Ñi'ya̱ nti' cu'ma̱ nu tyaca'a tsa ma̱ ji'i̱ ycui' Ndyosi ni, ná taca cua'ni tya'a ma̱ lo'o xa' ñati̱ nu ngusñi cha' ji'i̱ cua ña'a̱ ca jo'ó; tyaca'a tsa na ji'i̱ ycui' Ndyosi nu lu'ú ca xqui'ya cha' ndyanu Xtyi'i ycui' Ndyosi ne' cresiya ji'na. Ndi'ya̱ nacui̱ ycui' Ndyosi: Tyi'i̱ na' ca slo ñati̱ bi', lo'o jua'a̱ tya'a̱ na' lo'o ñati̱ bi'; caca na' ycui' Ndyosi cuentya ji'i̱ ngu' bi', bi' cha' taca caca ngu' bi' ñati̱ 'na. Jua'a̱ nacui̱ Ni.

GÁLATAS 3:8

Cua nscua lo quityi cusu' cha' ndi'ya̱ nchcui' ycui' Ndyosi lo'o nu Abraham bi' nu ngua sa'ni: “Caca tso'o cresiya ji'i̱ lcaa ñati̱ nu ndi'i̱ xa' tsu' xqui'ya nu'u̱”, nacui̱ Ni ji'i̱ Abraham. Ycui' Ndyosi laca nu cua nda cha' bi' lo'o jyo'o bi' yala la, cha' jua'a̱ lo'o cu'ma̱ ngu' xa' tsu' caca tso'o cresiya ji'i̱ ma̱ cuentya ji'i̱ ycui' Ndyosi nde loo la, nu lo'o xñi ma̱ cha' ji'i̱ ycui' Ni.

TITO 3:3

Cua sa'ni la ná nda na cuentya tsiya' ti ñi'ya̱ ntsu'u cha' ji'i̱ ycui' Ndyosi; ná ndaquiya' na ji'i̱ Ni li', cha' cua ngüiñilo'o nu xña'a̱ ji'na cha' cua'ni na lcaa cha' cuxi nu ndijña cresiya ji'na cha' cua'ni na. Ngua chaa ti' na lo'o ndyu'ni na cha' cuxi bi' li', masi ngua'ni lya' ti' na ji'i̱ ñati̱, masi ngua liye' ti' na ña'a̱ na ji'i̱ ngu', masi ngua ti'í ti' na ña'a̱ na ji'i̱ tya'a na; lo'o jua'a̱ ngu' tya'a na, ngua ti'í ti' ngu' ña'a̱ ngu' ji'na.