SANTIAGO 4:3 - Chatino Tataltepec

³ masi ndijña ma̱ sca cha' ji'i̱ ycui' Ndyosi, pana cuxi tsa tyiquee ma̱, bi' cha' ná ndyiji cha' bi' ji'i̱ ma̱ li'. Tsa nde ti cha' ntsu'u tyiquee ma̱: cua nti' ma̱ cha' caja ji'i̱ ma̱ cua ña'a̱ ca cha' nu tyaala' tyiquee ycui' ca ma̱, pana ná tso'o cha' ndyu'ni ma̱ jua'a̱;

SANTIAGO 4:3 ပူးပေါင်းရင်းမြစ်များ

SAN MATEO 20:22

Li' nchcui' Jesús lo'o tyucuaa nu qui'yu bi': ―Ná nchca cuayá' ti' ma̱ ñi'ya̱ laca cha' nu ndijña ma̱ 'na juani ―nacui̱ Jesús ji'i̱ ngu'―. ¿Ha taca ji'i̱ ma̱ chcube' ma̱ ñi'ya̱ nu chcube' na', ñi'ya̱ ca si ta ngu' sca taná nu clyaa' tsa cha' co'o na? ¿Ha talo ma̱ si xcube' ngu' ji'i̱ ma̱ ñi'ya̱ nu nga'a̱ cha' xcube' ngu' jna', nu lo'o cujuii ngu' 'na? ―Taca ji'i̱ cua ―nacui̱ ngu' bi' li'.

SAN MARCOS 10:38

―Ná jlo ti' ma̱ ñi'ya̱ cha' ndijña ma̱ 'na juani ―nacui̱ Jesús ji'i̱ ngu'―. ¿Ha taca ji'i̱ ma̱ cha' co'o ma̱ taná clyaa' nu nga'a̱ cha' co'o na'? ¿Ha talo ma̱ si xcube' ngu' ji'i̱ ma̱ ñi'ya̱ nu nga'a̱ cha' xcube' ngu' 'na nu lo'o cujuii ngu' 'na?

SAN LUCAS 11:10

Lcaa ñati̱ nu jña sca cha' ji'i̱ ycui' Ndyosi ni, caja cha' bi' ji'i̱ ngu' li'; jua'a̱ lcaa ñati̱ nu culana ji'i̱ ycui' Ni, quijeloo Ni ji'i̱ ngu' li'; la cui' jua'a̱, lcaa ñati̱ nu tyucui tyiquee chcui' lo'o Ni, taquiya' Ni ji'i̱ cha' nu chcui' ngu' lo'o Ni li'.

SAN LUCAS 15:13

Cua xtyi tyempo ndyaca, li' ndyujui' nu qui'yu tya cuañi' la lcaa cha' tso'o nu nda sti yu ji'i̱. Lo'o ngujui cñi ndyi'ya yu, ndyaa yu tyijyu' li'. Ca chaca tsu' su ndyalaa yu, li' xcui' na ngua'ni ñu'u̱ ti yu chalyuu ji'i̱ yu; nguliji ñu'u̱ ti yu cñi bi' ji'i̱ yu.

SAN LUCAS 15:30

Nu juani chaca quiya' ndyalaa sñi' nu'u̱ nu ndye cñi jinu'u̱ nguliji ñu'u̱ ti yu lo'o sa'a yu. Lo'o ndyalaa yu bi', hora ti ndyujuii ma̱ chqueru ta̱a̱ cha' caca ta'a ji'i̱”, nacui̱ sñi' nu cua cusu' la.

SANTIAGO 4:1

¿Ni cha' laca lye tsa nxu̱u̱ tya'a ma̱? ¿Ni cha' laca lya' tsa ti' ma̱ ji'i̱ tya'a ñati̱ ma̱? ¿Ha si'i na ndacui tsa ti' ma̱ ji'i̱ scaa na nu ntsu'u ji'i̱ tya'a ñati̱ ma̱? Ná nchca ji'i̱ ma̱ cha' ti̱ ti tyi'i̱ tyiquee ma̱ lo'o tya'a ma̱ xqui'ya lcaa lo cha' cuxi nu ndiya tsa ti' ma̱ ji'i̱.

1 JUAN 3:22

nu lo'o jña na cha' ji'i̱ ycui' Ni, caja cua ña'a̱ ca cha' ji'na si taquiya' na ji'i̱ cña nu cua nda ycui' Ni ji'na, si cua'ni na cña nu ndiya la ti' ycui' Ni.

1 JUAN 5:14

Tyucui tyiquee na taca chcui' na lo'o ycui' Ndyosi lacua. Lo'o jña na sca cha' ji'i̱ ycui' Ndyosi nu stu'ba nti' lo'o sca cha' nu nti' ycui' Ni, li' taca jlo ti' na cha' taquiya' Ni ji'i̱ cha' nu chcui' na lo'o Ni.