SANTIAGO 4:2 - Chatino Tataltepec

² Si ntsu'u sca cha' nu tiji̱' tsa ti' ma̱ ji'i̱, lo'o ná ntsu'u chacuayá' cha' caja cha' bi' ji'i̱ ma̱, li' nti' ma̱ cujuii ma̱ ji'i̱ ñati̱, cha' jua'a̱ taca caja cha' bi' ji'i̱ ma̱, nti' ma̱. La cui' jua'a̱ si ndacui tsa ti' ma̱ ji'i̱ sca na nu ná nchca caja ji'i̱ ma̱, li' nchcui' ma̱ cha' ti'í ji'i̱ nu ca ji'i̱ na bi', nxu̱u̱ tya'a ma̱ lo'o ngu' bi' li'. Pana ná ndyiji na nu nti' ma̱ caja ji'i̱ ma̱, xqui'ya cha' ná ndijña ma̱ cha' bi' ji'i̱ ycui' Ndyosi su clyo;

SANTIAGO 4:2 ပူးပေါင်းရင်းမြစ်များ

SAN JUAN 16:24

Si'i chacuayá' 'na ngüijña ma̱ cha' ji'i̱ ycui' Ndyosi Sti na' sa'ni la; pana jua'a̱ jña ma̱ cha' ji'i̱ Ni juani, cha' caja cha' bi' ji'i̱ ma̱, cha' xcui' na caca chaa ti' ma̱ su ndi'i̱ ma̱ li'.

SAN JUAN 4:10

Li' nguxacui̱ Jesús cha' ji'i̱ nu cuna'a̱ bi': ―¿Ha ná jlo ca ti' nu'u̱ ña'a̱ cha' tso'o nu nda ycui' Ndyosi ji'i̱ ñati̱? ―nacui̱ Jesús―. Si jlo ca ti' nu'u̱ tilaca laca nu ngüijña hitya co'o jinu'u̱, ná tyiquee' chcui' nu'u̱ lo'o na' cha' ta na' hitya co'o ycui' nu'u̱ li' ―nacui̱―, lo'o li' ta na' hitya co'o nu'u̱ nu chañi ca cha' cua'ni cu'ú cresiya jinu'u̱.

SANTIAGO 1:5

Si ntsu'u quiya' nu lo'o ná jlo ti' ma̱ tsiya' ti ñi'ya̱ nu cua'ni ma̱, li' tso'o chcui' ma̱ lo'o ycui' Ndyosi, cha' ta Ni sca cha' nu ca'ya hique ma̱ ñi'ya̱ nu cua'ni ma̱ li'. Tso'o tsa cha' xlya'be nda Ni ji'i̱ lcaa ñati̱, cuati ná ndu'ni tyaala Ni ji'na lo'o nda Ni sca cha' tso'o ji'na.

SANTIAGO 5:6

Laja lo'o tya ndi'i̱ ma̱ nde chalyuu nsta ma̱ qui'ya ji'i̱ ngu' ti'i nu ná ntsu'u cha' cuxi nu ngua'ni bi'; ndyujuii ma̱ ji'i̱ ngu' bi', masi ná nchca ji'i̱ ngu' bi' cua'ni lyaá ngu' ji'i̱ ycui' ca ngu'.

1 JUAN 3:15

Ñi'ya̱ laca ñati̱ nu ndyujuii ji'i̱ tya'a ñati̱, jua'a̱ laca na si liye' ti' na ña'a̱ na ji'i̱ tya'a ñati̱ na. Jlo ti' ma̱ cha' nga'aa caja chalyuu cucui bi' ji'i̱ ñati̱ si ndyujuii ngu' ji'i̱ tya'a ñati̱ ngu', pana la cui' tya'a cha' laca si liye' tsa ti' na ña'a̱ na ji'i̱ tya'a ñati̱ na.