SANTIAGO 3:5 - Chatino Tataltepec

⁵ La cui' jua'a̱ laca lo'o sca cha' nu nchcui' na; masi xca ti cha' laca bi' nti' na, pana quiña'a̱ tsa cha' tlyu nchcui' na ntsu'u quiya'. Tucui tsa laca cha' cua'a na ji'i̱ tu'ba na, cha' ná chcui' na cha' cuxi jua'a̱. Lo'o jua'a̱ quiña'a̱ tsa cha' cuxi taca cua'ni sca cha' nu chcui' na; ñi'ya̱ laca cha' xti ti quii' nti' cha' chca'a̱ quii' ji'i̱ quixi̱' tonu, quiña'a̱ tsa su tyaqui̱ quixi̱' li'.

SANTIAGO 3:5 ပူးပေါင်းရင်းမြစ်များ

JUDAS 1:16

Nu ngu' cuiñi bi' ni, xcui' na chi̱i̱ nti' ngu' bi' ndi'i̱ ngu' chalyuu; ná sca na ná ndiya ti' ngu' bi' tsiya' ti, cha' chiya'a̱ ti nchcui' ngu' ji'i̱ lcua ti cha'. Xcui' ndiya la ti' ngu' bi' lcaa lo cha' cuxi nu ntsu'u tyiquee ngu' ji'i̱. Lye tsa nchcui' tyucuaa ti' ngu' bi' lo'o tya'a ngu', pana xcui' tso'o tsa nchcui' ngu' bi' ji'i̱ ñati̱ si xtyucua ngu' ji'i̱ ngu' bi' lo'o sca cña cuxi.

2 PEDRO 2:18

Jlo tsa ti' nu ngu' cuiñi bi' ñi'ya̱ chcui' ngu' sca cha' tso'o, pana tucua lo cha' ntsu'u tyiquee ngu' bi'; na cñilo'o ngu' bi' ji'i̱ ngu' nu ngusñi ca ti cha' tso'o ji'i̱ Jesucristo, cha' lo'o ngu' cua'ni suba' ngu' chaca quiya' nti' nu ngu' cuiñi bi'. Ñi'ya̱ ngua'ni ngu' cha' cuxi tya tsubi' la, nu lo'o bilya cuna ngu' cha' tso'o ji'i̱ ycui' Ndyosi, jua'a̱ nti' ngu' cuiñi bi' cha' cua'ni ngu' chaca quiya'.

SANTIAGO 3:4

Xa' ña'a̱ ndu'ni ngu' lo'o nclya' ngu' sca yaca ni'i̱: nu ñati̱ nu laca loo ji'i̱ yaca ni'i̱ ni, lo'o cala' ngu' sca ya' piti nu ntucua nde siyu' yaca ni'i̱ bi', taca ji'i̱ ngu' tsalo'o ngu' ji'i̱ macala su nti' ngu' cha' tsaa ngu' lo'o. Masi tonu tsa yaca ni'i̱ bi', masi lye tsa ndyaca cui'i̱ nu ndyalo'o ji'i̱, taca ji'i̱ ngu' tsalo'o ngu' ji'i̱ macala su nti' ngu' tsaa ngu'.