SANTIAGO 3:4 - Chatino Tataltepec

⁴ Xa' ña'a̱ ndu'ni ngu' lo'o nclya' ngu' sca yaca ni'i̱: nu ñati̱ nu laca loo ji'i̱ yaca ni'i̱ ni, lo'o cala' ngu' sca ya' piti nu ntucua nde siyu' yaca ni'i̱ bi', taca ji'i̱ ngu' tsalo'o ngu' ji'i̱ macala su nti' ngu' cha' tsaa ngu' lo'o. Masi tonu tsa yaca ni'i̱ bi', masi lye tsa ndyaca cui'i̱ nu ndyalo'o ji'i̱, taca ji'i̱ ngu' tsalo'o ngu' ji'i̱ macala su nti' ngu' tsaa ngu'.

SANTIAGO 3:4 ပူးပေါင်းရင်းမြစ်များ

SAN MATEO 11:27

Lo'o li' tya ngulu'u la Jesús xi ji'i̱ ngu': ―Lcaa chacuaya' ji'i̱ Sti na' ndyanu ya' na'. Ni sca ñati̱ ná jlo ti' ñi'ya̱ laca cha' nu ntsu'u ne' cresiya 'na nu laca̱ Sñi' ycui' Ni; sca ti ycui' Ndyosi Sti na' jlo ti' ñi'ya̱ laca cha' nu ntsu'u ne' cresiya 'na. Lo'o jua'a̱, ni sca ñati̱ ná jlo ti' ñi'ya̱ laca cha' nu ntsu'u ne' cresiya ji'i̱ Sti na'; sca ti na' nu laca̱ Sñi' ycui' Ni jlo ti' na', lo'o jua'a̱ culu'u na' cha' bi' ji'i̱ ñati̱ nu subi na' ji'i̱ cha' ca tsa'a̱ ngu' 'na.

SAN MATEO 8:24

Lo'o li' lye tsa ndyaca cui'i̱, lye tsa ndyatu̱ clyoo' lo tayu'; cua quilyu'u ti yaca ni'i̱ bi' ne' hitya xqui'ya clyoo', pana laja' Jesús ntsu'u ne' yaca ni'i̱ bi'.

LOS HECHOS 27:11

Pana ná ndyuna capitán ji'i̱ sendaru cha' nu nchcui' Pablo lo'o; jlo la ti' ngu' nu nclya' ya' yaca ni'i̱ lo'o nu laca loo ji'i̱ yaca ni'i̱ bi', ngua ti' ngu'.

SANTIAGO 3:3

Ndi'ya̱ ndu'ni na lo'o sca cuayu: nsta na chcua̱ tyu tu'ba ni', cha' li' taca culo na cña ji'i̱ ni', cha' tsaa ni' lo'o na macala su nti' na cha' tsaa na.

SANTIAGO 3:5

La cui' jua'a̱ laca lo'o sca cha' nu nchcui' na; masi xca ti cha' laca bi' nti' na, pana quiña'a̱ tsa cha' tlyu nchcui' na ntsu'u quiya'. Tucui tsa laca cha' cua'a na ji'i̱ tu'ba na, cha' ná chcui' na cha' cuxi jua'a̱. Lo'o jua'a̱ quiña'a̱ tsa cha' cuxi taca cua'ni sca cha' nu chcui' na; ñi'ya̱ laca cha' xti ti quii' nti' cha' chca'a̱ quii' ji'i̱ quixi̱' tonu, quiña'a̱ tsa su tyaqui̱ quixi̱' li'.