SANTIAGO 2:9 - Chatino Tataltepec

⁹ Si xa' ca ña'a̱ ndu'ni ma̱ lo'o xi scaa ñati̱, cuxi ndu'ni ma̱ li', ntsu'u qui'ya ji'i̱ ma̱ cuentya ji'i̱ ycui' Ndyosi li'; la cui' jua'a̱ ndyu'u cha' nu nscua lo quityi cusu' bi'.

SANTIAGO 2:9 ပူးပေါင်းရင်းမြစ်များ

SAN JUAN 16:8

Nu lo'o ca̱a̱ Xtyi'i ycui' Ndyosi lo yuu chalyuu ―nacui̱ Jesús―, cua'ni Ni cha' cube ti' lcua ti tya'a ñati̱ chalyuu cha' ntsu'u qui'ya nu ngusta ycui' Ndyosi ji'i̱ ngu'; jua'a̱ cua'ni Ni cha' tyi'u ti' ñati̱ jna', cha' liñi tsa laca ycui' na'; jua'a̱ cua'ni Ni cha' ca cuayá' ti' ñati̱ cha' ntsu'u cha' cua'ni cuayá' ycui' Ndyosi ji'i̱ lcaa ñati̱ chalyuu ―nacui̱―.

SAN JUAN 8:46

Ná caca ñacui̱ ma̱ cha' ntsu'u xqui'ya na'; pana lo'o ta na' sca cha' liñi lo'o ma̱, ¿ni cha' laca ná jlya ti' ma̱ 'na li'?

SAN JUAN 8:9

Lo'o ndyuna ngu' cha' bi', nguxana ngu' ngutu'u ngu' ndyaa ngu' li', cha' cua jlo ti' ngu' cha' ntsu'u qui'ya ji'i̱ ycui' ngu'. Clyo la ndyaa nu ngu' cusu' la, li' ndyaa lcaa ngu' cuentya sca ti ngu'. Li' ndyanu Jesús chaca tya yu, lo'o ña'a̱ ti ndu̱ nu cuna'a̱ bi' ntajatya ji'i̱ yu ni jacua' chcui' yu lo'o.

LOS HECHOS 10:34

Li' nguxana Pedro ngulu'u yu ji'i̱ ngu' bi': ―Juani cua ngua cuayá' ti' na' cha' stu'ba tsa ndu'ni ycui' Ndyosi lo'o lcaa ñati̱ chalyuu ―nacui̱―.

ROMANOS 3:20

Masi cua'ni na lcaa ca cha' nu nguscua ngu' lo quityi cusu' bi', ná caca ca tso'o tyiquee na cuentya ji'i̱ ycui' Ndyosi lo'o ndyu'ni ti na jua'a̱; tsa bi' ti cña ndu'ni quityi bi', cha' caca cuayá' ti' na cha' ntsu'u tsa qui'ya ji'na cuentya ji'i̱ ycui' Ndyosi.

1 CORINTIOS 14:24

Xa' ña'a̱ caca si xcui' cha' nu cua nda ycui' Ndyosi lo'o ma̱ laca cha' nu chcui' ma̱ lo'o tya'a ma̱; nu lo'o tyalaa ngu' su ndyu'u ti'i̱ ma̱, si ngu' nu bilya xñi cha' ji'i̱ Jesús, nu si'i tya'a ndyu'ni tlyu ma̱ ji'i̱ ycui' Ndyosi laca ngu', li' ca tyuju'u ti' ngu' bi' ji'i̱ qui'ya nu ntsu'u ji'i̱ ngu', nu lo'o cuna ngu' cha' nu nchcui' ma̱. Li' caca cuayá' ti' ngu' cha' cuxi tsa laca ycui' ngu',

GÁLATAS 2:19

Lo'o na' ni, ná nchca cua'ni na' lcaa cha' cusu' bi', bi' cha' cua ndye cha' jna' lo'o cha' bi'; juani xcui' ndi'i̱ na' chalyuu cha' cua'ni na' lcaa ña'a̱ cña nu nti' ycui' Ndyosi cha' cua'ni na'.

1 JUAN 3:4

Si ndu'ni na cha' cuxi, laca cha' ná ntaja'a̱ na cua'ni na cña nu ngulo ycui' Ndyosi ji'na; ntsu'u qui'ya ji'na xqui'ya cha' ná ntaja'a̱ na taquiya' na ji'i̱ cha' nu nchcui' Ni lo'o na.

JUDAS 1:15

cha' cua'ni cuayá' Ni ji'i̱ lcaa ñati̱. Li' xcube' Ni ji'i̱ lcaa ñati̱ cuxi xqui'ya cha' cuxi nu cua ngua'ni ngu', xqui'ya cha' suba' nu cua nchcui' ngu' ji'i̱ ycui' Ndyosi.” Jua'a̱ nacui̱ jyo'o Enoc bi'.