SANTIAGO 2:8 - Chatino Tataltepec

⁸ Tso'o tsa si chañi cha' ndaquiya' ma̱ cha' cusu' nu nscua tya clyo la; ndi'ya̱ nchcui' cha' bi': “Ntsu'u cha' cua'ni tya'na ti' na ji'i̱ tya'a ñati̱ na, ñi'ya̱ laca si ndu'ni tya'na ti' na ji'i̱ ycui' ca na”, nacui̱ quityi.

SANTIAGO 2:8 ပူးပေါင်းရင်းမြစ်များ

SAN MATEO 22:39

Lo'o jua'a̱ ntsu'u chaca cha' tlyu: “Ntsu'u cha' cua'ni tya'na ti' ma̱ ji'i̱ tya'a ñati̱ ma̱, ñi'ya̱ laca si ndu'ni tya'na ti' ma̱ ji'i̱ ycui' ca ma̱”.

SAN MATEO 25:21

“Tso'o tsa cña nu ngua'ni nu'u̱”, nacui̱ xu'na msu bi' ji'i̱. “Sca msu tso'o laca nu'u̱, cha' tso'o tsa ndaquiya' nu'u̱ ji'i̱ cha' 'na. Sca cña sube ti nda na' jinu'u̱ tsubi', pana ta na' cña nu cua tlyu la jinu'u̱, cha' cua'ni nu'u̱ nde loo la. Stu'ba ti tyi'i̱ nu'u̱ slo na', cha' stu'ba ti ca tso'o tyiquee nu'u̱ lo'o na'”, nacui̱ xu'na bi' li'.

SAN MATEO 25:23

“Tso'o tsa cña nu ngua'ni nu'u̱”, nacui̱ xu'na msu bi' ji'i̱ yu. “Sca cña sube ti nda na' jinu'u̱ tsubi', pana ta na' chaca cña nu cua tlyu la jinu'u̱, cha' cua'ni nu'u̱ nde loo la. Stu'ba ti tyi'i̱ nu'u̱ slo na', cha' stu'ba ti ca tso'o tyiquee nu'u̱ lo'o na'”, nacui̱ xu'na yu li'.

SAN MATEO 7:12

’Nga'a̱ cha' cua'ni tso'o ma̱ lo'o xa' ñati̱ si nti' ma̱ cha' tso'o ti cua'ni ngu' lo'o ma̱. La cui' cña bi' ngulo ycui' Ndyosi lo quityi nu nguscua jyo'o Moisés, lo'o jua'a̱ cha' nu nguscua xa' jyo'o cusu' nu ngua tu'ba ji'i̱ ycui' Ndyosi sa'ni la; sca ti cuayá' ndyu'u cha' nu nchcui' lcaa ngu' bi' lo quityi.

ROMANOS 13:10

Nu lo'o ntsu'u tyiquee na ña'a̱ na ji'i̱ tya'a ñati̱ na jua'a̱, ná taca cua'ni na cha' cuxi lo'o ngu' bi' li'. Bi' cha' na cua ndye ndyu'ni na lcaa cña nu ngulo ycui' Ndyosi ji'na, nu lo'o cua'ni tya'na ti' na ji'i̱ tya'a ñati̱ na, cha' ntsu'u tyiquee na ña'a̱ na ji'i̱ ngu'.

GÁLATAS 5:14

Li' taca cua'ni na lcaa cña nu nti' ycui' Ndyosi cha' cua'ni na, si taquiya' na ji'i̱ sca ti cha'cña nu nchcui' ndi'ya̱: “Nga'a̱ cha' tso'o ti tyu'u tyiquee na ña'a̱ na ji'i̱ xa' la ñati̱, ñi'ya̱ nu tso'o tsa ntsu'u tyiquee na ña'a̱ na ji'i̱ ycui' ca ti na”.

GÁLATAS 6:2

Cua'ni ma̱ cha' stu'ba ti caca tyiquee ma̱ lo'o tya'a ma̱, cha' caca xtyucua ma̱ ji'i̱ ngu' lo'o sca cha' nu ntsu'u ji'i̱ ngu', cha' ná cua'ni ngu' sca cha' cuxi. Jua'a̱ taca taquiya' tso'o na lcaa cña nu nda Cristo cha' cua'ni na.

FILIPENSES 4:14

Masi jua'a̱, tso'o tsa nti' na' cha' cua nguxtyucua ma̱ 'na laja lo'o ndyacua cha' cuxi 'na ca nde.

1 TESALONICENSES 4:9

Ná nga'a̱ cha' scua la na' lo quityi re cha' tso'o ti tyu'u tyiquee ma̱ ña'a̱ ma̱ ji'i̱ ñati̱ tya'a ngusñi ma̱ cha' ji'i̱ ycui' Ni; cua laca ntsu'u tsa tyiquee ma̱ ña'a̱ ma̱ ji'i̱ ngu' bi', xqui'ya cha' cua ngulu'u ycui' Ndyosi ji'i̱ ma̱ ñi'ya̱ nu cua'ni ma̱ lo'o tya'a ma̱.

SANTIAGO 1:25

Xtyucua ycui' Ndyosi ji'i̱ cua ña'a̱ ca ñati̱ nu chañi cha' cua'a̱ jyaca̱ ji'i̱ cha' tso'o nu nda Ni cha' tyanu ne' cresiya ji'na; bi' laca cha' nu xtyucua ji'na cha' taca tyi'i̱ tyiquee na tso'o ti. Si tso'o ti cua'ni na nde chalyuu, si cua'ni na lcaa cña nu nclyu'u ycui' Ndyosi ji'na lcaa tsa̱ lo'o tyi'i̱ na chalyuu, tso'o tsa caca ji'na li'. Si'i na nduna ti na cha' bi', lo'o li' xtyanu na ji'i̱.

SANTIAGO 2:12

Cua nda Jesús sca cha' tso'o cha' tyanu ne' cresiya ji'na, cha' xtyucua ji'na cha' taca tyi'i̱ tyiquee na tso'o ti. Nga'a̱ cha' chcui' tso'o na, jua'a̱ ntsu'u cha' cua'ni na cha' tso'o lo'o ndi'i̱ na chalyuu, cha' cua tyalaa ti tsa̱ nu lo'o cua'ni cuayá' Ni ji'i̱ lcaa ñati̱ chalyuu.

SANTIAGO 2:19

Jlya ti' ma̱ cha' sca ti ycui' Ndyosi ntsu'u chalyuu. Tso'o tsa, pana cua ña'a̱ ca cui'i̱ xña'a̱ jlya ti' cha' bi'; lo'o jua'a̱ lye tsa nchcua̱ cui'i̱ xña'a̱ bi', cha' ntsi̱i̱ cui'i̱ ji'i̱ ycui' Ni.

SANTIAGO 4:11

Cu'ma̱ tya'a ngusñi ma̱ cha' ji'i̱ Cristo, ná chcui' ma̱ ji'i̱ ngu' tya'a ma̱. Si chcui' cuxi na ji'i̱ ngu' tya'a na ni, si sta na qui'ya ji'i̱ ngu' bi', laca cha' nchcui' cuxi na ji'i̱ lcaa cha' nu nda ycui' Ndyosi Sti na lo'o ñati̱ tya clyo la; na ndacu̱' na ji'i̱ cha' bi'. Jua'a̱ ndyu'u cha' si chcui' na cha' ti'í ji'i̱ ngu' tya'a na. Si ná ndaquiya' na ji'i̱ lcaa cha' nu cua nda ycui' Ndyosi lo'o na, si chcui' cuxi na ji'i̱ cha' bi', na ndacu̱' na ji'i̱ cha' nu cua nda Ni lo'o na; jua'a̱ ndyu'u cha' li'.

1 PEDRO 2:9

Pana cu'ma̱ ni, cua ngusubi ycui' Ndyosi ji'i̱ cu'ma̱ cha' caca ma̱ ña'a̱ tsaca taju ñati̱ nu ndyu'ni tlyu ji'i̱ ycui' Ni. Laca ma̱ ñi'ya̱ laca sca latya sti jo'ó nu cuentya ji'i̱ ycui' Ndyosi nu laca loo tsiya' ti; ñi'ya̱ tsaca taju ñati̱ lubii laca ma̱ cha' cua'ni tlyu ma̱ ji'i̱ ycui' Ndyosi lcaa tsa̱. Ndu'ni Ni lo'o ma̱: “Ñati̱ 'na laca ma̱”, nacui̱ Ni. Bi' cha' nti' tsa Ni cha' chcui' ma̱ lo'o lcaa ñati̱ lcaa ña'a̱ cha' tso'o nu ngua'ni ycui' Ndyosi lo'o ma̱; cua ngulo Ni ji'i̱ ma̱ ji'i̱ chalyuu cuxi su talya tsa ña'a̱, cha' tya'a̱ ma̱ ca su ndubi tsa xee ji'i̱ ycui' Ni.