SANTIAGO 2:7 - Chatino Tataltepec

⁷ La cui' ngu' bi' laca nu nchcui' tsa cha' cuxi ji'i̱ ycui' Jesús nu ntsu'u tsa cha' ji'na lo'o.

SANTIAGO 2:7 ပူးပေါင်းရင်းမြစ်များ

SAN MATEO 1:23

Caca tana sca nu cuna'a̱ nu ntucua ycui' ti, lo'o li' qui'yu caca sñi'; Emanuel ñacui̱ ngu' ji'i̱ cubi' bi'. Jua'a̱ nscua lo quityi, bi' cha' jua'a̱ ngua ji'i̱ María li'. Nu nchcui' ngu' Emanuel ni, ndi'ya̱ nti' ñacui̱ cha' bi': Ndi'i̱ ycui' Ndyosi lo'o na.

SAN MATEO 12:24

Lo'o ndyuna ngu' fariseo cha' bi', xa' ña'a̱ cha' nchcui' ngu' bi' ji'i̱ Jesús: ―Sca ti chacuayá' ji'i̱ Beelzebú nu laca xu'na lcaa lo cui'i̱ cuxi, sca ti jua'a̱ nchca ji'i̱ nu qui'yu re culo ji'i̱ cui'i̱ cuxi nu ngusñi ji'i̱ ñati̱ ―nacui̱ ngu' fariseo bi'.

SAN MATEO 27:63

Nchcui' ngu' lo'o li': ―Cusu' ―nacui̱ ngu' ji'i̱ nu Pilato bi'―, ntsu'u ti' ya ji'i̱ cha' nu cua nchcui' nu cuiñi bi' lo'o tya lu'ú yu: “Tyu'u scua sna tsa̱, li' tyu'ú na' chaca quiya'”, nacui̱ yu.

LOS HECHOS 11:26

Li' nguti'i̱ ngu' sca yija̱ lo'o taju ñati̱ ji'i̱ Jesucristo ca bi', nclu'u ngu' ji'i̱ quiña'a̱ ñati̱. Quichi̱ Antioquía bi' ngua su ngutu'u su̱u̱ cha' nu nchcui' ngu' cha' ngu' cristiano laca ñati̱ nu ngusñi cha' ji'i̱ Jesucristo.

LOS HECHOS 15:17

Na' laca̱ nu Xu'na nu laca loo. Jua'a̱ cua'ni na' lo'o ma̱, cha' clyana cua ña'a̱ ca ngu' xa' tsu' jna'; na cua ngusubi na' ji'i̱ ñati̱ bi' sa'ni, cha' caca ngu' ñati̱ jna'.

LOS HECHOS 26:11

Chañi cha' lye tsa ngua'ni lya' ti' na' ji'i̱ ñati̱ bi', ngua tsa ti' na' cha' xtyanu ngu' tsiya' ti cha' ji'i̱ Jesús. Jua'a̱ ngua'ni na' lcaa ne' laa ji'i̱ ngu' judío, masi quichi̱ loyuu re, masi quichi̱ tyijyu' la su ngusna ngu', cha' ñasi̱' tsa na' ji'i̱ ngu' bi'.

LOS HECHOS 4:12

bi' cha' nchca ji'i̱ cua'ni lyaá ji'na ji'i̱ lcaa cha' cuxi nu ntsu'u ji'na; ná ntsu'u xa' ñati̱ tyucui ña'a̱ chalyuu nu nchca la ji'i̱, cha' sca ti ji'i̱ Jesús cua nda ycui' Ndyosi chacuayá' cua'ni cña bi'.

EFESIOS 3:15

Lcaa na lo'o tya'a na ndyu'u tsa na ji'i̱ ycui' Ndyosi ni, cha' ngüiñá Ni lcaa lo ñati̱, masi nde cua̱, masi nde loyuu chalyuu. Lo'o jua'a̱ nda Ni xtañi lcaa na.

1 TIMOTEO 1:13

Ngusubi Ni jna', masi suba' tsa nchcui' na' ji'i̱ Ni cua sa'ni la, tyempo lo'o nguxcube' na' ji'i̱ ñati̱ ji'i̱ Jesucristo; tyaala tsa na' nu ngua li'. Pana ná jlo ti' na' tyempo bi', cha' bilya xñi na' cha' tso'o ji'i̱ ycui' Ndyosi, bi' cha' ngua tya'na tsa ti' Ni jna'.

1 PEDRO 4:16

Pana ná ntsu'u cha' ca tyuju'u ti' ma̱ si xcube' ngu' ji'i̱ ma̱ cha' laca ma̱ ñati̱ ji'i̱ Jesucristo; cua'ni tlyu ma̱ ji'i̱ ycui' Ndyosi cha' jua'a̱ ndyaca ji'i̱ ma̱ li'.

APOCALIPSIS 19:13

Ndi'ya̱ nchcui' ngu' ji'i̱ Ni: “La cui' nde laca cha' nu cua nda Ni lo'o ñati̱”. Tyucui ña'a̱ lo ste' Ni ndu'u tañi.

APOCALIPSIS 19:16

Tsaca xtañi Ni nscua lo late' lo tyiquee Ni, lo'o jua'a̱ la cui' ti cha' nscua lo late' nde chu̱' Ni: “Nu nde laca Rey nu chañi ca, nu nde laca Xu'na ñati̱ nu chañi ca”. Jua'a̱ nchcui' cha' nu cua nscua lo late' ji'i̱ Ni.