SANTIAGO 2:6 - Chatino Tataltepec

⁶ Ná tso'o ndyu'ni cu'ma̱, cha' ti'í ti' ma̱ ña'a̱ ma̱ ji'i̱ ngu' ti'i. Xcuane na' sca cha' ji'i̱ ma̱ lacua: ¿Ha si'i nu culiya' laca nu ti'í ti' ji'i̱ ma? ¿Ha si'i nu culiya' laca nu ndya'a̱lo'o ji'i̱ ma̱ ca slo ngu' tisiya?

SANTIAGO 2:6 ပူးပေါင်းရင်းမြစ်များ

SAN JUAN 8:49

―Ná ntsu'u cui'i̱ cuxi jna' tsiya' ti ―nacui̱ Jesús―. Chi̱ tsa ndu'ni na' loo ycui' Ndyosi Sti na'; lo'o cu'ma̱ ni, ná ndu'ni chi̱ ma̱ loo na'.

LOS HECHOS 13:50

Hora ti nchcui' ngu' judío lo'o ngu' nu laca loo ji'i̱ quichi̱, jua'a̱ lo'o ngu' cuna'a̱ tlyu, cha' su'ba ñasi̱' ji'i̱ ngu' quichi̱ lo'o ña'a̱ ngu' ji'i̱ Pablo lo'o Bernabé. Ngua ti'í ti' ngu' ji'i̱ ngu' bi' li', ngulo'o ngu' ji'i̱ ngu' bi', cha' tsaa Pablo lo'o Bernabé xa' se'i̱.

LOS HECHOS 17:6

Pana ná nquije Pablo lo'o Silas ji'i̱ ngu', bi' cha' ngusñi ngu' ji'i̱ ycui' Jasón lo'o ji'i̱ tya'a ndya'a̱ yu, ndyaa lo'o ngu' ji'i̱ ngu' bi' ca slo ngu' tisiya. Cui̱i̱ nchcui' ngu' lo'o ngu' tisiya li', ngusta ngu' qui'ya ji'i̱ Jasón lo'o ji'i̱ tya'a ndya'a̱ yu: ―Tyaala tsa ngu' bi' ―nacui̱ nu ngu' xña'a̱ bi'―. Lcaa quichi̱ su ndya'a̱ ngu' bi' nga'aa si'i ti̱ ti ndi'i̱ ngu' quichi̱ bi' xqui'ya cha' cuxi nu nchcui' ngu' bi' ―nacui̱ ngu'―. Lo'o juani cua ndyalaa ngu' xña'a̱ bi' quichi̱ tyi na,

LOS HECHOS 18:12

Lo'o li' ngua Galión gobernador ji'i̱ loyuu su cuentya Acaya bi'; tyempo bi' ndyu'u ti'i̱ tyu̱u̱ tya'a ngu' judío se'i̱ ti cha' xu̱u̱ tya'a ngu' lo'o Pablo, masi tya'a ngu' judío laca yu. Li' ngusñi ngu' bi' ji'i̱ yu cha' tsaa lo'o ngu' ji'i̱ yu ca slo ngu' tisiya;

LOS HECHOS 8:3

Lo'o nu Saulo bi' ni, ngua ti' yu cha' lye tsa xcube' yu ji'i̱ lcaa ñati̱ ji'i̱ Jesucristo li'. Ndyatí̱ yu ca ni'i̱ ji'i̱ ngu', ntejeya' yu ji'i̱ ngu' qui'yu bi', ntejeya' yu ji'i̱ ngu' cuna'a̱ bi', cha' tyaa lo'o yu ji'i̱ ngu' ne' chcua̱.

1 CORINTIOS 11:22

Taca cacu ma̱ co'o ma̱ to' tyi ma̱ si ntyute' tsa ma̱. Pana ñi'ya̱ nu ndu'ni ma̱ juani, na ndu'ni ñu'u̱ ma̱ ji'i̱ tya'a ndi'i̱ ma̱, tya'a ngusñi ma̱ cha' ji'i̱ ycui' Ndyosi, ña'a̱ cuayá' nda ma̱ cha' tyuju'u ti' ji'i̱ ngu' ti'i tya'a ngusñi ma̱ cha' ji'i̱ Jesús. Ná tyiquee' cua ngua cuayá' ti' ma̱ na laca nu nti' na' chcui̱' lo'o ma̱ juani, cha' nga'aa ntsu'u cha' tso'o nu caca chcui̱' lo'o ma̱ tsiya' ti cuentya ji'i̱ cha' bi'.

SANTIAGO 2:3

Ná tso'o si lye tsa cua'ni chi̱ ma̱ loo sca ñati̱ nu nchcu' late' nu tso'o tsa ña'a̱. Ná tso'o ñacui̱ ma̱ ji'i̱ nu culiya' bi': “Tyucua xi lo yaca xlya tso'o re, cusu'”, si ñacui̱ ma̱ ji'i̱ sca ngu' ti'i ndi'ya̱: “Ndacua ti tyu̱ nu'u̱. Cua'a̱ xi, masi lo yuu ti cua”.

SANTIAGO 5:4

Lo'o jua'a̱ ná nda ma̱ xcaya' msu nu ndyaa ne' xña ji'i̱ ma̱, bi' cha' juani cua'a̱ jyaca̱ ma̱ xi ji'i̱ cha' nu nxlyú msu bi' hichu̱' ma̱; ca su ntucua ycui' Ndyosi nu laca Xu'na lcaa chalyuu, ca bi' ndañi nchcui' nu ngu' nu ngua'ni clacua ji'i̱ ma̱.

SANTIAGO 5:6

Laja lo'o tya ndi'i̱ ma̱ nde chalyuu nsta ma̱ qui'ya ji'i̱ ngu' ti'i nu ná ntsu'u cha' cuxi nu ngua'ni bi'; ndyujuii ma̱ ji'i̱ ngu' bi', masi ná nchca ji'i̱ ngu' bi' cua'ni lyaá ngu' ji'i̱ ycui' ca ngu'.