SANTIAGO 2:3 - Chatino Tataltepec

³ Ná tso'o si lye tsa cua'ni chi̱ ma̱ loo sca ñati̱ nu nchcu' late' nu tso'o tsa ña'a̱. Ná tso'o ñacui̱ ma̱ ji'i̱ nu culiya' bi': “Tyucua xi lo yaca xlya tso'o re, cusu'”, si ñacui̱ ma̱ ji'i̱ sca ngu' ti'i ndi'ya̱: “Ndacua ti tyu̱ nu'u̱. Cua'a̱ xi, masi lo yuu ti cua”.

SANTIAGO 2:3 ပူးပေါင်းရင်းမြစ်များ

SAN LUCAS 23:11

Li' ngua'ni lya' ti Herodes ji'i̱ Jesús; jua'a̱ sendaru ji'i̱ yu, cuxi tsa ngua'ni ngu' lo'o. Cha' caja ñi'ya̱ nu xtyí lo'o ngu' ji'i̱, li' nguxacu' ngu' late' tso'o tsa ña'a̱ ji'i̱; late' ndubi ña'a̱ ñi'ya̱ ña'a̱ ste' rey nguxacu' ngu' ji'i̱. Lo'o li' nda Herodes ji'i̱ Jesús ndyaa chaca quiya' slo Pilato.

2 CORINTIOS 8:9

Cua jlo ti' ma̱ ñi'ya̱ ndu'ni Jesucristo nu Xu'na na, cha' xcui' tso'o tsa ndu'ni Ni lo'o ñati̱. Lcaa na cua ntsu'u ji'i̱ Ni, pana cua ntaja'a̱ Ni ngua Ni sca ñati̱ ti, ñi'ya̱ nti' sca ñati̱ ti'i nu ná sca na ntsu'u ji'i̱ tsiya' ti. Xqui'ya cu'ma̱, bi' cha' ngua'ni Ni jua'a̱, cha' tiya' la li' taca caja lcaa na nu ntsu'u ji'i̱ ycui' Ni ji'i̱ ma̱.

SANTIAGO 2:2

Ná tyiquee' ca̱a̱ tyu̱u̱ lo ñati̱ ca su ndyu'u ti'i̱ ma̱, masi ngu' culiya' nu ntsu'u cui' oro sne ya' ngu', cuati tso'o tsa ña'a̱ ste' ngu', masi ngu' ti'i nu ngusu̱ tsa ste' ngu'.

SANTIAGO 2:6

Ná tso'o ndyu'ni cu'ma̱, cha' ti'í ti' ma̱ ña'a̱ ma̱ ji'i̱ ngu' ti'i. Xcuane na' sca cha' ji'i̱ ma̱ lacua: ¿Ha si'i nu culiya' laca nu ti'í ti' ji'i̱ ma? ¿Ha si'i nu culiya' laca nu ndya'a̱lo'o ji'i̱ ma̱ ca slo ngu' tisiya?

JUDAS 1:16

Nu ngu' cuiñi bi' ni, xcui' na chi̱i̱ nti' ngu' bi' ndi'i̱ ngu' chalyuu; ná sca na ná ndiya ti' ngu' bi' tsiya' ti, cha' chiya'a̱ ti nchcui' ngu' ji'i̱ lcua ti cha'. Xcui' ndiya la ti' ngu' bi' lcaa lo cha' cuxi nu ntsu'u tyiquee ngu' ji'i̱. Lye tsa nchcui' tyucuaa ti' ngu' bi' lo'o tya'a ngu', pana xcui' tso'o tsa nchcui' ngu' bi' ji'i̱ ñati̱ si xtyucua ngu' ji'i̱ ngu' bi' lo'o sca cña cuxi.