SANTIAGO 1:7 - Chatino Tataltepec

⁷ Ná ca tu̱ ti' ngu' bi' ji'i̱ ni sca na, cha' ta ycui' nu Xu'na na ji'i̱ ngu' li',

SANTIAGO 1:7 ပူးပေါင်းရင်းမြစ်များ

SANTIAGO 4:3

masi ndijña ma̱ sca cha' ji'i̱ ycui' Ndyosi, pana cuxi tsa tyiquee ma̱, bi' cha' ná ndyiji cha' bi' ji'i̱ ma̱ li'. Tsa nde ti cha' ntsu'u tyiquee ma̱: cua nti' ma̱ cha' caja ji'i̱ ma̱ cua ña'a̱ ca cha' nu tyaala' tyiquee ycui' ca ma̱, pana ná tso'o cha' ndyu'ni ma̱ jua'a̱;

SANTIAGO 1:6

Tsa bi' ti cha', nu lo'o jña ma̱ sca cha' ji'i̱ ycui' Ndyosi, li' nga'a̱ cha' jlya ti' ma̱ cha' nchca ji'i̱ Ni cua'ni Ni jua'a̱; ná tso'o si tya'a̱chu̱' ma̱ ji'i̱ cha' bi', ñi'ya̱ si ñacui̱ ma̱ cha' ná nchca ji'i̱ Ni cua'ni Ni jua'a̱. Ñati̱ nu jua'a̱ ñacui̱ cha' ná nchca ji'i̱ ycui' Ni, laca ngu' bi' ñi'ya̱ laca sca clyoo' nu ndya'a̱ lo tyujo'o; ndyatu̱ clyoo' ndyaa macala su nducuni'i̱ cui'i̱ ji'i̱ cha' tsaa.

SANTIAGO 1:8

cha' tucua cha' ntsu'u tyiquee ngu' bi'; ná sca cha' caja ji'i̱ ngu' cha' xcui' na ncha'a̱ ti tyiquee ngu'. Sca ti cha' chcui' ngu' sca tsa̱, chaca tsa̱ xa' cha' chcui' ngu' bi' li'.