ROMANOS 4:3 - Chatino Tataltepec

³ Nde laca cha' nu nscua lo quityi ji'i̱ ycui' Ndyosi: “Ngusñi Abraham cha' nu nda ycui' Ndyosi lo'o yu; bi' cha' ngüiñi cha' ji'i̱ Ni lo'o yu cha' caca tso'o cresiya ji'i̱ yu, xqui'ya cha' jlya ti ti' yu ji'i̱ Ni”. Jua'a̱ nscua lo quityi bi'.

ROMANOS 4:3 ပူးပေါင်းရင်းမြစ်များ

SAN MATEO 20:9

Li' ndyalaa ngu' nu nguxana ca ti cña ca slo yu, pana nda yu xcaya' ngu' ñi'ya̱ si ntsu'u ngu' cña tyucui tsa̱.

SAN MARCOS 12:10

’¿Ha bilya chcui' ma̱ lo quityi ji'i̱ ycui' Ndyosi su nscua ndi'ya̱?: Ntsu'u sca quee nu nguxcua̱a̱ cuityi ni'i̱ ji'i̱ clyo, cha' ná tso'o ña'a̱ quee bi' nti' ngu'; pana juani cua ngujui cña nu cua'ni quee bi', cha' ndu̱ bi' su ndulo la cha' ji'i̱ cuentya ji'i̱ ycui' Ndyosi.

ROMANOS 10:11

Cua nscua chaca cha' lo quityi ji'i̱ ycui' Ndyosi ndi'ya̱: “Ni tsaca na, tya'a ngusñi na cha' ji'i̱ ycui' Ndyosi, ná ntsu'u cha' caca taja ti' na ji'i̱ Ni li'”. Jua'a̱ nchcui' quityi.

ROMANOS 11:2

Nu ngua sa'ni ngusubi ycui' Ndyosi ji'i̱ ngu' Israel, cha' caca ngu' ñati̱ ji'i̱ Ni; juani nga'aa culaya' Ni ji'i̱ ngu' bi'. ¿Ha ná ntsu'u ti' ma̱ cha' nu nscua lo quityi cuentya ji'i̱ nu Elías bi'? Sca jyo'o cusu' nu nda cha' ji'i̱ ycui' Ndyosi lo'o ñati̱ sa'ni ngua jyo'o Elías bi'; pana nu lo'o nchcui' Elías lo'o ycui' Ndyosi, ngusta yu qui'ya ji'i̱ ngu' Israel ndi'ya̱:

ROMANOS 4:11

ca tiya' la, li' ngulacua̱ yu jua'a̱. Sca cuayá' ti ngua bi', cha' caca cuayá' ti' ngu' cha' ngua tso'o cresiya ji'i̱ yu cuentya ji'i̱ ycui' Ndyosi, nu lo'o jlya ti ti' yu ji'i̱ Ni. Yala la ngua cha' ngusñi yu cha' ji'i̱ ycui' Ndyosi, tiya' la ngulacua̱ yu. Bi' cha' lcaa ma̱ nu ntsu'u ma̱ xa' tsu' nu ngusñi ma̱ cha' ji'i̱ Jesús, laca ma̱ ñi'ya̱ laca si Abraham laca jyo'o cusu' ji'i̱ ma̱ nu ya̱a̱ chalyuu tya clyo la. Lo'o xñi cua ña'a̱ ca na cha' ji'i̱ Jesús, li' quiñi cha' ji'i̱ ycui' Ndyosi lo'o na cha' caca lubii cresiya ji'na.

ROMANOS 4:5

Pana nu lo'o jlya ti ti' na ji'i̱ Jesús cha' ngulotsu' yu yabe' nu ntsu'u ji'na, li' taca xquiñi Ni cha' ji'i̱ Ni lo'o na cha' caca tso'o cresiya ji'na, masi ná sca na ndacui Ni ji'na.

ROMANOS 4:9

Si'i xcui' ngu' judío ti nu tso'o ntsu'u tyiquee ngu' jua'a̱, taca ñacui̱ na cha' lo'o ngu' xa' tsu' caca tso'o tyiquee ngu' jua'a̱. Cua nchcui' ca ti na cha' ngusñi Abraham cha' nu nda ycui' Ndyosi lo'o yu, bi' cha' cua nacui̱ Ni ji'i̱ yu cha' ca tso'o cresiya ji'i̱ yu cuentya ji'i̱ ycui' Ndyosi, xqui'ya cha' jlya ti ti' yu ji'i̱ Ni.

ROMANOS 9:17

Ntsu'u sca cha' nu nscua lo quityi cusu', la cui' cha' nu nda ycui' Ndyosi lo'o jyo'o rey ji'i̱ ngu' Egipto nu ngua li': “Cua nda na' chacuayá' jinu'u̱ cha' caca nu'u̱ rey”, nacui̱ Ni, “cha' caca cuayá' ti' nu'u̱ cha' nguula tsa cña nu ndu'ni na' chalyuu. Lo'o jua'a̱ caca cuayá' ti' ñati̱ tyucui ña'a̱ chalyuu tilaca laca na'”, nacui̱ Ni ji'i̱ rey bi'.

SANTIAGO 2:23

Bi' laca cha' nu nscua lo quityi cusu' ndi'ya̱: “Ngusñi Abraham cha' ji'i̱ ycui' Ndyosi, bi' cha' ntucuá Ni cha' ji'i̱ Abraham cha' caca yu sca ñati̱ nu lubii tsa cresiya ji'i̱”. Tya'a tso'o ycui' Ndyosi ngua Abraham li', nacui̱ quityi.

SANTIAGO 4:5

Ndi'ya̱ nscua cha' lo quityi ji'i̱ ycui' Ndyosi, lo'o jua'a̱ si'i cha' laja ti nda Ni: “Nu Xtyi'i ycui' Ndyosi nu nda Ni cha' tyanu ne' cresiya ji'na, ntsu'u tsa tyiquee Ni ña'a̱ Ni ji'na; pana yala tsa caca chi̱i̱ ti' Ni ji'na, si lo'o ntsu'u sca cha' cuxi loo”. Jua'a̱ nacui̱ quityi.