SAN MATEO 9:4 - Chatino Tataltepec

⁴ Pana, ngua tii Jesús ji'i̱ lcaa lo cha' nu ntsu'u tyiquee ngu' bi'. ―¿Ni cha' chi̱i̱ nti' ma̱ ña'a̱ ma̱ 'na juani? ―nacui̱ Jesús ji'i̱ mstru bi'―.

SAN MATEO 9:4 ပူးပေါင်းရင်းမြစ်များ

SAN MATEO 12:25

Pana ngua tii Jesús ñi'ya̱ laca cha' cuxi nu ntsu'u tyiquee ngu', bi' cha' nchcui' yu lo'o ngu' bi' li': ―Si tya'be tya'a ngu' sca nasiyu̱ xqui'ya cha' nxu̱u̱ tya'a ngu' nu laca loo, tye cha' ji'i̱ ngu' bi' jua'a̱ ti li' ―nacui̱ Jesús ji'i̱ ngu'―. Lo'o jua'a̱ si xu̱u̱ tya'a ngu' sca quichi̱ ti, tye cha' ji'i̱ ngu' bi' jua'a̱ ti; masi xu̱u̱ tya'a ngu' nu ndi'i̱ sca ni'i̱ ti, la cui' ti cha' caca, tye cha' ji'i̱ ngu' bi' lo'o tya'a ngu', tyaa ngu' li'.

SAN MARCOS 12:15

Ngua tii Jesús cha' tucua cha' ntsu'u tyiquee ngu' bi'. ―¿Ni cha' laca nchcui' cuayá' ma̱ 'na jua'a̱? ―nacui̱ Jesús ji'i̱ ngu' bi'―. Ta ma̱ sca cñi plata 'na cha' ña'a̱ na' ji'i̱.

SAN MARCOS 2:8

Pana nda Jesús cuentya ñi'ya̱ laca cha' nu nclyacua ti' ngu'. Nchcui' yu lo'o mstru bi' li': ―¿Ni cha' cuxi tsa nclyacua ti' ma̱ ndi'i̱ ma̱? ―nacui̱ Jesús ji'i̱ mstru bi'―.

SAN LUCAS 11:17

Pana cua ngua tii Jesús lcaa cha' nu nclyacua ti' ngu', bi' cha' nchcui' yu lo'o ngu' ndi'ya̱: ―Tye cha' ji'i̱ cua ña'a̱ ca quichi̱ si xcui' cha' cusu̱u̱ cua'ni ngu' lo'o tya'a ngu', si tsaca latya ngu' tisiya xu̱u̱ tya'a ngu' lo'o chaca latya ngu'. La cui' jua'a̱ lo'o ngu' tya'a ndi'i̱ ni'i̱, si ntsu'u cha' cusu̱u̱ ji'i̱ ngu' lo'o xa' la tya'a ngu', nga'aa caja ñi'ya̱ tyi'i̱ ngu' lo'o tya'a ngu' sca ti ni'i̱ bi'.

SAN LUCAS 5:22

Cua jlo ti' Jesús ni cha' laca nu nclyacua ti' ngu'. Li' nchcuane yu ji'i̱ ngu' bi': ―¿Ni cha' laca nti' ma̱ jua'a̱? ¿Ha nti' ma̱ cha' tucui la laca si ñacui̱ na' ji'i̱ nu quicha cua cha' cua'ni clyu ti' ycui' Ndyosi ji'i̱ qui'ya nu ntsu'u ji'i̱ yu? ¿Ha nti' ma̱ cha' yala la caca si ñacui̱ na' ji'i̱ nu quicha: “Tyatu̱ clya nu'u̱ tya'a̱ nu'u̱”? ¿Ni cña yala la cua'ni na' cuentya ji'i̱ yu cua lacua?

SAN LUCAS 6:8

Pana hora ti ngua cuayá' ti' Jesús lcaa ña'a̱ cha' nu nclyacua ti' ngu'. Li' nacui̱ Jesús ji'i̱ yu nu nchcu̱' ya' bi': ―Tyatu̱ clya nu'u̱, yaa tyu̱ cla'be laja ngu' jua ―nacui̱ Jesús ji'i̱ nu quicha bi'. Li' ndyatu̱ yu quicha bi', ndyaa yu cajua su nacui̱ Jesús ji'i̱ yu.

SAN LUCAS 7:40

Li' nguxana Jesús nchcui' lo'o nu yu fariseo bi': ―Ntsu'u sca cha' nu ta na' lo'o nu'u̱, Simón ―nacui̱ Jesús ji'i̱. ―Cuacha' clya nu'u̱ jna', cusu' ―nacui̱ yu fariseo ji'i̱ li'.

SAN JUAN 16:19

Cua jlo ti' Jesús lcaa ña'a̱ cha' nu nti' ngu' xcuane ngu' ji'i̱, bi' cha' nguxtyacui yu cha' lo'o ngu' bi' li': ―Cua nacui̱ na' ji'i̱ ma̱ cha' ca tiya' la xi nga'aa ña'a̱ ma̱ jna', lo'o jua'a̱ ca tiya' la, li' ña'a̱ ma̱ jna' chaca quiya'. ¿Ha xqui'ya cha' bi' nchcui' tsa ma̱ lo'o tya'a ma̱?

SAN JUAN 16:30

bi' cha' ná ntsu'u cha' xcuane ngu' ni tsaca cha' jinu'u̱. Juani tso'o tsa nchca cuayá' ti' ya cha' jlo ti' nu'u̱ lcaa ca cha', bi' cha' jlya ti' ya cha' ca slo ycui' Ndyosi ngutu'u nu'u̱.

SAN JUAN 21:17

Cua ngua sna quiya' nu nchcuane Jesús ji'i̱: ―¿Ha chañi hi̱ cha' ntsu'u tyiquee nu'u̱ ña'a̱ 'na? Cua xñi'i̱ ti' Pedro cha' cua sna quiya' nchcuane Jesús ji'i̱ si chañi cha' ntsu'u tyiquee ña'a̱ ji'i̱ yu, bi' cha' nchcui' ndi'ya̱: ―Lcaa ca cha' jlo ti' nu'u̱, Xu'na ―nacui̱ Pedro ji'i̱ yu―. Cua jlo ti' nu'u̱ cha' ntsu'u tsa tyiquee na' ña'a̱ na' jinu'u̱. ―Culu'u nu'u̱ cha' 'na ji'i̱ ñati̱ 'na lacua ―nacui̱ Jesús ji'i̱―.

SAN JUAN 6:61

Jlo ti' Jesús cha' nchcui' tsa nu ngu' nu ndyaca tsa'a̱ bi' lo'o tya'a ngu' cuentya ji'i̱ cha' nu cua nda ca ti yu lo'o ngu', bi' cha' nchcui' yu lo'o ngu' chaca quiya': ―¿Ha ngua tyuju'u ti' ma̱ 'na xqui'ya cha' nu nchcui' na' lo'o ma̱? ―nacui̱ yu―.

SAN JUAN 6:64

Pana tya ntsu'u xi ngu' tya'a ndya'a̱ ma̱ nu ná jlya ti' jna' ―nacui̱ Jesús li'. Tya lo'o nguxana ti cha', tya li' ngua tii Jesús tilaca laca nu ná jlya ti' ji'i̱ yu, tilaca laca nu cujui' cresiya ji'i̱ yu ca tiya' la.

LOS HECHOS 5:9

―¿Ni cha' laca ngua'ni ma̱ jua'a̱? ―nacui̱ Pedro li'―. Tyucuaa ma̱, cua ngua'ni stu'ba ma̱ cha' lo'o tya'a ma̱ cha' cua'ni cuayá' ma̱ ji'i̱ Xtyi'i ycui' Ndyosi, si jlo ti' Ni, si ná jlo ti' Ni cha' cuiñi ma̱ ―nacui̱―. Cua'a̱ jyaca̱ xi ñi'ya̱ ndañi quiya' ngu' cuañi' nu lijya̱ ndyaa nguxatsi' ngu' ji'i̱ jyo'o clyo'o nu'u̱. La cui' jua'a̱ tsaa lo'o ngu' jinu'u̱ juani.

APOCALIPSIS 2:23

hasta cujuii na' ji'i̱ ñati̱ nu ngusñi cha' ji'i̱ nu cuna'a̱ bi', nacui̱ Ni. Lo'o li' lcaa taju ñati̱ ji'i̱ Jesucristo lcua ti quichi̱, caja cha' ji'i̱ ngu' cha' cua ngua'ni tye na' ji'i̱ cha' cuxi bi'; li' taca jlya tso'o ti' ngu' cha' cua jlo ti' na' lcaa ña'a̱ cha' nu nclyacua ti' ñati̱ chalyuu. Lo'o li' ca cuayá' ti' lcaa ma̱ cha' la cui' ñi'ya̱ ngua'ni ma̱ cha' cuxi tya lo'o ya̱a̱ ma̱ chalyuu, jua'a̱ xcube' na' ji'i̱ ma̱, nacui̱ Jesús.