SAN MATEO 9:22 - Chatino Tataltepec

²² Lo'o li' nguxtyacui Jesús, nguxña'a̱ ji'i̱ nu cuna'a̱ bi': ―Cua'ni cho'o tyiquee nu'u̱, sñi' ―nacui̱ Jesús ji'i̱―. Jlya ti' nu'u̱ 'na, bi' cha' ndyaca tso'o nu'u̱ juani. Lo'o hora ti ndyaca tso'o nu cuna'a̱ bi'.

SAN MATEO 9:22 ပူးပေါင်းရင်းမြစ်များ

SAN LUCAS 7:50

Pana ndi'ya̱ nchcui' Jesús lo'o nu cuna'a̱ bi' li': ―Cua ngulaá nu'u̱ ji'i̱ cha' cuxi nu ntsu'u jinu'u̱ xqui'ya cha' jlya ti' nu'u̱ 'na. Ti̱ ti tyi'i̱ tyiquee nu'u̱, tyaa nu'u̱ lacua.

SAN MATEO 15:28

―Chañi cha' jlya ti' nu'u̱ cha' nu nda na' lo'o nu'u̱ ―nacui̱ Jesús ji'i̱―. Caca cha' nu nti' nu'u̱ lacua ―nacui̱. Hora ti ndyaca tso'o sñi' nu cuna'a̱ bi' li'.

SAN MATEO 9:2

Lo'o ndyalaa quichi̱ bi', li' ñaa lo'o ngu' ji'i̱ sca nu quicha nu nchcu̱' tyucuí̱ tyucui ña'a̱ yu; ñaa ngu' slo Jesús cha' cua'ni jo'o ji'i̱ nu quicha bi'. Ntsiya nu quicha bi' ne' sca catya̱. Pana jlo ti' Jesús cha' jlya ti' ngu' bi' ji'i̱, bi' cha' nchcui' lo'o nu quicha ndi'ya̱: ―Ca tso'o nu'u̱, sñi' ―nacui̱ Jesús ji'i̱ nu quicha―. Cua ngua'ni clyu ti' na' ji'i̱ qui'ya nu ntsu'u jinu'u̱.

SAN LUCAS 18:42

―Caca tso'o cloo nu'u̱ lacua ―nacui̱ Jesús ji'i̱―. Xqui'ya cha' jlya ti' nu'u̱ cha' 'na, bi' cha' tyaca tso'o nu'u̱ juani ―nacui̱ Jesús.

SAN LUCAS 17:19

Li' nchcui' Jesús lo'o nu qui'yu bi': ―Tyatu̱ nu'u̱ cha' tyaa nu'u̱ juani ―nacui̱―. Cua ngua tso'o nu'u̱ juani cha' jlya ti' nu'u̱ cha' nu nda na' lo'o nu'u̱.

SAN LUCAS 8:48

Li' nchcui' Jesús lo'o ma' cusu' bi': ―Cha' jlya ti' nu'u̱ cha' caca ji'i̱ ycui' Ndyosi cua'ni Ni cña tonu bi', bi' cha' ngua tso'o nu'u̱, sñi' ―nacui̱ Jesús ji'i̱ nu cuna'a̱ bi'―. Ná cube ti' nu'u̱, tyaa clya nu'u̱ juani.

SAN MARCOS 10:52

―Tso'o ―nacui̱ Jesús ji'i̱―, tyaa nu'u̱ to' tyi juani. Jlya ti' nu'u̱ 'na, bi' cha' cua ndyaca tso'o cloo nu'u̱. Hora ti ngua tso'o cloo nu cuityi̱' bi', na'a̱ chaca quiya'. Li' ndu'u lca'a̱ ji'i̱ Jesús tyucui̱i̱.

SAN MARCOS 5:34

―Tso'o tsa jlya ti' nu'u̱ jna', sñi' ―nacui̱ Jesús ji'i̱―, bi' cha' ndyaca tso'o nu'u̱. Ti̱ ti tyi'i̱ tyiquee nu'u̱ juani. Tso'o ti tyaa nu'u̱, nga'aa xñi quicha bi' jinu'u̱ chaca quiya'.

SAN MATEO 9:29

Lo'o li' ndyala' Jesús cloo tyucuaa ngu' cuityi̱' bi': ―Tyaca tso'o ma̱ lacua. Caca bi' ji'i̱ ma̱ si jlya ti' ma̱ 'na ―nacui̱ Jesús ji'i̱ ngu' cuityi̱' bi' li'.

LOS HECHOS 16:18

Tyu̱u̱ tsa̱ lca'a̱ nu cuna'a̱ bi' ji'i̱ ya, lo'o la cui' jua'a̱ nxi'ya tsa. Li' nga'aa ndiya ti' Pablo cha' nxi'ya cho'. Nguxtyacui yu nde chu̱' yu tyucui̱i̱ su ndyaa yu, nchcui' yu lo'o nu cuna'a̱ quicha bi' cha' ji'i̱ cui'i̱ nu ngusñi ji'i̱ cho', cha' tyu'u cui'i̱ bi' tyaa li': ―Chacuayá' ji'i̱ Jesucristo nchcui' na' ―nacui̱ Pablo ji'i̱. ―Tyu'u cui'i̱ nu ntsu'u laja cuaña' nu'u̱ juani, tyaa nde liya'. Hora ti ngutu'u cui'i̱ bi' ndyaa li'. Ngua tso'o nu cuna'a̱ bi' li'.

SAN JUAN 4:53

Li' ngua cuayá' ti' sti nu piti bi', cha' la cui' hora lo'o nchcui' Jesús lo'o cha' tyaca tso'o sñi', la cui' hora bi' ngua tso'o sñi'. Li' jlya ti' nu cusu' ji'i̱ Jesús, lo'o jua'a̱ jlya ti' lcaa ngu' nu ndi'i̱ ca to'ni'i̱ ji'i̱.

HEBREOS 4:2

Ñi'ya̱ lo'o ndyuna jyo'o cusu' bi' cha' tso'o nu nchcui' ycui' Ndyosi lo'o ngu' cha' clyaá ngu', la cui' jua'a̱ cua ndyuna na cha' tso'o nu nchcui' Jesús. Pana nu jyo'o bi' ni, ná ngua tso'o cresiya ji'i̱ ngu', masi cua ndyuna ngu' cha' bi', xqui'ya cha' ná jlya ti' ngu' cha' bi', ná ngusñi tso'o ngu' cha' bi'.

LOS HECHOS 14:9

Tso'o tsa ndyuna nu quicha bi' laja lo'o nclyu'u Pablo ji'i̱ ngu'; li' na'a̱ yu ji'i̱ nu quicha bi', ngua cuayá' ti' yu cha' jlya ti' nu quicha cha' taca ji'i̱ ycui' Ndyosi cua'ni cha' tyaca tso'o.

SAN MATEO 17:18

Li' ngulo Jesús cña ji'i̱ cui'i̱ cuxi bi', cha' tyu'utsu' tsiya' ti ji'i̱ nu quicha bi'.

SAN MATEO 8:13

Li' xa' nchcui' Jesús lo'o nu capitán bi': ―Yaa nu'u̱ to' tyi nu'u̱ lacua ―nacui̱ ji'i̱―. Jlya ti' nu'u̱, bi' cha' cua ndyaca tso'o nu quicha bi' jinu'u̱ juani ti ―nacui̱ Jesús ji'i̱. Lo'o la cui' hora ngua tso'o msu bi'.