SAN MATEO 9:18 - Chatino Tataltepec

¹⁸ Laja lo'o nchcui' Jesús lo'o ngu' bi', li' ndyalaa sca ngu' judío nu laca loo; ndatu̱ sti̱' yu slo Jesús li', cha' jña yu sca cha' clyu ti' ji'i̱: ―Cua ngujuii ca ti sca nu piti cuna'a̱ sñi' na' ―nacui̱ nu cusu' ji'i̱ Jesús―. ¿Ha ná tsaa nu'u̱ slo na' cha' sta ya' nu'u̱ lo nu piti bi'? ―nacui̱―. Jlo ti' na' cha' nchca jinu'u̱ cua'ni cha' tyu'ú nu piti chaca quiya'.

SAN MATEO 9:18 ပူးပေါင်းရင်းမြစ်များ

SAN MATEO 14:33

Ngua'ni tlyu ngu' nu ndi'i̱ ne' yaca ni'i̱ bi' ji'i̱ Jesús, lo'o ti ndatu̱ sti̱' ngu' slo yu. ―Chañi cha' nu'u̱ laca nu sca ti Sñi' ycui' Ndyosi ―nacui̱ ngu' ji'i̱.

SAN MATEO 15:25

Li' cacua la ndyalaa nu cuna'a̱ bi', ndyatu̱ sti̱' slo Jesús. ―Xu'na ―nacui̱ ji'i̱ Jesús―, xtyucua nu'u̱ ji'i̱ cua.

SAN MATEO 17:14

Lo'o cua ngua'ya ngu' sii' ca'ya bi', xa' ndyalaa ngu' su ndi'i̱ ngu' quiña'a̱ lo'o nu xa' la tya'a ngu' nu ndyaca tsa'a̱ ji'i̱ Jesús bi'. Hora ti ñaa sca nu qui'yu, ndyatu̱ sti̱' yu slo Jesús, nchcui' yu bi' lo'o li':

SAN MATEO 20:20

Lo'o li' ya̱a̱ xtya'a̱ Jacobo lo'o Juan ca slo Jesús. Zebedeo laca sti tyucuaa nu qui'yu bi'. Stu'ba ti ya̱a̱ nu cuna'a̱ bi' lo'o tyucuaa sñi', li' ndyatu̱ sti̱' ma' slo Jesús cha' jña ma' sca cha' tso'o ji'i̱.

SAN MATEO 28:17

Lo'o na'a̱ ngu' ji'i̱ Jesús cha' ya̱a̱ yu nde slo ngu', li' ngua'ni tlyu ngu' ji'i̱ yu, masi ntsu'u xi tya'a ngu' nu bilya jlya tso'o ti' ngu' ji'i̱.

SAN MATEO 8:2

Lo'o li' ndu'u tucua sca nu quicha slo. Ndyatu̱ sti̱' yu slo ycui' Jesús, cha' nti' yu cuane yu ji'i̱ Jesús cha' cua'ni jo'o ji'i̱ yu, cha' ngusñi quicha ndyatsu' cuaña' ji'i̱ yu bi'. ―Xu'na ―nacui̱ nu quicha bi' ji'i̱ Jesús―, cua'ni jo'o 'na. Jlo ti' na' cha' nchca jinu'u̱ cua'ni nu'u̱ cha' caca lubii cuaña' na'.

SAN MATEO 8:25

Li' nguxtyu'u ngu' tya'a ndya'a̱ ji'i̱ Jesús: ―Cusu' ―nacui̱ ngu' ji'i̱ Jesús―, cua'ni lyaá clya ji'na. Cua quilyu'u ti yaca ni'i̱ re ne' hitya, cajaa na si nti'.

SAN MATEO 9:17

La cui' ti cha', ná su'ba ngu' lcui nu chca ndyu'u ti ne' tyaca' cusu'. Si su'ba ngu' ji'i̱ ne' tyaca' cusu', yala ti catsu se'i̱ tyaca' bi'; ndye ngula'a tyaca' li', tye lcui tyalú li'. Ne' tyaca' cucui tyu'u lcui nu chca ndyu'u ti; jua'a̱ talo tyucuaa cha' bi', lo'o lcui lo'o tyaca' bi'. (Jua'a̱ ngulu'u Jesús ji'i̱ ngu' cha' ca cuayá' ti' ngu' cha' ná tso'o quixa' ngu' cha' cucui nu nclyu'u yu cuentya ji'i̱ ycui' Ndyosi lo'o cha' nu nguxtyanu jyo'o cusu' cha' cua'ni ngu'.)

SAN MATEO 9:19

Li' ndyatu̱ Jesús lo'o ngu' nu ndyaca tsa'a̱ ji'i̱, ndyaa ngu' lo'o nu cusu' bi'.

SAN MATEO 9:24

Nchcui' Jesús lo'o ngu' li': ―Tyaa ma̱ tso'o la ―nacui̱―. Na laja' ti nu piti re, si'i na ngujuii re. Nxtyí lo'o tsa ngu' ji'i̱ Jesús li',

SAN LUCAS 13:14

Pana nu qui'yu nu laca loo ne' laa bi' ni, ngunasi̱' tsa yu bi', cha' ngua'ni Jesús jo'o ji'i̱ ngu' tsa̱ ta'a. ―Scuá tsa̱ tso'o cha' cua'ni na cña ―nacui̱ nu laca loo bi'―, bi' tsa̱ tso'o cha' tya̱a̱ ma̱ cha' caca jo'o ji'i̱ ma̱; nga'aa ca̱a̱ ma̱ tsa̱ ta'a li' ―nacui̱.

SAN LUCAS 18:18

Ndacua ndu̱ sca ñati̱ tlyu nu laca loo ji'i̱ ngu' judío. Li' nchcuane yu bi' ji'i̱ Jesús: ―Mstru, tso'o tsa ndu'ni nu'u̱ ―nacui̱―. ¿Ñi'ya̱ cua'ni na' cha' caja chalyuu nu ná nga'a̱ cha' tye 'na? ―nacui̱ nu qui'yu bi'.

SAN LUCAS 7:2

Ca bi' ndi'i̱ sca capitán nu laca loo ji'i̱ sendaru ji'i̱ ngu' romano. Ntsu'u sca msu ji'i̱ nu tyaca'a tsa ji'i̱; pana quicha tsa nu msu bi', cua cajaa ti.

SAN JUAN 11:25

Li' nguxtyacui Jesús cha' lo'o nu cuna'a̱ bi': ―Na' laca̱ nu ndu'ni cha' tyu'ú ñati̱, na' laca̱ nu ndu'ni cha' chañi caca tso'o cresiya ji'i̱ ñati̱ ―nacui̱ Jesús―. Masi cajaa ngu', tya tyu'ú ngu' bi' chaca quiya', caja chalyuu cucui ji'i̱ ngu' si cua ngusñi ngu' cha' jna' ―nacui̱ Jesús ji'i̱ Marta―.

SAN JUAN 11:32

Lo'o li' ndyalaa María ca su ndu̱ Jesús. Lo'o na'a̱ cho' ji'i̱ yu, hora ti ngutu̱ sti̱' cho' slo Jesús. Lo'o li' nacui̱ María bi': ―Si nguti'i̱ nu'u̱ tsubi', cusu' ―nacui̱―, ná ngujuii tya'a ngula na' li'.

LOS HECHOS 13:15

Li' nchcui' sca nu cusu' lo quityi ji'i̱ ycui' Ndyosi cha' cuna lcaa ñati̱ nu ndi'i̱ ne' laa bi'; nchcui' lo quityi nu nscua cña nu ngulo Ni ji'i̱ ngu', li' nchcui' nu cusu' bi' sca cha' nu nguscua jyo'o cusu' nu ngua tu'ba ji'i̱ ycui' Ndyosi nu ngua sa'ni. Lo'o li' nchcuane nu cusu' nu laca loo ne' laa bi' ji'i̱ Pablo lo'o Bernabé: ―¿Ha ntsu'u sca cui̱i̱ ji'i̱ ma̱ cha' ta ma̱ lo'o ya juani? ―nacui̱ ji'i̱ ngu'.

LOS HECHOS 28:8

Ngua quicha sti Publio; ntsu'u tyique' ji'i̱, lo'o jua'a̱ cutse' tañi ndyu'ni ji'i̱. Ndyaa na'a̱ Pablo ji'i̱ sti Publio bi' li'. Nchcui' yu lo'o ycui' Ndyosi cuentya ji'i̱ nu quicha bi', ngusta ya' yu chu̱' nu quicha; hora ti ngua tso'o nu quicha bi' li'.