SAN MATEO 9:14 - Chatino Tataltepec

¹⁴ Lo'o li' ndyalaa sca taju ñati̱ slo Jesús, la cui' ngu' nu ndyaca tsa'a̱ ji'i̱ Juan laja lo'o ntyucuatya ji'i̱ ngu' laca ngu' bi'. Li' nchcui' ngu' bi' lo'o Jesús: ―Ntsu'u tsa̱ nu ná ndacu cuare ―nacui̱ ngu'―, lo'o ntsu'u tsa̱ nu ná ndacu ngu' fariseo, xqui'ya cha' ndu'ni tacati ya tsa̱ bi'; pana nu'u̱, lo'o jua'a̱ ngu' nu ndyaca tsa'a̱ jinu'u̱, lcaa tsa̱ ndacu ma̱. ¿Ni cha' ta ndacu cu'ma̱ lcaa tsa̱ lacua?

SAN MATEO 9:14 ပူးပေါင်းရင်းမြစ်များ

SAN MATEO 11:2

Tya nga'a̱ Juan ne' chcua̱, pana cua ndyuna nu Juan bi' ji'i̱ lcaa ña'a̱ cña nu ndyu'ni Jesús nu laca Cristo; bi' cha' ngulo Juan cña ji'i̱ ngu' nu ndyaca tsa'a̱ ji'i̱, cha' tsaa ngu' bi' slo Jesús,

SAN MATEO 6:16

’Lo'o chaca cha' ni: nu lo'o tyalaa tsa̱ ji'i̱ ma̱ lo'o ná cacu ma̱ xqui'ya cha' cua'ni tlyu ma̱ ji'i̱ ycui' Ni, ná tso'o si tyu'u cha' xñi'i̱ ti' tyiquee ma̱, ñi'ya̱ nu ndu'ni ngu' nu tucua cha' ntsu'u tyiquee ngu'. Nti' ngu' bi' cha' ña'a̱ ñati̱ ji'i̱ cha' tacati tsa nu ndu'ni ycui' ca ngu', cha' ná ndyacu ngu' tsa̱ bi'. Cha' liñi nchcui' na' lo'o ma̱, cha' cua laca ngujui cha' ji'i̱ ngu'; lcaa cha' tso'o nu tyacua ji'i̱ ngu' ca slo ycui' Ndyosi nquicha', cua ngujui cha' bi' ji'i̱ ngu' nu lo'o cua na'a̱ xa' ñati̱ chalyuu ti ji'i̱ ngu'.

SAN MATEO 9:15

Li' nguxacui̱ Jesús cha' ji'i̱ ngu' bi': ―Lo'o caja clyo'o ngu' ni, ndacu ngu' nu ndya'a̱ lo'o cutsii; ná ndi'i̱ ngu' xñi'i̱ ti' ngu' tsa̱ bi' lo'o ndi'i̱ ngu' lo'o cutsii ―nacui̱ Jesús ji'i̱ ngu' li'―. Pana nu lo'o tyalaa tsa̱ li', nu lo'o tyaa lo'o ngu' ji'i̱ cutsii, li' ná cacu ngu' tya'a tso'o cutsii, cha' caca xñi'i̱ ti' ngu' li'. La cui' jua'a̱ chaa ti' tya'a tso'o na' juani, pana caca xñi'i̱ ti' ngu' re nde loo la.

SAN JUAN 3:25

Lo'o li' nda xi ngu' judío cha' cusu̱u̱ lo'o ngu' nu ndyaca tsa'a̱ ji'i̱ Juan; nguxlyú ngu' cha' hichu̱' tya'a ngu' ñi'ya̱ nu tso'o la cua'ni ngu' cha' caca lubii cresiya ji'i̱ ngu' cuentya ji'i̱ ycui' Ndyosi.

SAN JUAN 4:1

Lo'o li' ndyuna ngu' fariseo, nda ngu' cuentya cha' quiña'a̱ la ñati̱ ndya'a̱ lo'o Jesús cha' caca tsa'a̱ ngu' ji'i̱ yu, jua'a̱ ntyucuatya yu ji'i̱ ngu'; xti la ngu' ndi'i̱ nu ndyaca tsa'a̱ ji'i̱ Juan.