SAN MATEO 8:23 - Chatino Tataltepec

²³ Lo'o li' ndyatí̱ Jesús ne' yaca ni'i̱ piti; ndyatí̱ ngu' nu ndyaca tsa'a̱ ji'i̱ lo'o, ndu'u ngu' ndyaa ngu' li'.

SAN MATEO 8:23 ပူးပေါင်းရင်းမြစ်များ

SAN MATEO 8:24

Lo'o li' lye tsa ndyaca cui'i̱, lye tsa ndyatu̱ clyoo' lo tayu'; cua quilyu'u ti yaca ni'i̱ bi' ne' hitya xqui'ya clyoo', pana laja' Jesús ntsu'u ne' yaca ni'i̱ bi'.

SAN MATEO 9:1

Lo'o li' xa' ndyatí̱ Jesús ne' yaca ni'i̱ bi', cha' tyeje tacui lo tayu' cha' tya̱a̱ quichi̱ tyi.

SAN MARCOS 4:35

Lo'o cua ngusi̱i̱ tsa, cua ndyaa cuichaa, li' nchcui' Jesús xi lo'o nu ngu' nu ndyaca tsa'a̱ ji'i̱: ―Tyeje tacui na ca chaca tsu' tayu' re ―nacui̱ Jesús ji'i̱ ngu' bi'.

SAN LUCAS 7:22

Bi' cha' ndi'ya̱ nguxacui̱ Jesús cha' ji'i̱ ngu' bi' li': ―Yaa clya ma̱ cacha' ma̱ ji'i̱ nu Juan bi' lcaa cha' nu cua na'a̱ ma̱ slo na', lcaa cha' nu cua ndyuna ma̱ ca nde. Ñacui̱ ma̱ ji'i̱ yu cha' xa' nda na' xee ña'a̱ tyu̱u̱ tya'a ngu' nu ngua cuityi̱'; lo'o juani tso'o tsa ndya'a̱ ngu' nu ngua quicha quiya'; jua'a̱ cua ngua lubii cuaña' ngu' nu ndyatsu' cuaña'; lo'o juani cua nduna tso'o ngu' nu ngua cu'u̱ jyaca̱; jua'a̱ xa' ndyu'ú ngu' chaca quiya', ngu' nu cua ngujuii; jua'a̱ ngu' ti'i ni, nduna ngu' cha' tso'o nu nda na' lo'o ngu' ñi'ya̱ ndu'ni lyaá Ni ji'i̱ ngu' ji'i̱ nu cuxi. Jua'a̱ ñacui̱ ma̱ ji'i̱ Juan bi'.