Cui'ya Ni cha' clyu ti' ji'i̱ ñati̱ nu nchcui' cha' cuxi jna' nu cua nda Ni 'na lijya̱a̱ cha' caca na' ñati̱; pana lo'o chcui' ngu' cha' cuxi ji'i̱ cña nu ndu'ni Xtyi'i ycui' Ndyosi, li' nga'aa cui'ya ycui' Ni cha' clyu ti' ji'i̱ ngu' bi' lcaa tsa̱ lo'o tyi'i̱ ngu' chalyuu, masi tyucui tyempo nde loo la.
SAN MATEO 8:20 - Chatino Tataltepec20 Nguxacui̱ Jesús cha' ji'i̱ mstru bi' li': ―Nu naa cuatya' ni, ne' xtyuu ni' ndyu'ú ni'; lo'o jua'a̱ quiñi sube, ne' xlyati̱ ndyu'ú ni'. Pana na' ni, cua nda Ni 'na lijya̱a̱ chalyuu re cha' caca na' ñati̱, lo'o jua'a̱ ná ntsu'u su xtyii na' caja' na', ná ntsu'u su chca'a̱ cña' na'. အခန်းကိုကြည့်ပါ။ |
SAN MATEO 8:20
35 ပူးပေါင်းရင်းမြစ်များ
Lo'o lijya̱ nda'ya ti'i̱ ngu' sii' ca'ya bi', li' ngulo Jesús cña ji'i̱ ngu' nu ndyaca tsa'a̱ ji'i̱: ―Ná cacha' ma̱ ji'i̱ xa' ñati̱ ñi'ya̱ ngua cha' nu cua na'a̱ ma̱ lo xlya ca'ya jua tsa̱ ―nacui̱ Jesús ji'i̱ ngu' bi'―. Nu lo'o cua ngujuii ycui' na' nu cua nda Ni 'na lijya̱a̱ cha' caca na' ñati̱, nu lo'o tyu'ú na' chaca quiya', li' taca cacha' ma̱ cha' bi' ji'i̱ xa' ñati̱.
―Cha' liñi nchcui' na' lo'o ma̱ juani ―nacui̱ Jesús ji'i̱ ngu'―, cha' nu lo'o caca chalyuu cucui bi' ni, li' ca̱a̱ na' nu cua nda Ni 'na lijya̱a̱ cha' caca na' ñati̱; tsaa tucua na' ca su tso'o tsa ña'a̱ ca bi', cha' cua'ni cuayá' na' ji'i̱ lcaa ñati̱ chalyuu li'. Lo'o cu'ma̱ nu ndya'a̱ ma̱ lo'o na', tiya' la tyucua ma̱ lo tii tyucuaa tya'a yaca nu tso'o tsa ña'a̱, cha' cua'ni cuayá' ma̱ ji'i̱ tya'a ñati̱ ma̱, nu tii tyucuaa tya'a taju ngu' Israel bi'.
Caca tyuju'u ti' na' nu cua nda Ni 'na lijya̱a̱ cha' caca na' ñati̱, nu lo'o ña'a̱ na' ji'i̱ scaa ñati̱ chalyuu nu ntyuju'u ti' jna', masi tyuju'u ti' ngu' bi' ji'i̱ cha' tso'o nu nchcui' ti na'. Si xqui'ya na' tyuju'u ti' ngu' bi' slo ngu' cuxi chalyuu juani, masi slo ngu' suba' chalyuu juani, li' caca tyuju'u ti' na' ji'i̱ ngu' bi' nu lo'o ca̱a̱ na' chaca quiya' nde loo la cha' caca na' loo ji'i̱ ñati̱. Li' lye tsa ña'a̱ xee caca lo'o tya̱a̱ na' chaca quiya' chacuayá' ji'i̱ Sti na'. Ca̱a̱ na' lo'o xca̱ nu tacati tsa ji'i̱ ycui' Ni, cha' lubii tsiya' ti ngu' xca̱ bi' ―nacui̱ Jesús ji'i̱ ngu'.
’Ndi'ya̱ nchcui' na' lo'o ma̱ juani: lo'o ná ca tyuju'u ti' ma̱ chcui' ma̱ slo xa' ñati̱ chalyuu cha' laca ma̱ ñati̱ 'na, la cui' jua'a̱ na' nu lijya̱a̱ cha' caca na' ñati̱, ná ca tyuju'u ti' na' chcui' na' cha' laca ma̱ ñati̱ 'na; chcui' na' jua'a̱ ca su tyi'i̱ na' lo'o xca̱ ji'i̱ ycui' Ndyosi nde cua̱.
Tii ti ti' ma̱ tyi'i̱ ma̱ chalyuu lacua. Lcaa tyempo chcui' ma̱ lo'o ycui' Ndyosi cha' xtyucua Ni ji'i̱ ma̱, cha' talo ma̱ lo'o caca cha' cuxi bi' chalyuu. Lo'o li' caja ñi'ya̱ nu tyalaa ma̱ su tyucua ycui' na' nu cua nda Ni 'na lijya̱a̱ cha' caca na' ñati̱, cha' cua'ni cuayá' na' ji'i̱ ma̱ ―nacui̱ Jesús ji'i̱ ngu'.
Lo'o li' nacui̱ Jesús ji'i̱ ngu': ―Ta na' sca cha' liñi lo'o ma̱ juani ―nacui̱ yu―. Nde loo la ña'a̱ ma̱ cha' tyucua yaala ca su ntucua ycui' Ndyosi nde cua̱. Li' caca cuayá' ti' ma̱ cha' cua nda Ni 'na lijya̱a̱ cha' caca na' ñati̱ chalyuu. Lo'o ca su tyu̱ na' bi', ca bi' ña'a̱ ma̱ ji'i̱ ngu' xca̱ nu ndi'i̱ slo ycui' Ndyosi; tya'a̱ ngu' bi', tyacui̱ ngu' bi' nde cua̱, ca'ya ngu' bi' nde su tyu̱ na'.
Li' nguxtyacui ngu' cha' lo'o Jesús: ―Cua ndyuna ya lo'o nchcui' ngu' lo quityi cusu' ji'na, cha' ndi'ya̱ nscua, cha' ná nga'a̱ cha' tye tsa̱ ji'i̱ Cristo, nu ñati̱ tlyu nu ta ycui' Ndyosi ji'i̱ lijya̱ ―nacui̱ ngu'―. ¿Ñi'ya̱ ndyu'u cha' nu nchcui' nu'u̱ cha' ntsu'u cha' cujui'i̱ ca'a̱ ngu' ji'i̱ lo crusi, ji'i̱ Cristo nu ya̱a̱ chalyuu cha' caca ñati̱? ¿Ñi'ya̱ ña'a̱ ñati̱ laca nu Cristo bi'?
Lo'o nguti'i̱ jyo'o Moisés nde nati̱' btyi bi' cua sa'ni la, ngusicua̱ yu ji'i̱ sca cuaña chcua̱ nu ndacui chu̱' yaca cha' ña'a̱ ngu' cuaña bi', cha' caca jo'o ji'i̱ quicha nu ntsu'u ji'i̱ ngu' bi' ―nacui̱ Jesús―. Ñi'ya̱ nu ngusicua̱ ji'i̱ cuaña bi', jua'a̱ nga'a̱ cha' sicua̱ ngu' jna' lo crusi, na' nu lijya̱a̱ cha' caca na' ñati̱.
Tso'o la ―nacui̱ Jesús li'―, si cua'ni cña ti' ma̱ cha' caja sca cha' nu talo ji'i̱ ma̱; chañi cha' tyaala' ti' ma̱ li', si caja chalyuu nu ná nga'a̱ cha' tye ji'i̱ ma̱. Nu na cacu na ni, xtyi'i ti talo na bi', yala ti quiñu'u̱ na bi'. Pana na' nu lijya̱a̱ cha' caca na' ñati̱, ta na' sca cha' tso'o ji'i̱ ma̱ nu cua'ni cha' tyaala' ti' ma̱, lo'o ná tye tsiya' ti cha' bi' ji'i̱ ma̱ ―nacui̱―. Na cua nda ycui' Ndyosi Sti na' chacuayá' jna' cha' ta na' cha' tso'o bi' ji'i̱ ma̱.
Li' nguxacui̱ Jesús cha' ji'i̱ ngu': ―Liñi tsa cha' nu nda na' lo'o ma̱ juani ―nacui̱―, ná taca ca tso'o cresiya ji'i̱ ma̱ si ná caja lcaa cha' nu ji'i̱ ycui' na' ji'i̱ ma̱, na' nu cua lijya̱a̱ chalyuu cha' caca na' ñati̱. Nga'a̱ cha' tyatí̱ cha' bi' ne' cresiya ji'i̱ ma̱, ñi'ya̱ si cacu ma̱, si co'o ma̱ sca na ―nacui̱ Jesús―.
Cua jlo ti' ma̱ ñi'ya̱ ndu'ni Jesucristo nu Xu'na na, cha' xcui' tso'o tsa ndu'ni Ni lo'o ñati̱. Lcaa na cua ntsu'u ji'i̱ Ni, pana cua ntaja'a̱ Ni ngua Ni sca ñati̱ ti, ñi'ya̱ nti' sca ñati̱ ti'i nu ná sca na ntsu'u ji'i̱ tsiya' ti. Xqui'ya cu'ma̱, bi' cha' ngua'ni Ni jua'a̱, cha' tiya' la li' taca caja lcaa na nu ntsu'u ji'i̱ ycui' Ni ji'i̱ ma̱.
ကြော်ငြာတွေ